بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

حۋ چۇنحۋا شينجياڭدا كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، كەڭەيتۋ مەن اۋىل – قىستاقتى گۇلدەندىرۋدى ءونىمدى ۇشتاستىرۋ قىزمەتىنە قۋزاۋ سالىپ، جەتەكشىلىك ەتتى

2022.06.08 15:46     كەلۋ قاينارى : حالىق تورابى

  شينحۋا اگەنتتىگىنىڭ 6 – ايدىڭ 7 – كۇنى ۇرىمجىدەن بەرگەن حابارى. ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى حۋ چۇنحۋا 6 – ايدىڭ 4 – كۇنىنەن 7 – كۇنىنە دەيىن شينجياڭ ۇيعۇر اۆتونوميالى رايونىندا كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، كەڭەيتۋ مەن اۋىل – قىستاقتى گۇلدەندىرۋدى ءونىمدى ۇشتاستىرۋ قىزمەتىنە قۋزاۋ سالىپ، جەتەكشىلىك ەتتى. ول مىنانى باسا دارىپتەدى: باس شۋجي شي جينپيڭنىڭ كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، كەڭەيتۋ مەن اۋىل – قىستاقتى گۇلدەندىرۋدى ءونىمدى ۇشتاستىرۋ جونىندەگى جەلىلەس ماڭىزدى نۇسقاۋلارىنىڭ رۋحىن ىشكەرىلەي دايەكتىلەندىرىپ، اناعۇرلىم پارمەندى دە ءونىمدى شارالاردى قولدانىپ، كەدەيلىكتەن ارىلعان وڭىرلەردىڭ كەدەيلىكتەن ارىلتۋدان قامال الۋ جەتىستىكتەرىن بەكەمدەۋىن، كەڭەيتۋىن تىڭعىلىقتى ىلگەرىلەتىپ، كولەمدى تۇردە قايتا كەدەيلەسۋدىڭ تۋىلماۋى سىندى تومەنگى شەكتى شىنايى قورعاپ، اۋىل – قىستاقتى گۇلدەندىرۋدى جالپى بەتتىك ىلگەرىلەتۋدى جەدەلدەتۋ كەرەك.

  شينجياڭ ءارى از ۇلتتار ءجيى قونىستانعان ءوڭىر، ءارى شەكاراداعى ءوڭىر، كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، كەڭەيتۋ مىندەتى اۋىر. حۋ چۋنحۋا ىلگەرىندى – كەيىندى ىلە وبلىسى موڭعۇلكۇرە اۋدانى، تەكەس اۋدانى، قۇلجا اۋدانى، شاپشال اۋدانى، بۇراتالا وبلىسى بۇراتالا قالاسى، شىحىزى قالاسى قاتارلى جەرلەرگە بارىپ، كەدەيلىكتەن ارىلعان اۋىل – قىستاقتارعا، كەدەيلىكتەن ارىلعان وتباسىلارعا، ەگىمشىلىك بازالارىنا، كەدەيلەردى سۇيەمەلدەيتىن كاسىپورىندارعا، كاسىپ سالاسى باقشا رايوندارىنا، باسقا جەردەن كوشىپ كەلگەندەر تۇراتىن الەۋمەتتىك اۋماققا ىشكەرىلەي بارىپ، كەدەيلىكتەن ارىلعان بۇقارانىڭ كاسىپتەنۋى، كىرىسىن ارتتىرۋى، ەرەكشەلىككە يە اۋىل شارۋاشىلىعىن، مال شارۋاشىلىعىن دامىتۋ جانە اۋىل – قىستاقتى كوركەيتۋ قاتارلى جاعدايلاردى ەگجەي – تەگجەيلى ۇعىستى.

  حۋ چۇنحۋا بىلاي دەپ باسا دارىپتەدى: كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، كەڭەيتۋدى كەدەيلىكتەن ارىلعان وڭىرلەردەگى اۋىل – قىستاقتى گۇلدەندىرۋدەگى باستى مىندەت رەتىندە تىڭعىلىقتى، ويداعىداي ىستەپ، كەدەيلىكتەن ارىلعان بۇقارانىڭ كىرىسىن ارتتىرۋدى ءتۇبىرلى شارا، كەدەيلىكتەن ارىلعان اۋدانداردىڭ جەدەل دامۋىن باستى ۇمتىلىس باعىتى ەتىپ، كىرىس پارقىن، دامۋ پارقىن ۇزدىكسىز ازايتىپ، كولەمدى تۇردە قايتا كەدەيلەسۋدىڭ تۋىلماۋىنا كەپىلدىك ەتۋ، كەدەيلىكتەن ارىلعان بۇقارانىڭ اناعۇرلىم بيىك بەلەسكە جەتۋىنە قۇلشىنۋ كەرەك. قىزمەتتىڭ باستى تۇيىنىندە بۇرىلىس جاساۋدى جەدەل ىلگەرىلەتىپ، اۋىل – قىستاقتى گۇلدەندىرۋدى جالپى بەتتىك ىلگەرىلەتۋدەگى ءتۇيىندى قىزمەتتەردى تىڭعىلىقتى ورىستەتىپ، كاسىپ سالاسى ارقىلى اۋىل – قىستاقتىڭ دامۋىن ىلگەرىلەتۋگە نازاردى شوعىرلاندىرىپ، اۋىل – قىستاقتى كوركەيتۋدى تىڭعىلىقتى دا ورنىقتى ىلگەرىلەتىپ، اۋىل – قىستاقتى جونگە سالۋدى كۇشەيتۋ ءارى جاقسارتۋ كەرەك. از ۇلتتار قونىستانعان وڭىرلەردىڭ دامۋىن جالعاستى ىلگەرىلەتىپ، ءار ۇلت بۇقاراسىنىڭ ورتاق اۋقاتتانۋىن ىلگەرىلەتىپ، جۇڭحۋا ۇلتى — ورتاق تۇلعا دەگەن تانىمدى ۇزدىكسىز بەكەمدەۋ كەرەك.

  شينجياڭداعى مەزگىلدە، حۋ چۇنحۋا قورعاس پەن الاتاۋ ساعاسى وتكەلىندە دە تەكسەرۋ جۇرگىزىپ، وتكەل قۇرىلىسى مەن امبەباپ باجىسىز زاتتار اۋماعىنىڭ جاعدايىن، جۇڭگو – قازاقستان قورعاس حالىقارالىق شەكارالىق سەلبەستىك ورتالىعىن ىسكە قوسۋ، دامىتۋ جاعدايىن سول جەردىڭ وزىنە بارىپ ۇعىسىپ، شەتەلگە ەسىك اشۋ قىزمەتى جونىندە تەكسەرۋ – زەرتتەۋ جۇرگىزىپ، قىزمەتتى ىلگەرىلەتتى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار