بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

كوممۋنيستىك جاستار وداعىنىڭ تابان تىرەر تياناعىن، ساياسي رۋحىن، ەكپىندەي ىلگەرىلەۋ كۇشىن، ومىرشەڭ كۇش قاينارىن سومدادى

− باس شۋجي شي جينپيڭنىڭ جۇڭگو كوممۋنيستىك جاستار وداعى قۇرىلعاندىعىنىڭ 100 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە

□ حالىق گازەتىنىڭ شولۋشىسى

2022.05.13 17:07     كەلۋ قاينارى : حالىق تورابى

  100 جىلدىق جورىق كوممۋنيستىك جاستار وداعىنىڭ پارتيانىڭ باسشىلىعىنا تاباندى بولۋ سىندى تابان تىرەر تياناعىن سومداپ، كوممۋنيستىك جاستار وداعىنىڭ مۇرات - سەنىمنەن جازبايتىن ساياسي رۋحىن سومدادى، كوممۋنيستىك جاستار وداعىنىڭ ۇلتتىڭ گۇلدەنۋىنە ات سالىساتىن ەكپىندەي ىلگەرىلەۋ كۇشىن سومدادى، كوممۋنيستىك جاستار وداعىنىڭ قالىڭ جاستارعا تامىر تارتقان ومىرشەڭ كۇش قاينارىن سومدادى. جۇڭگو كوممۋنيستىك جاستار وداعى قۇرىلعاندىعىنىڭ 100 جىلدىعىن قۇتتىقتاۋ جينالىسىندا باس شۋجي شي جينپيڭ كوممۋنيستىك جاستار وداعىنىڭ 100 جىلدان بەرگى بەرىك مۇرات ورناتىپ، العان بەتىنەن قايتپاي قالىپتاستىرعان 4 باعالى تاجىريبەسىن ەگجەي - تەگجەيلى جيناقتاپ، ”بۇل كوممۋنيستىك جاستار وداعىنىڭ بولاشاققا بەت الىپ، تاعى دا تىڭ ەڭبەك سىڭىرۋىندەگى ماڭىزدى بويسۇنۋ ولشەمى“ دەپ ىشكەرىلەي اتاپ كورسەتتى.

  جۇڭگو كوممۋنيستىك پارتياسى بولماسا، جۇڭگو كوممۋنيستىك جاستار وداعى دا بولماق ەمەس. كوممۋنيستىك جاستار وداعى دۇنيەگە كەلگەن كۇننەن باستاپ پارتيانىڭ تۋىن تۋ، پارتيانىڭ ەركىن ەرىك، پارتيانىڭ بورىشىن بورىش ەتىپ، پارتيانىڭ باسشىلىعىنا تاباندى بولۋدى قانعا ءسىڭىرىپ، باسقا جاستار ۇيىمىنان پارىقتالىپ تۇراتىن ءتۇبىرلى ەرەكشەلىك جانە ايقىن باسىمدىق قالىپتاستىردى. پارتيانىڭ باسشىلىعىنا تاباندى بولۋ كوممۋنيستىك جاستار وداعىنىڭ تابان تىرەر تياناعى، پارتيانىڭ سوزىنە قۇلاق اسۋ، پارتياعا ىلەسۋ كوممۋنيستىك جاستار وداعىنىڭ باستان - اياق تاباندى بولاتىن ساياسي جانى، پارتيانىڭ ۇندەۋى، وداق ۇيىمىنىڭ ارەكەتى باستان - اياق ءار ۇرپاق كوممۋنيستىك جاستار وداعى مۇشەلەرىنىڭ ساياسي سەنىمى بولدى. 100 جىلدان بەرى پارتيانىڭ پارمەندى باسشىلىعىندا، كوممۋنيستىك جاستار وداعى پارتياعا بۇلجىماي ىلەسۋ، پارتيا مەن حالىق ءۇشىن كۇرەس جۇرگىزۋ سىندى اۋەلگى ماقساتتى، بورىشتى ەستە بەرىك ساقتاپ، پارتيا ۇندەسە، وداق اتتانىسقا كەلۋ سىندى تاڭداۋلى ءداستۇردى ساۋلەلەندىرىپ، پارتيا تۋى قايدا نۇسقاسا، وداق تۋى سوندا جەلبىرەيدى دەگەنگە باستان - اياق تاباندى بولىپ، ءار ۇرپاق جاستاردى سەنىمدى بەكەمدەپ، پارتياعا ءجىتى ىلەسۋگە ۇيىمداستىرىپ، جەتەكتەپ، پارتيا ءۇشىن جاستاردىڭ تىلەگىنە قول جەتكىزىپ، جاستاردىڭ كۇش - قۋاتىن ۇيىستىردى. جۇڭحۋا ۇلتىنىڭ ۇلى گۇلدەنۋى بارىسىنداعى جالىندى جاستىق جىرىن جازدى. تاريح تەك پارتيانىڭ باسشىلىعىنا تاباندى بولعاندا عانا، كوممۋنيستىك جاستار وداعى جاستاردى العا باسۋعا ىنتىماقتاستىرىپ، باستاپ، جۇڭگو جاستار قوزعالىسىنىڭ دۇرىس ساياسي بەتالىسپەن العا باسۋىن ىلگەرىلەتە الاتىندىعىن تولىق دالەلدەدى.

  100 جىل ۇزبەي كۇرەس جۇرگىزىپ، جەڭىسپەن العا باسقان جۇڭگو كوممۋنيستىك جاستار وداعى باستان - اياق پارتيامەن تىلەكتەس بولىپ، پارتياعا ىلەسىپ كۇرەس جۇرگىزىپ، قالىڭ وداق مۇشەلەرىن، جاستاردى جاستىق ورالىمەن جاستىق كوكتەمدەي جايناعان جۇڭگونى، جاستىق كوكتەمدەي جايناعان ۇلتتى جاراتۋعا ىنتىماقتاستىردى، باستادى. 100 جىلدان بەرگى ايبىندى جورىقتا مۇرات - سەنىمنەن اينىماۋ − كوممۋنيستىك جاستار وداعىنىڭ ساياسي رۋحى، كوممۋنيستىك جاستار وداعىنىڭ 1 - قۇرىلتايى كوممۋنيزم قوعامىن قۇرۋ ۇلى مۇراتىن ايقىن العا قويىپ، سوتسياليزمنىڭ ايقىن تۋىن بيىك ۇستاپ، ءار ۇرپاق جاستاردىڭ جۇرەگىندە مۇرات ورناتىپ، سەنىمنىڭ شۇعىلاسىن شاشتى، بۇل كوممۋنيستىك جاستار وداعىنىڭ ەڭ ءتۇبىرلى، ەڭ باياندى ۇيىستىرۋ قۋاتى؛ ۇلتتى گۇلدەندىرۋگە ات سالىسۋ كوممۋنيستىك جاستار وداعىنىڭ ەكپىندەي ىلگەرىلەۋدەگى كۇش - قۋاتى، كوممۋنيستىك جاستار وداعى پارتيانىڭ تۇرلىشە تاريحي داۋىردەگى وزەكتى مىندەتىن تىعىز ارقاۋ ەتىپ، قالىڭ وداق مۇشەلەرىن، جاستاردى حالىق بۇقاراسىنىڭ ايبىندى امالياتىنا بەلسەنە ات سالىسۋعا ىنتىماقتاستىرىپ، باستاپ، ۇلتتى گۇلدەندىرۋ ساپارىندا باتىلدىقپەن اۆانگارد بولىپ، بار ىنتا - پەيىلمەن ۇلەس قوسىپ، جالىندى قوسىندىق جانە ەكپىندى قوسىندىق رولىن ساۋلەلەندىرىپ، ۇلتتىڭ گۇلدەنۋىن جۇزەگە اسىرۋدى جۇڭگو جاستار قوزعالىسىنىڭ دايەكتى ايبىندى نەگىزگى اعىمىنا اينالدىردى؛ قالىڭ جاستارعا تامىر تارتۋ كوممۋنيستىك جاستار وداعىنىڭ ومىرشەڭدىك كۇشىنىڭ قاينارى، كوممۋنيستىك جاستار وداعى 100 جىلدىق سان وزگەرىستى باستان كەشىرسە دە، جاستىق جالىنىن قاۋلاتا الۋىنداعى سەبەبى ونىڭ باستان - اياق قالىڭ جاستارعا تامىر تارتۋعا سۇيەنىپ، قىزمەتتىڭ ءتۇيىنىن باستان - اياق ەڭ قالىڭ جۇمىسشى - ديقان جاستارىنا جانە قاراپايىم جاستار قاۋىمىنا شوعىرلاندىرىپ، جاستارمەن تىعىز تىلەكتەس بولىپ، جاستاردىڭ جۇرەگىن پارتيامەن تىعىز توعىستىرۋىندا. تاريح مىنانى تولىق دالەلدەدى: كوممۋنيزم، سوتسياليزم تۋىن باستان - اياق بيىك ۇستاعاندا عانا، كوممۋنيستىك جاستار وداعى ەڭ بەرىك ىنتىماق ورناتىپ، ەڭ جاۋىنگەرلىك قۋاتقا يە ۇيىم تۇلعالاپ، جاستاردى باستان - اياق پارتيانىڭ مۇرات - سەنىم تۋى استىنا جۇمىلدىرا الادى؛ تەك جۇڭحۋا ۇلتىنىڭ ۇلى گۇلدەنۋى جولىندا كۇرەس جۇرگىزۋ سىندى وسى نەگىزگى تاقىرىپتى بۇلجىتپاي مىقتى يگەرگەندە عانا، كوممۋنيستىك جاستار وداعى ىنتىماقتاسۋعا بولاتىن بارلىق جاس كۇشتەردى ىنتىماقتاستىرىپ، جاستىق كوكتەمنىڭ ايبىندى جىرىن اسقاقتاتا شىرقاي الادى؛ قالىڭ جاستار سىندى وسى قۇنارلى توپىراقتان ۇزدىكسىز ءنار الىپ، كۇش - قۋات توپتاعاندا عانا، كوممۋنيستىك جاستار وداعى قالىڭ جاستاردىڭ سەنىم ارتاتىن، ارقا سۇيەيتىن، ايرىلماس جان اشىرىنا اينالادى.

  كەزەكتە دۇنيە جۇزىندە 100 جىلدا بولماعان زور وزگەرىس جەدەل قۇبىلۋدا، جۇڭحۋا ۇلتىنىڭ ۇلى گۇلدەنۋى شەشۋشى كەزەڭگە ءوتتى، جۇڭگو حالقى تاسقىنداعان جىگەرمەن ءدال جاپپاي سوتسياليستىك وسىزاماندانعان قۋاتتى مەملەكەت قۇرۋدىڭ ەكىنشى 100 جىلدىق كۇرەس نىساناسىنا قادام قويۋدا. باس شۋجي شي جينپيڭ باسا دارىپتەپ بىلاي دەدى: ”كوممۋنيستىك جاستار وداعى جەتەكتەۋ قۋاتىن، ۇيىمداستىرۋ قۋاتىن، قىزمەت وتەۋ قۋاتىن كۇشەيتىپ، قالىڭ وداق مۇشەلەرىن، جاستاردى مۇراتتى، جاۋاپكەرشىلىك ارقالاۋعا باتىل، جاپاعا ءتوزىمدى، كۇرەس جۇرگىزۋگە پەيىل جاڭا داۋىردەگى جاقسى جاستاردان بولىپ جەتىلۋگە، جاستىق كوكتەمنىڭ بەلسەندىلىك كۇشى مەن جاسامپازدىق قۋاتى ارقىلى ۇلتتى گۇلدەندىرۋدىڭ بۋىرقانعان كوكتەمگى تاسقىنىن قاۋلاتۋعا، جاستىق كوكتەمنىڭ اقىل − پاراساتىمەن جانە ماڭداي تەرىمەن اناعۇرلىم كوركەم جۇڭگو قۇرۋعا ۇمتىلۋعا ىنتىماقتاستىرۋ، باستاۋ كەرەك! العا باسقان سايىن، جوعارى تالپىنعان سايىن، ءجۇرىپ وتكەن جولداردان اقىل - پاراسات قابىلداپ، سەنىمدى سەرپىلتىپ، كۇش - قۋات الۋعا شەبەر بولۋ كەرەك. كوممۋنيستىك جاستار وداعى 100 جىلدىق كۇرەس بارىسىندا قالىپتاستىرعان باعالى تاجىريبەلەردى ويداعىداي جالعاستىرۋى، ويداعىداي ساۋلەلەندىرۋى كەرەك، پارتيانىڭ باسشىلىعىنا تاباندى بولىپ، مۇرات - سەنىمنەن اينىماي، ۇلتتىڭ گۇلدەنۋىنە ات سالىسىپ، قالىڭ جاستار اراسىنا تامىر تارتىپ، جۇڭگو ارمانىن جۇزەگە اسىرۋ ءۇشىن كۇرەس جۇرگىزۋ سىندى ءداۋىردىڭ نەگىزگى تاقىرىبىن مىقتاپ يگەرىپ، ساياسي سيپاتتى، وزىق سيپاتتى، بۇقارالىق سيپاتتى ۇزدىكسىز ساقتاپ جانە كۇشەيتىپ، سوتسياليزمنىڭ قۇرۋشىلارىن جانە ءىزباسارلارىن تاربيەلەۋدى ءتۇبىرلى مىندەت ەتۋگە تاباندى بولىپ، پارتيانىڭ ىستەرى ءۇشىن جاستاردى ەڭ كەڭ كولەمدە ىنتىماقتاستىرىپ، ۇيىستىرىپ، پارتيا ءۇشىن جاڭا داۋىردەگى جاستار قىزمەتىن ويداعىداي ىستەپ، قاشاندا جۇڭگو جاستارىنىڭ يدەيالىق جاقتا العا باسۋىنا جەتەكشىلىك ەتەتىن ساياسي مەكتەپكە اينالۋ، قاشاندا جۇڭگو جاستارىن ماڭگى كۇرەس جاساۋعا ۇيىمداستىراتىن اتويشىل كۇشكە اينالۋ، قاشاندا پارتيانىڭ جاستارمەن بايلانىس جاساۋداعى ەڭ بەرىك كوپىرىنە، دانەكەرىنە اينالۋ، قاشاندا پارتياعا ءجىتى ىلەسىپ، ءداۋىردىڭ الدىڭعى لەگىندە جۇرەتىن وزات ۇيىم بولۋى كەرەك.

  سوتسياليستىك وسىزاماندانعان قۋاتتى ەل قۇرۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ − ءبىر مايدان كۇش جالعاپ جۇگىرۋ. ۇلتتىڭ گۇلدەنۋىن جۇزەگە اسىرۋ سىندى جارىس جولىندا ەرلىكپەن العا ۇمتىلۋ − ءداۋىردىڭ قازىرگى زامان جاستارىنا جۇكتەگەن داڭقتى جاۋاپكەرشىلىگى. جاڭا جورىقتا پارتيا باسشىلىعىنا بۇلجىماستان تاباندى بولىپ، پارتيانىڭ بيلىك جۇرگىزۋىنىڭ جاستار قاۋىمىنداعى نەگىزىن بەكەمدەۋدى جانە كەڭەيتۋدى ساياسي جاۋاپكەرشىلىك ەتىپ، ءتۇيىندى ارقاۋ ەتۋدى، جالپى جاعدايعا قىزمەت ەتۋدى قىزمەت نەگىزگى جەلىسى ەتىپ، جاستارعا جەتەكشىلىك ەتىپ، جۇمىلدىرىپ، جاستاردى اتتانىسقا كەلتىرىپ، ۇيىمداستىرىپ، جاستارمەن بايلانىس ورناتۋ، قىزمەت وتەۋ جاۋاپكەرشىلىگىن مۇقيات ادا ەتىپ، جاستاردى ۇيىستىرۋ قۋاتىن، ۇيىمداستىرۋ قۋاتىن، ۇندەۋ قۋاتىن ارتتىرسا، كوممۋنيستىك جاستار وداعى، ءسوزسىز، جاستاردى ءتىپتى دە ويداعىداي ىنتىماقتاستىرىپ، ۇيىمداستىرىپ، اتتانىسقا كەلتىرىپ، ەكىنشى 100 جىلدىق كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن كۇرەس جۇرگىزە الادى!

  (شينحۋا اگەنتتىگىنىڭ 5 - ايدىڭ 11 - كۇنى بەيجيڭنەن بەرگەن حابارى)

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار