بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شارۋالاردىڭ باس اماندىعى زياندالسا، قالا – قالاشىق تۇرعىندارىمەن بىردەي تولەم بەرىلە مە؟

2022.05.13 17:01     كەلۋ قاينارى : حالىق تورابى

  مەن بەلگىلى قالاشىقتاعى تۇرعىنمىن، اۋىل – قىستاق نوپوسىندامىن. 2018 – جىلى ءۇيىمىزدىڭ ماڭىنداعى ونەركاسىپ باقشاسى كەڭەيتىلىپ سالىنىپ، وتباسىمىز كوتەرەگە العان جەردى تۇگەل وتكىزىپ العان. اۋىل شارۋاشىلىعى وندىرىسىنە سۇيەنىپ تۇرمىستىق قاراجات تابۋعا مۇمكىن بولماعاندىقتان، امالسىزدان ونەركاسىپ باقشاسىنداعى ءبىر سەرىكتەستىكتە جۇمىس ىستەدىم.

  3 ايدىڭ الدىنداعى ءبىر كۇنى كەشتە، مەن جۇمىستان ءتۇسىپ ۇيگە قايتقان سوڭ دوسىمنىڭ ۇسىنىس ەتۋىمەن سىرتقا بارىپ اراق ءىشتىم، جولدا كەرى باعىتپەن جۇرگەن جەڭىل اۆتوموبيل سوعىپ كەتىپ جارالانىپ، وسىنىڭ سالدارىنان 8 – دارەجەلى مۇگەدەك بولىپ قالدىم، قاتىناس ساقشىسى جەڭىل اۆتوموبيل شوفەرى تاڭ X شىرعالاڭداعى جاۋاپكەرشىلىكتى تۇگەل ارقالايدى دەپ كەسىم شىعاردى. جۋىردا تولەم الاتىن كەزدە، ءىس تۋدىرۋشى تاڭ X پەن قامسىزداندىرۋ سەرىكتەستىگى مەنى شارۋا دەپ تانىپ، اۋىل – قىستاق ولشەمى بويىنشا تولەم بەرەتىنىن ايتتى.

  سۇرايىن دەگەنىم، ماعان بەرىلەتىن مۇگەدەكتىك تولەم قاراجاتى قانداي ولشەم بويىنشا ەسەپتەلەدى؟

  وقىرمان جاڭ X مين

  جاڭ X مين وقىرمان:

  بۇرىن 2004 – جىلى 5 – ايدىڭ 1 – كۇنىنەن باستاپ اتقارىلعان «ەڭ جوعارى حالىق سوتىنىڭ جەكە باستىڭ زيانعا ۇشىراۋىنا بايلانىستى تولەم بەرۋگە ساياتىن دەلولارعا قولدانىلاتىن زاڭدار تۋرالى ءبىرقىدىرۋ ماسەلەلەر جونىندەگى تۇسىنىكتەمەسىندەگى» بەلگىلەمەلەرگە نەگىزدەلگەندە، باس اماندىعىنىڭ زيانعا ۇشىراۋىنا بايلانىستى تولەم بەرۋدە نوپوسقا قاراۋ جاعدايى بولعان، قالا – قالاشىق نوپوسىنداعىلار مەن اۋىل – قىستاق نوپوسىنداعىلارعا قازا بولۋعا قاتىستى بەرىلەتىن تولەم مەن مۇگەدەكتىككە قاتىستى بەرىلەتىن تولەم جونىندە ۇقساماعان ولشەم قولدانىلعان، سوندىقتان، اۋىل – قىستاقتاعى زيانعا ۇشىراۋشىلار مەن قالا – قالاشىقتاعى زيانعا ۇشىراۋشىلاردىڭ الاتىن تولەم سوماسىنداعى پارىق ءبىرشاما زور بولعان. قالا مەن اۋىلدى توعىستىرا دامىتاتىن ءتۇزىلىس مەحانيزمى مەن ساياساتتىق جۇيەنى ورناتۋ مەن كەمەلدەندىرۋدىڭ قاجەتىنە سايكەسىپ، قالا مەن اۋىلدى توعىستىرا دامىتۋدى ىلگەرىلەتىپ، زياندالعانداردىڭ تەپە – تەڭ قورعاۋعا يە بولۋىنا شارت – جاعداي جاراتۋ ءۇشىن، ەڭ جوعارى حالىق سوتى جوعارىداعى ءادىليالىق تۇسىنىكتەمەگە وزگەرىس ەنگىزۋ ارقىلى قالا مەن اۋىلداعى تۇرعىندارعا تولەم بەرۋ ولشەمىن بىرلىككە كەلتىردى، اتاپ ايتقاندا، 2022 – جىلى 5 – ايدىڭ 1 – كۇنىنەن باستاپ، اۋىل - قىستاق نوپوسىنداعىلارعا دا مۇگەدەكتىك سەبەبىنەن بەرىلەتىن تولەم مەن قازا بولۋ سەبەبىنەن بەرىلەتىن تولەم جانە قامقورلىققا الىنۋشىنىڭ تۇرمىستىق قاراجاتى قالا – قالاشىق تۇرعىندارىنىڭ ولشەمى بويىنشا ءبىرتۇتاس اتقارىلادى.

  وزگەرىس ەنگىزىلگەننەن كەيىنگى «ەڭ جوعارى حالىق سوتىنىڭ جەكە باستىڭ زيانعا ۇشىراۋىنا بايلانىستى تولەم بەرۋگە ساياتىن دەلولارعا قولدانىلاتىن زاڭدار تۋرالى ءبىرقىدىرۋ ماسەلەلەر جونىندەگى تۇسىنىكتەمەسىنىڭ» 12 – تارماعىندا بىلاي بەلگىلەنگەن: «مۇگەدەك بولعان ادامعا بەرىلەتىن تولەم قاراجاتى زياندالۋشىنىڭ ەڭبەك قابىلەتىنەن ايرىلۋ دارەجەسىنە نەمەسە مۇگەدەكتىك دارەجەسىنە قاراي، ارىز – شاعىمدى قابىلداعان سوت تۇرعان جەردەگى قالا – قالاشىق تۇرعىندارىنىڭ وتكەن جىلعى ءوز مەڭگەرۋىندەگى ورتاشا كىرىسىنىڭ ولشەمى بويىنشا، مۇگەدەك بولعان كۇننەن باستاپ، 20 جىل ۋاقىت بويىنشا ەسەپتەلەدى. الايدا، 60 جاستان اسقان بولسا، ءبىر جاس ارتقان سايىن ءبىر جىل ازايتىلىپ وتىرادى؛ 75 جاستان اسقان بولسا، 5 جىل بويىنشا ەسەپتەلەدى. زياندالۋشى جاراقات سەبەبىنەن مۇگەدەك بولىپ قالعانىمەن، ءىس جۇزىندىك كىرىسى ازايماعان بولسا، نەمەسە مۇگەدەكتىك دارەجەسى ءبىرشاما جەڭىل بولسا، الايدا، كاسىپتىك جاقتان كەدەرگىگە ۇشىراپ، ەڭبەك ىستەۋى مەن كاسىپتەنۋىنە اۋىر ىقپال جەتكىزگەن بولسا، مۇگەدەك بولعان ادامعا بەرىلەتىن تولەم قاراجاتىنا سايكەستى رەتتەۋ جۇرگىزۋگە بولادى». 15 – تارماقتا بىلاي دەپ بەلگىلەنگەن: «قازا بولۋ سەبەپتى بەرىلەتىن تولەم قاراجاتى ارىز – شاعىمدى قابىلداعان سوت مەكەمەسى تۇرعان جەردەگى قالا – قالاشىق تۇرعىندارىنىڭ وتكەن جىلعى ءوز مەڭگەرۋىندەگى ورتاشا كىرىسىنىڭ ولشەمى بويىنشا، 20 جىل بويىنشا ەسەپتەلەدى. الايدا، 60 جاستان اسقان بولسا، ءبىر جاس ارتقان سايىن، ءبىر جىل ازايتىلىپ وتىرادى؛ 75 جاستان اسقان بولسا، 5 جىل بويىنشا ەسەپتەلەدى.

  بۇل دەلودا، ءسىز اۋىل – قىستاق تۇرعىنى بولعانىڭىزبەن، جاڭا بەلگىلەمە بويىنشا، قامسىزداندىرۋ سەرىكتەستىگى مەن ءىس تۋدىرۋشى تاڭ X تەن قالا – قالاشىق تۇرعىندارىنىڭ ءوز مەڭگەرۋىندەگى ورتاشا كىرىسىنىڭ ولشەمى بويىنشا مۇگەدەكتىك تولەم قاراجاتىن بەرۋىن تالاپ ەتۋىڭىزگە بولادى.

  انحۇي ساقشى – وفيتسەرلەر كاسىپتىك شۋەيۋانىنىڭ پروفەسسورى ءارى ادۆوكات پان جيايۇڭ

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار