شي جينپيڭ حات جولداپ جۇڭگو سۇڭ چيڭليڭ قور قوعامى قۇرىلعانىنىڭ 40 جىلدىعىن قۇتتىقتاعاندا مىنانى دارىپتەدى
سۇڭ چيڭليڭ مىرزانىڭ «پارتيامەن ماڭگى بىرگە بولۋ» سەنىمىن جالعاستىرىپ، ەل ءىشى - سىرتىنداعى جۇڭحۋا ۇلاندارىنىڭ ۇلى ىنتىماعىن جەبەۋگە تىڭ دا اناعۇرلىم زور ۇلەس قوسۋ كەرەك
ۋاڭ ياڭ ەسكە ءتۇسىرۋ جينالىسىنا قاتىناستى ءارى ءسوز سويلەدى
2022.06.01 15:26 كەلۋ قاينارى : حالىق تورابى
قۇتتىقتاۋ حاتى
جۇڭگو سۇڭ چيڭليڭ قور قوعامى قۇرىلعانىنىڭ 40 جىلدىعى قارساڭىندا، مەن قور قوعامىنداعى بارلىق جولداستى قىزۋ قۇتتىقتايمىن! قور قوعامىنا ۇلەس قوسقان ەل ءىشى - سىرتىنداعى ءار سالا قايراتكەرلەرىنەن شىنايى حال سۇرايمىن!
40 جىلدان بەرى پارتيانىڭ پارمەندى باسشىلىعىندا، جۇڭگو سۇڭ چيڭليڭ قور قوعامى سۇڭ چيڭليڭ مىرزانىڭ وسكەلەڭ رۋحىنا مۇراگەرلىك ەتىپ جانە ونى ساۋلەلەندىرىپ، حالىقارالىق دوستىقتى كۇشەيتۋ، بۇعازدىڭ ەكى جاعالاۋىنىڭ جانە شياڭگاڭ مەن اۋمىننىڭ اۋىس - كۇيىسىن كەڭەيتۋ، جاستار مەن ورەندەر ىستەرىن دامىتۋ سياقتى جاقتاردا ماڭىزدى رول اتقاردى. جۇڭگو سۇڭ چيڭليڭ قور قوعامىنىڭ سۇڭ چيڭليڭ مىرزانىڭ «پارتيامەن ماڭگى بىرگە بولۋ» سەنىمىن ۇستانىپ، «بەيبىتشىلىك، بىرلىككە كەلۋ، بولاشاق» نەگىزگى ماقساتىن امالياتتا ايگىلەپ، ءداۋىر تاقىرىبىن يگەرىپ، ەرەكشە ابزالدىقتى ساۋلەلەندىرىپ، شەتەلدەرمەن حالىقتار ارا دوستىق سەلبەستىكتى تەرەڭدەتىپ، وتاننىڭ بەيبىت بىرلىككە كەلۋىن ىلگەرىلەتۋگە كۇش سالىپ، جاستار مەن ورەندەردىڭ ەسەيىپ - ەرجەتۋىنە دەم بەرىپ، الەۋمەتتىك يگىلىك، قايىر - ساحابات ىستەرىن دامىتىپ، ەل ءىشى - سىرتىنداعى جۇڭحۋا ۇلاندارىنىڭ ۇلى ىنتىماعىن جەبەۋگە، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا تىڭ دا اناعۇرلىم زور ۇلەس قوسۋىن ءۇمىت ەتەمىن.
شي جينپيڭ
2022 - جىلى 5 - ايدىڭ 31 - كۇنى
(شينحۋا اگەنتتىگى، 5 - ايدىڭ 31 - كۇنى، بەيجيڭ)
«حالىق گازەتى»، 5 - ايدىڭ 31 - كۇنى، بەيجيڭ. جۇڭگو سۇڭ چيڭليڭ قور قوعامى قۇرىلعانىنىڭ 40 جىلدىعى قارساڭىندا، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قۇتتىقتاۋ حاتىن جولداپ، قور قوعامىنداعى بارلىق جولداستى قىزۋ قۇتتىقتادى، قور قوعامىنا ۇلەس قوسقان ەل ءىشى - سىرتىنداعى ءار سالا قايراتكەرلەرىنەن شىنايى حال سۇرادى.
شي جينپيڭ قۇتتىقتاۋ حاتىندا مىنالاردى اتاپ كورسەتتى: 40 جىلدان بەرى پارتيانىڭ پارمەندى باسشىلىعىندا، جۇڭگو سۇڭ چيڭليڭ قور قوعامى سۇڭ چيڭليڭ مىرزانىڭ وسكەلەڭ رۋحىنا مۇراگەرلىك ەتىپ جانە ونى ساۋلەلەندىرىپ، حالىقارالىق دوستىقتى كۇشەيتۋ، بۇعازدىڭ ەكى جاعالاۋىنىڭ جانە شياڭگاڭ مەن اۋمىننىڭ اۋىس - كۇيىسىن كەڭەيتۋ، جاستار مەن ورەندەر ىستەرىن دامىتۋ سياقتى جاقتاردا ماڭىزدى رول اتقاردى.
شي جينپيڭ جۇڭگو سۇڭ چيڭليڭ قور قوعامىنىڭ سۇڭ چيڭليڭ مىرزانىڭ «پارتيامەن ماڭگى بىرگە بولۋ» سەنىمىن ۇستانىپ، «بەيبىتشىلىك، بىرلىككە كەلۋ، بولاشاق» نەگىزگى ماقساتىن امالياتتا ايگىلەپ، ءداۋىر تاقىرىبىن يگەرىپ، ەرەكشە ابزالدىقتى ساۋلەلەندىرىپ، شەتەلدەرمەن حالىقتار ارا دوستىق سەلبەستىكتى تەرەڭدەتىپ، وتاننىڭ بەيبىت بىرلىككە كەلۋىن ىلگەرىلەتۋگە كۇش سالىپ، جاستار مەن ورەندەردىڭ ەسەيىپ - ەرجەتۋىنە دەم بەرىپ، الەۋمەتتىك يگىلىك، قايىر - ساحابات ىستەرىن دامىتىپ، ەل ءىشى - سىرتىنداعى جۇڭحۋا ۇلاندارىنىڭ ۇلى ىنتىماعىن جەبەۋگە، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا تىڭ دا اناعۇرلىم زور ۇلەس قوسۋىن ءۇمىت ەتتى (قۇتتىقتاۋ حاتىنىڭ تولىق مازمۇنى بولەك جاريالاندى).
جۇڭگو سۇڭ چيڭليڭ قور قوعامى قۇرىلعانىنىڭ 40 جىلدىعىن ەسكە ءتۇسىرۋ جينالىسى 5 - ايدىڭ 31 – كۇنى بەيجيڭدە وتكىزىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ جينالىسقا قاتىناستى ءارى ءسوز سويلەدى. ول مىنانى ءبىلدىردى: باس شۋجي شي جينپيڭنىڭ قۇتتىقتاۋ حاتىندا جۇڭگو سۇڭ چيڭليڭ قور قوعامى قۇرىلعان 40 جىلدان بەرى قول جەتكىزىلگەن تابىستار تولىق تۇراقتاندىرىلىپ، قور قوعامىنىڭ جاڭا داۋىردە ارقالاعان بورىشى مەن مىندەتىنە ايقىن تالاپ قويىلىپ، پارتيا ورتالىق كوميتەتىنىڭ قور قوعامى قىزمەتىنە ايرىقشا ءمان بەرەتىنى جانە شىنايى ءۇمىت ارتاتىنى ايگىلەنىپ، جاڭا داۋىردەگى قور قوعامى ىستەرىنىڭ دامۋىنا ايقىن العا باسۋ بەتالىسى كورسەتىلدى. جۇڭگو سۇڭ چيڭليڭ قور قوعامى باس شۋجي شي جينپيڭنىڭ قۇتتىقتاۋ حاتىنىڭ رۋحىن ىشكەرىلەي ۇيرەنىپ، دايەكتىلەندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، ساياسي نەگىزدەن باستان - اياق جازباي، ءداۋىر ەرەكشەلىگىن ايگىلەپ، الەۋمەتتىك يگىلىك قاسيەتىن كورسەتىپ، جاڭا داۋىردەگى قور قوعامى ىستەرىنىڭ تىڭ ساتىعا كوتەرىلۋىن ىلگەرىلەتۋى كەرەك. جۇڭگو سۇڭ چيڭليڭ قور قوعامى پارتيانىڭ باسشىلىعىنداعى حالىقتىق ۇيىم رەتىندە، ءسوز جوق، سۇڭ چيڭليڭ مىرزانىڭ «پارتيامەن ماڭگى بىرگە بولۋ» بەرىك سەنىمىن قوعام قۇرۋدىڭ نەگىزى ەتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن زەيىن - زەردەنى، كۇش - قۋاتتى شوعىرلاندىرۋدى قىزمەتتىڭ ءتۇبىرلى تابان تىرەر تياناعى ەتىپ، ەل ءىشى - سىرتىنداعى جۇڭحۋا ۇلاندارىنىڭ جۇڭگو ارمانىن بىرگە جۇزەگە اسىرۋداعى قۇدىرەتتى كۇشىن توپتاۋى كەرەك. وزەكتى ارقاۋ ەتۋدە، جالپى جاعدايعا قىزمەت ەتۋدە تاباندى بولىپ، ءتۇرلى قىزمەتتەردى ءبىر تۇتاس جوسپارلاپ ىلگەرىلەتىپ، حالىقتىق ديپلوماتيانى كەڭەيتۋدىڭ ماڭىزدى تۇعىرىنا، وتاننىڭ بەيبىت بىرلىككە كەلۋىن ىلگەرىلەتۋدىڭ ماڭىزدى كوپىرىنە، جاستار مەن ورەندەر ىستەرىن دامىتۋدىڭ ماڭىزدى كۇشىنە، الەۋمەتتىك يگىلىك، قايىر - ساحابات ىستەرىن جەبەۋدىڭ ماڭىزدى ۇيىمىنا اناعۇرلىم ويداعىداي اينالۋ كەرەك. قور قوعامىنىڭ وزىندىك قۇرىلىسىن ۇزدىكسىز كۇشەيتىپ، قىزمەتتى زاڭ بويىنشا، ۋستاۆ بويىنشا ورىستەتۋدە، قوعامدى اشىق ۇستاۋدا تاباندى بولىپ، القالار كەڭەسىنىڭ تۇزىمدەنۋ، جۇيەلىلەنۋ دەڭگەيىن جوعارىلاتىپ، القالار، ەرىكتىلەر، ورگان كادرلارى سىندى 3 قوسىن قۇرىلىسىن مىقتى يگەرىپ، قىزمەتتى بارعان سايىن جاقسى ىستەۋگە قۇلشىنۋ كەرەك.
ج ك پ ورتالىق كوميتەتى شۋجيچۋىنىڭ شۋجيى، ورتالىق كوميتەت بىرلىكساپ ءبولىمىنىڭ باستىعى يوۋ چۋان جينالىستا شي جينپيڭنىڭ قۇتتىقتاۋ حاتىن وقىدى. مەملەكەتتىك ساياسي كەڭەس ءتوراعاسىنىڭ ورىنباسارى، جۇڭگو سۇڭ چيڭليڭ قور قوعامىنىڭ ءتوراعاسى لي بين ءسوز سويلەدى. مەملەكەتتىك ساياسي كەڭەس ءتوراعاسىنىڭ ورىنباسارى جىڭ جيانباڭ جينالىسقا قاتىناستى.
جينالىستا قاتىستى جاقتاردىڭ ۋاكىلدەرى قۇتتىقتاۋ ءسوزىن سويلەدى، بىرلەسكەن مەملەكەتتەر ۇيىمىنىڭ بالالار قور قوعامى قۇتتىقتاۋ حاتىن جولدادى. ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى حالىقتىق ۇيىمدارداعى جاۋاپتى جولداستار، سۇن جۇڭشانعا، سۇڭ چيڭليڭگە قاتىستى ەسكە ءتۇسىرۋ قۇرىلىمدارىنىڭ ۋاكىلدەرى، جۇڭگو سۇڭ چيڭليڭ قور قوعامىنىڭ القالارى، قۇرمەتتى القالارى قاتارلىلار جينالىسقا قاتىناستى.
جۇڭگو سۇڭ چيڭليڭ قور قوعامى 1982 - جىلى قۇرىلعان، پارتيانىڭ باسشىلىعىنداعى حالىقتىق ۇيىم. 40 جىلدان بەرى قور قوعامى «بەيبىتشىلىك، بىرلىككە كەلۋ، بولاشاق» نەگىزگى ماقساتىن امالياتتا ايگىلەپ، جۇڭگو مەن شەتەل حالىقتارىنىڭ دوستىعىن جەبەۋ، بۇعازدىڭ ەكى جاعالاۋىنىڭ جانە شياڭگاڭنىڭ، اۋمىننىڭ اۋىس - كۇيىسىن ىلگەرىلەتۋ، جاستار مەن ورەندەر ىستەرىن دامىتۋ سياقتى جاقتاردا بەلسەندى ۇلەس قوستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
