بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ۇلتتىڭ گۇلدەنۋىن جۇزەگە اسىرۋدىڭ جارىس جولىندا ەرلىكپەن العا ۇمتىلامىز

− باس شۋجي شي جينپيڭنىڭ جۇڭگو كوممۋنيستىك جاستار وداعى قۇرىلعاندىعىنىڭ 100 جىلدىعىن قۇتتىقتاۋ جينالىسىندا سويلەگەن ماڭىزدى ءسوزى رايونىمىزداعى ءار دارەجەلى وداق ۇيىمدارى مەن وداق مۇشەلەرى، جاستار اراسىندا قىزۋ اڭىس قوزعادى

□ انار بۇلت \ شينجياڭ گازەتىنىڭ تىلشىلەرى

2022.05.12 14:31     كەلۋ قاينارى : حالىق تورابى

  جاستىق كوكتەم شەكسىز ءۇمىت تۋىنداتادى، جاستار كوركەم بولاشاق جاراتادى. 5 - ايدىڭ 10 - كۇنى باس شۋجي شي جينپيڭ جۇڭگو كوممۋنيستىك جاستار وداعى قۇرىلعاندىعىنىڭ 100 جىلدىعىن قۇتتىقتاۋ جينالىسىنا قاتىناستى ءارى ماڭىزدى ءسوز سويلەپ، 100 جىلدان بەرگى كوممۋنيستىك جاستار وداعىنىڭ بۇلجىماستان پارتيانىڭ سوزىنە قۇلاق اسۋ، پارتياعا ىلەسۋ سىندى جاستىق كوكتەم بارىسىن جاپپاي ەسكە الىپ، كوممۋنيستىك جاستار وداعىنىڭ پارتيانىڭ باسشىلىعىندا، سان ۇرپاق وداق مۇشەلەرىن، جاستاردى ىنتىماقتاستىرىپ، باستاپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا قوسقان ماڭىزدى ۇلەسىن تولىق تۇراقتاندىرىپ، كوممۋنيستىك جاستار وداعى مەن جاستار قىزمەتىنىڭ تاريحي تاجىريبەلەرىن تەرەڭ پايىمداپ، جاڭا داۋىردەگى كوممۋنيستىك جاستار وداعى قىزمەتىن ويداعىداي ىستەۋگە ايقىن تالاپ قويدى. باس شۋجيدىڭ ماڭىزدى ءسوزى رايونىمىزداعى ءار دارەجەلى وداق ۇيىمدارى مەن قالىڭ وداق مۇشەلەرىن، جاستاردى بارىنشا جىگەرلەندىردى. كوپشىلىك مىنانى ءبىلدىردى: تاپسىرمانى ەستە بەرىك ساقتاپ، پارتيامەن نيەتتەس بولىپ، پارتياعا ىلەسە كۇرەس جاساپ، ۇلتتىڭ گۇلدەنۋىن جۇزەگە اسىرۋدىڭ جارىس جولىندا ەرلىكپەن العا ۇمتىلىپ، جاستىق كوكتەمنىڭ اقىل - پاراساتىمەن جانە ماڭداي تەرىمەن اناعۇرلىم كوركەم جۇڭگو قۇرۋعا ۇمتىلامىز.

  جينالىستى تىكەلەي ەفيردە كورگەننەن كەيىن، اۆتونوميالى رايوندىق وداق كوميتەتىنىڭ شۋجيى مامەتجان داۋۇتتىڭ كوڭىلى كولدەي تولقىدى. ”100 جىلدان بەرى پارتيانىڭ پارمەندى باسشىلىعىندا، كوممۋنيستىك جاستار وداعى ءبىرىنىڭ ءىزىن ءبىرى باسقان ءار ۇرپاق جاستاردى جۇڭحۋا ۇلتىنىڭ ۇلى گۇلدەنۋى بارىسىندا اسقاق سەزىممەن جاستىق كوكتەمنىڭ جىرىن جازۋعا ۇيىمداستىردى، جەتەكتەدى. ءدال باس شۋجي ايتقانداي، تاريح پەن اماليات جۇڭگو كوممۋنيستىك جاستار وداعىنىڭ جۇڭگو جاستار قوزعالىسىنىڭ ايتسا ايتقانداي ۇزدىك قوسىنى، پارتيانىڭ ايتسا ايتقانداي ادال كومەكشىسى جانە سەنىمدى زاپاس قوسىنى ەكەندىگىن تولىق دالەلدەدى“. مامەتجان داۋۇت بىلاي دەدى: جاڭا داۋىردەگى جاڭا جورىقتا اۆتونوميالى رايوندىق وداق كوميتەتى اۋەلگى ماقساتتى، بورىشتى ەستە بەرىك ساقتاپ، شينجياڭداعى قالىڭ وداق مۇشەلەرىن، جاستاردى ىنتىماقتاستىرىپ، باستاپ، سەنىمدى بەكەمدەپ، پارتياعا ءجىتى ىلەسىپ، ىندەتتەن ساقتانۋ - تىزگىندەۋگە دەم بەرۋ، ەكونوميكانىڭ جوعارى ساپالى دامۋىنا قىزمەت وتەۋ، اۋىل - قىستاقتى گۇلدەندىرۋگە ات سالىسۋ سياقتى كەلەلى ورنالاستىرۋدا جاستىق كوكتەمنىڭ كۇش - قۋاتىن ارنايدى.

  ”باس شۋجيدىڭ ماڭىزدى ءسوزى ءبىز وداق مۇشەلەرىن، جاستاردى قاتتى جىگەرلەندىردى“. 26 - كەزەكتى ”جۇڭگو جاستار 4 - مامىر مەدالىنىڭ“ يەگەرى، التاي ايماقتىق تابيعاتتى قورعاۋ قوعامىنىڭ باستىعى چۋ ۋىنۋىن اسەرلى سەزىمىن جاسىرا المادى: ”پارتيادا ۇندەۋ بولسا، وداقتا ارەكەت بولۋ قاشاندا ءار ۇرپاق كوممۋنيستىك جاستار وداعى مۇشەلەرىنىڭ ساياسي سەنىمى بولىپ كەلەدى. ءبىز باس شۋجيدىڭ ءتالىمىن ەستە بەرىك ساقتاپ، تابيعاتتى قورعاۋ قىزمەتىن ويداعىداي جاقسى ىستەپ، ەكولوگيالىق وركەنيەت قۇرىلىسىنا ءار بەرۋگە قۇلشىنامىز“.

  ”باس شۋجي العا قويعان 4 ءۇمىت ءبىزدىڭ جاڭا داۋىردەگى كوممۋنيستىك جاستار وداعى قىزمەتىن ويداعىداي جاقسى ىستەۋىمىزگە ايقىن بەتالىس كورسەتتى“. التاي ايماقتىق وداق كوميتەتى پارتيا باسشىلىق گرۋپپاسىنىڭ مۇشەسى، ورىنباسار شۋجي گۇلبارحان سىماعۇل ارقالاعان مىندەتىنىڭ اۋىر ەكەنىن سەزدى. ول مىنانى ءبىلدىردى: سوتسياليزم قۇرىلىسشىلارى مەن ءىزباسارلارىن تاربيەلەۋ سىندى ءتۇبىرلى مىندەتتى بۇلجىتپاي مىقتى يگەرىپ، التاي ايماعىنداعى وداقتىڭ نەگىزگى ساتى ۇيىمدىق قۇرىلىسىن كۇش سالا نىعايتىپ، قالىڭ وداق مۇشەلەرىن، جاستاردى ۇلى مۇرات اياسىنداعى ارمانعا تالپىنۋشىلار بولۋعا، ۇلى ىستەردىڭ جالىندى كۇشى بولۋعا باستاپ، كوممۋنيستىك جاستار وداعىن قاشاندا جاستاردى ماڭگى كۇرەس جاساۋعا ۇيىمداستىراتىن اتويشى كۇشكە اينالدىرامىز.

  مەملەكەتتىك تاڭداۋلى كوممۋنيستىك جاستار وداعى مۇشەسى ۋاڭ شيڭ قۇرلىق ارميا بەلگىلى جالپىلىق جاتتىعۋ بازاسىنىڭ جاڭا اسكەرلەر بانجاڭى. ”باس شۋجي العا باسۋعا تالپىنۋ جاستاردىڭ ەڭ باعالى قاسيەتى ءارى پارتيا مەن حالىقتىڭ ەڭ كوكەي تەستى ءۇمىتى ەكەندىگىن باسا دارىپتەدى. ءبىز ءۇمىتتى جەردە قالدىرماي، اسكەري كازارمادا ارمانىمىزدى ايگىلەپ، ۇلەس قوسىپ، ناتيجە شىعارىپ، قابىلەت - ونەرگە قاجىرلىلىقپەن جاتتىعىپ، وزات - تاڭداۋلى بولۋعا ۇمتىلىپ، قاجىرلىلىقپەن ۇيرەنۋدىڭ، قايراتتانا جاڭالىق اشۋدىڭ ۇلگىسى بولۋعا قۇلشىنامىز“، - دەدى ۋاڭ شيڭ.

  (ءتىلشى جاڭ يانفاڭ، قاتىناسقان تىلشىلەر گۋان مىڭيىڭ، جاڭ يۇنمەي، ساۋ حۋا، جاڭ تيڭ، لۋ فىڭباۋ، سۇي يۇنيان، ياڭ شۋحان، جاڭ جىلي، جاۋ شييا، ءپاريزات ابدۇل، ەرىكتى تىلشىلەر لي نا، ديڭ لەي، گوۋ باۋچي)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار