بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شي جينپيڭ بريكس ەلدەرى سىرتقى ىستەر مينيسترلەرى كەڭەسىنىڭ اشىلۋ سالتىندا بەينە ەكران ءسوزىن سويلەدى

2022.05.20 16:45     كەلۋ قاينارى : حالىق تورابى


  5 - ايدىڭ 19 - كۇنى مەملەكەت ءتوراعاسى شي جينپيڭ بريكس ەلدەرى سىرتقى ىستەر مينيسترلەرى كەڭەسىنىڭ اشىلۋ سالتىندا بەينە ەكران ءسوزىن سويلەدى. سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

  شينحۋا اگەنتتىگى، 5 - ايدىڭ 19 - كۇنى، بەيجيڭ. مەملەكەت ءتوراعاسى شي جينپيڭ 5 - ايدىڭ 19 - كۇنى بريكس ەلدەرى سىرتقى ىستەر مينيسترلەرى كەڭەسىنىڭ اشىلۋ سالتىندا بەينە ەكران ءسوزىن سويلەدى.

  شي جينپيڭ بىلاي دەپ اتاپ كورسەتتى: قازىر 100 جىلدىق وزگەرىس جاعدايى مەن عاسىرلىق ىندەت قاباتتاسا ىقپال جاساپ، حالىقارالىق جاعدايدا ورنىقسىزدىق، تۇراقسىزدىق، حاۋىپتى فاكتورلار كۇن سايىن كورنەكتىلەنۋدە. الايدا بەيبىتشىلىك پەن دامۋ سىندى داۋىرلىك نەگىزگى تاقىرىپ وزگەرگەن جوق، ءار ەل حالقىنىڭ تاماشا تۇرمىسقا تالپىنىسى وزگەرگەن جوق، حالىقارالىق قوعامنىڭ ءبىر جاعادان باس، ءبىر جەڭنەن قول شىعارۋ، سەلبەسىپ تەڭ يگىلىكتەنۋ سىندى تاريحي بورىشى دا وزگەرگەن جوق. حالىقارالىق قوعامداعى بەلسەندى، العاباسار، سىندارلى كۇش رەتىندە بريكس ەلدەرى سەنىمدى بەكەمدەپ، داۋىلدى تولقىندارعا بەتپە - بەت كەلىپ، ءىس جۇزىندىك ارەكەتتەرى ارقىلى بەيبىت دامۋدى جەبەپ، ادىلدىك پەن ادىلەتتىلىكتى قورعاپ، دەموكراتيا مەن ەركىندىكتى دارىپتەپ، اۋمالى - توكپەلى وزگەرىس مەزگىلىندە تۇرعان حالىقارالىق قاتىناسقا ورنىقتىلىق جانە وڭ ەنەرگيا ۇستەۋى كەرەك.

  شي جينپيڭ بىلاي دەپ دارىپتەدى: تاريح پەن رەالدىق بىزگە وزگە ەلدىڭ حاۋىپسىزدىگىن قۇرباندىققا شالۋدى بوداۋ ەتىپ، ءوز حاۋىپسىزدىگىنە سىڭار جاقتىلىقپەن تالپىنۋدىڭ جاڭا قايشىلىقتار مەن حاۋىپ - قاتەردى تۋدىراتىنىن ۇعىندىردى. دۇنيە ءجۇزىنىڭ تىنىشتىق پەن قاتەردە بىرگە بولۋىن جەبەۋ ءۇشىن، مەن دۇنيە جۇزىلىك حاۋىپسىزدىك باستاماسىن ورتاعا قويدىم. بريكس ەلدەرى ساياسي سەنىمدىلىكتى جانە حاۋىپسىزدىك سەلبەستىگىن كۇشەيتىپ، كەلەلى حالىقارالىق جانە وڭىرلىك ماسەلەلەر جونىندە تىعىز پىكىرلەسىپ، سايكەسىپ، ءبىر - ءبىرىنىڭ وزەكتى مۇددەسى مەن ءجىتى نازار اۋدارىپ وتىرعان كەلەلى ىستەرىنە كوڭىل ءبولىپ، يەلىك ۇقىققا، حاۋىپسىزدىككە، دامۋ مۇددەسىنە قۇرمەت ەتىپ، زورەكەرلىك پەن وكتەمدىك ساياسيعا قارسى تۇرىپ، قىرعي قاباقتىق وي مەن توپقا ءبولىنىپ قارسىلاسۋدى تەجەپ، ادامزاتتىڭ حاۋىپسىزدىك ورتاق تۇلعاسىن بىرگە قۇرۋى كەرەك.

  شي جينپيڭ بىلاي دەپ دارىپتەدى: دامۋ − بازارى جاڭادان گۇلدەنگەن ەلدەر مەن وركەندەپ كەلە جاتقان ەلدەردىڭ ورتاق مىندەتى. قازىرگى ءتۇرلى حاۋىپ - قاتەر مەن سىن - سايىس الدىندا بازارى جاڭادان گۇلدەنگەن ەلدەر مەن وركەندەپ كەلە جاتقان ەلدەردىڭ ىنتىماعىن، سەلبەستىگىن كۇشەيتۋ بۇرىنعى ءارقانداي كەزدەگىدەن دە ماڭىزدى. 5 ەل بازارى جاڭادان گۇلدەنگەن ەلدەرمەن جانە وركەندەپ كەلە جاتقان ەلدەرمەن پىكىرلەسىپ، اۋىس - كۇيىس جاساپ، ءتۇسىنىسۋدى، ءوزارا سەنىمدىلىكتى ارتتىرىپ، سەلبەستىك دانەكەرىن بەكەمدەپ، مۇددەلەردىڭ توعىسۋىن تەرەڭدەتىپ، سەلبەستىكتىڭ بالكۇلشەسىن بارعان سايىن زورايتىپ، العا باسۋ كۇشتەرىن بارعان سايىن نىعايتىپ، ادامزاتتىڭ تاعدىرلاس ورتاق تۇلعاسىن قۇرۋ سىندى تاماشا بولاشاقتى جۇزەگە اسىرۋعا اناعۇرلىم زور ۇلەس قوسۋى كەرەك.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار