بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

1 - ايدان 4 - ايعا دەيىن شينجياڭنىڭ سۇرىپتالماعان كومىرىنىڭ ءونىم مولشەرى سايكەس مەزگىلدەگىدەن %30كە تاياۋ ارتتى

2022.05.23 14:46     كەلۋ قاينارى : شينجياڭ گازەتى

  انار بۇلت \ شينجياڭ گازەتىنىڭ ءتىلشىسى يۇي جياڭيان، ەرىكتى ءتىلشى جاڭ جۇڭ 5 - ايدىڭ 21 - كۇنى ۇرىمجىدەن حابارلايدى. مەملەكەتتىك ساناق مەكەمەسىنىڭ ساندى مالىمەتىنە قاراعاندا، بيىل 1 - ايدان 4 - ايعا دەيىن شينجياڭداعى كولەمنەن جوعارى كاسىپورىنداردىڭ سۇرىپتالماعان كومىرىنىڭ ءونىم مولشەرى 119 ميلليون 680 مىڭ توننا بولىپ، سايكەس مەزگىلدەگىدەن %29 ارتقان. مۇنىڭ ىشىندە 4 - ايدا سۇرىپتالماعان كومىردىڭ ءونىم مولشەرى 27 ميلليون 148 مىڭ توننا بولىپ، سايكەس مەزگىلدەگىدەن %27.2 ارتقان.

  1 - ايدان 4 - ايعا دەيىن شينجياڭنىڭ سۇرىپتالماعان كومىرىنىڭ ءونىم مولشەرىنىڭ ارتۋ جىلدامدىعى بۇكىل ەلدىڭ ورتاشا دەڭگەيىنەن جوعارى بولىپ، جاريالانعان 23 ولكە، رايون، قالانىڭ اراسىندا شينجياڭداعى كولەمنەن جوعارى كاسىپورىنداردىڭ سۇرىپتالماعان كومىرىنىڭ ءونىم مولشەرىنىڭ ارتۋ جىلدامدىعى 2 - ورىندى يەلەدى.

  مەملەكەت ەنەرگيا توبى شينجياڭ ەنەرگيا شەكتى جاۋاپكەرشىلىك سەرىكتەستىگى شينجياڭداعى ەڭ ۇلكەن كومىر ساۋدا كاسىپورنى. 1 - ايدان 4 - ايعا دەيىن بۇل سەرىكتەستىكتىڭ وندىرگەن كومىرى 25 ميلليون 90 مىڭ توننا بولىپ، سايكەس مەزگىلدەگىدەن 6 ميلليون 680 مىڭ توننا ارتتى؛ تاۋارلىق كومىردەن جالپى 25 ميلليون 460 مىڭ توننا ساتىلىپ، سايكەس مەزگىلدەگىدەن 6 ميلليون 730 مىڭ توننا ارتتى، شينجياڭ سىرتىنا ءبىر ميلليون 30 مىڭ توننا كومىر تاسىلىپ، تاريحتاعى جاڭا بيىككە كوتەرىلدى. بۇل سەرىكتەستىكتىڭ جاۋاپتىسى بىلاي دەپ تانىستىردى: بيىل جىل باسىنان بەرى، سەرىكتەستىك ءوندىرۋ مەن ساتۋدى ۇشتاستىرۋدى كۇشەيتىپ، نىسانالى ساتۋدى، باعىتتامالى ساتۋدى جانە يكەمدى ساتۋدى ءۇرتىس ىلگەرىلەتىپ، كومىر بايلىعىن عىلمي ۇيىمداستىرىپ، ءوندىرىستى ارتتىرۋعا، ساتۋدى ارتتىرۋعا قۇلشىنىپ، شينجياڭ ىشىندەگى، شينجياڭ سىرتىنداعى بازاردىڭ كەزەڭدىك ءوزارا تولىقتاۋىن، ۇزىن پەريودتى ءوزارا سايكەسۋىن جەبەدى.

  مەملەكەتتىك ساناق مەكەمەسىنىڭ ساندى مالىمەتىندە تاعى مىنالار كورسەتىلگەن: 1 - ايدان 4 - ايعا دەيىن شينجياڭداعى كولەمنەن جوعارى كاسىپورىنداردىڭ سۇرىپتالماعان كومىرىنىڭ ءونىم مولشەرى بۇكىل ەل بويىنشا 4 - ورىندى يەلەپ، سانشي، ىشكى موڭعۇل، شانشيدان كەيىنگى ورىندا تۇرعان.

  شينجياڭدا مەجەلەنگەن كومىر بايلىعىنىڭ جالپى مولشەرى شامامەن 2 تريلليون 200 ميلليارد توننا بولىپ، بۇكىل ەلدىڭ %40ىن يەلەگەن. 2021 - جىلدان بەرى، حالىقاراداعى كوپ تۇتىنىلاتىن بايلىق تاۋارلارى باعاسىنىڭ ءوسۋ جانە ەنەرگيا باعاسىنىڭ ءوسۋ ىقپالى ەل ىشىندە كومىر باعاسىنىڭ وسۋىنە تۇرتكى بولدى، شينجياڭداعى كومىر كاسىپتەرى بۇكىل ەلدىڭ ەنەرگيا تەپە - تەڭدىگىنە بەلسەنە ات سالىسىپ، حاۋىپسىزدىكتى قامتاماسىز ەتۋ العى شارتىندا ءوندىرىستى ارتتىرۋعا قۇلشىنىپ، تۋىسقان ولكە، قالالاردىڭ كومىردەن پايدالانۋ قاجەتىن قامتاماسىز ەتتى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار