نەگىزگى ساتى پارتيا ۇيىمدارىنىڭ جەتەكشىلىك رولىن ساۋلەلەندىرىپ، جاڭا داۋىردەگى اۋىل - قىستاقتى كوركەيتۋدىڭ جاڭا ۇلگىسىن قالىپتاستىردى (تاپسىرىقتى امالياتتا ايگىلەگەن 10 جىل)
«حالىق گازەتىنىڭ» تىلشىلەرى جۋ لەي، ۋاڭ دان
2022.06.08 16:59 كەلۋ قاينارى : حالىق تورابى
پارتيانىڭ نەگىزگى ساتى ۇيىمدارى − پارتيانىڭ لۋشيان، باعىت، ساياساتتارىنىڭ، شەشىمدەرى مەن ورنالاستىرۋلارىنىڭ دايەكتى تياناقتانۋىنا كەپىلدىك ەتۋدىڭ نەگىزى، بۇقارانىڭ تىرەگى.
2016 - جىلى 2 – ايدىڭ 2 - كۇنى جياڭشي ولكەسى جيڭگاڭشان قالاسى ماۋپيڭ اۋىلى (قازىرگى ماۋپيڭ قالاشىعى) شىنشان قىستاعىنداعى قىزىل ارميا قۇربانىنىڭ ۇرپاعى زو شيۋفانىڭ ۇيىندە باس شۋجي شي جينپيڭ ءبىر وتباسىنىڭ جەرگىلىكتى بايلىقتى تياناق ەتىپ، بامبۇك اعاشتارىن مانەرلەپ، كىرىستى ارتتىرىپ، كەدەيلىكتەن ارىلتۋ ءادىسىن تۇراقتاندىردى. قىستاق پارتيا ياچەيكاسىندا باس شۋجي جوبانى، ەسەپ داپتەرىن، ەستەلىكتەردى كورىپ، قىستاق باسشىلىق القاسىنداعىلاردىڭ ۇزدىكسىز قۇلشىنىپ، اۋىلداستاردى ىنتىماقتاستىرىپ جانە باستاپ، قىستاقتىڭ ىستەرىن ويداعىداي ىستەۋىن ءۇمىت ەتتى.
«قىستاق پارتيا ۇيىمىنىڭ كەدەيلىكتەن ارىلتۋدان قامال الۋداعى جاۋىنگەر قورعاندىق رولىن ويداعىداي ساۋلەلەندىرۋ كەرەك»، باس شۋجي شي جينپيڭنىڭ ىقىلاستى تاپسىرىعىن ساقا ياچەيكا شۋجيى پىڭ شۇيشىڭ كوكەيىندە ساقتادى. پارتيا ۇيىمىنىڭ جاۋىنگەر قورعاندىق رولىن ساۋلەلەندىرۋدە جاڭا كۇشتەردى جۇمىلدىرۋ كەرەك، جاس پارتيا مۇشەسى پىڭ جانياڭ سىرتتا جۇمىس ىستەپ، جىلدىق كىرىسىن 200 مىڭ يۋاننان اسىردى. «پارتيا مۇشەلەرى وسى كەزدە باستاماشى بولۋى كەرەك». ساقا ياچەيكا شۋجيىنىڭ وسى ءسوزىن ەستىگەن پىڭ جانياڭ قىستاققا قايتۋعا بەل بايلادى، 2016 - جىلى 6 - ايدا شىنشان قىستاعى پارتيا ياچەيكاسى شۋجيىنىڭ ورىنباسارى بولىپ سايلاندى.
پىڭ جانياڭ تۇرعىن ءۇي ورتاسىن جونگە سالىپ، الدىمەن ءوزىنىڭ سالعان ءۇيىن شاقتى، پارتيا مۇشەلەرى وتباسىلاردى كوتەرمەگە الىپ وسى جۇمىستى ىلگەرىلەتتى؛ پارتيا ياچەيكاسىنىڭ ناقتى جەتەكشىلىگىندە، شىنشان قىستاعىندا ساياحات قوعامى قۇرىلىپ، اس - سۋ، حالىقتىق تۇسەلحانا جۇيەلى دامىپ، بارعان سايىن جاندانا ءتۇستى؛ كاسىپ جوقتان بار بولىپ، سارى شاپتول، شاي اعاشى سياقتى كاسىپتەر دامىدى، ياچەيكا ءاربىر كەدەي وتباسىعا 22 مىڭ يۋان قارجى توپتاپ، كاسىپتىك سەلبەستىك كووپەراتيۆىنە جارنا قوستى، ءار وتباسىعا جىلىنا 3 مىڭ يۋاننان استام پايدا ءبولىسىن بەردى.
2017 - جىلى شىنشان قىستاعى كەدەيلىك قالپاعىن الىپ تاستادى. سول جىلى جيڭگاڭشان قالاسى دا بۇكىل ەل بويىنشا الدىمەن كەدەيلىكتەن ارىلعانىن جاريالادى.
جياڭشيدەگى قالىڭ كادر - جۇرتشىلىق باس شۋجيدىڭ تاپسىرىعىن ەستە بەرىك ساقتاپ، نەگىزگى ساتى پارتيا ۇيىمدارىن بەكەمدەپ، ياچەيكانى كەدەيلەردى سۇيەمەلدەۋ كاسىپ تىزبەگى نەگىزىندە قۇرىپ، پارتيا تۋىن نەگىزگى ساتىنىڭ ءبىرىنشى شەبىندە بيىك جەلبىرەتتى. 2020 - جىلى بۇكىل ولكەدەگى 2 ميلليون 810 مىڭ كەدەي تۇگەلدەي كەدەيلىكتەن ارىلىپ، توڭكەرىستىك بايىرعى رايون جياڭشيدىڭ وڭىرلىك تۇلعالىق كەدەيلىك ماسەلەسى نەگىزىنەن شەشىلدى.
كەدەيلىكتەن ارىلتىپ، كەدەيلىك قالپاعىن الىپ تاستاۋ كومبە ەمەس، قايتا جاڭا تۇرمىستىڭ، جاڭا كۇرەستىڭ باستاماسى. اۋىل - قىستاقتى كوركەيتۋدى ىلگەرىلەتتى، جيڭگاڭشان قالاسىنداعى 128 قىستاقتىڭ پارتيا مۇشەلەرىنىڭ بۇقاراعا قىزمەت وتەۋ ورتالىعى، 148 جاڭا داۋىردەگى وركەنيەت امالياتى ورتالىعى (پۋنكتى) دامۋدىڭ «جاڭا قوزعالتقىشىنا» اينالدى. بۇكىل قالاداعى اۋدان دارەجەلى 44 كادر باستاماشىلدىقپەن ءتۇيىندى قىستاقتارعا ءتۇسىپ، 600 دەن استام پارتيالى كادر ءبىرىنشى شەپكە باردى.
«اقشا، زات بەرگەننەن جاقسى ياچەيكا قۇرعان ارتىق» دەدى ماۋپيڭ قالاشىعى توۋسۇن قىستاعى پارتيا ياچەيكاسىنىڭ شۋجيى شيە جيڭ تەرەڭ اسەرمەن. قىستاق پارتيا ياچەيكاسىنىڭ جەتەكشىلىگىندە، قىستاق باسىنان باستاپ قىستاقتى جونگە سالىپ، قىزىل ءتۇستى زەرتتەۋ - ۇيرەنۋ نىساندارىن اشتى، قىستاق بۇرىن «حالىق تىلەگى بىتىراڭقى، وتباسى جاعدايى ءالسىز، قورشاعان ورتاسى ناشار» ەدى، قازىر باي، كورىكتى زەرتتەۋ - ۇيرەنۋ قىستاعىنا اينالدى.
بەكەمدەۋدى مىقتى يگەرىپ، ۇشتاستىرۋدى جەبەدى، جياڭشي اۋىل - قىستاق نەگىزگى ساتى پارتيا ۇيىمىن بەكەمدەۋدى كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋمەن، كەڭەيتۋمەن ورگانيكالى ۇشتاستىرىپ، بۇقارانى ىنتىماقتاستىرىپ جانە باستاپ، ۇزدىكسىز كۇرەس جۇرگىزىپ، جاڭا داۋىردەگى اۋىل - قىستاقتى گۇلدەندىرۋدىڭ جاڭا ۇلگىسىن كۇش سالا قالىپتاستىردى.
2021 - جىلى جياڭشي ولكەسى ءتۇيىندى اۋىل – قىستاققا 5 مىڭ 500 دەن استام قىستاقتا تۇراتىن قىزمەت اترەتىن، 17 مىڭ قىستاقتا تۇراتىن كادردى تاڭداپ جىبەرىپ، قىستاق پارتيا ۇيىمىن بۇقارانى اۋقاتتانۋعا باستايتىن بەرىك جاۋىنگەر قامال ەتىپ قۇرىپ شىقتى؛ جاڭا داۋىردەگى نەگىزگى ساتى كادرلارىنا باعىتتالعان تاقىرىپتىق تاربيەلەۋ ارەكەت جوسپارىن ۇيىمداستىرىپ اتقارىپ، 340 مىڭ ادام - رەتكە جۋىق تاربيەلەدى. بيىل جىل باسىنان بەرى اۋىل - قىستاقتى گۇلدەندىرۋدەگى ۇلگىلى پارتيا ۇيىمدارىن تاڭداۋ قىزمەتىن ورىستەتىپ، تۇتاس جىلدا 500 پارتيا ۇيىمىن تاڭداۋدى جوسپارلادى.
پارتيا ياچەيكاسى كۇشەيىپ، دارىندىلار شوعىرلانىپ، كاسىپ سالاسى وركەندەپ، قىستاق گۇلدەندى. بۇگىنگى شىنشان قىستاعى الىس - جاقىنعا اتى ايگىلى توراپتا تانىمال قىستاق، قىستاق تۇرعىندارىنىڭ جىلدىق ورتاشا كىرىسى 2015 - جىلعى 3 مىڭ يۋانعا جەتپەيتىن مولشەردەن قازىرگى 30 مىڭ يۋانعا، 2021 - جىلى قىستاقتىڭ كوللەكتيۆ شارۋاشىلىق كىرىسى 380 مىڭ يۋانعا جەتتى.
جياڭشي ولكەسى 2020 - جىلدان بەرى قىزىل ءتۇستى قىستاق قۇرىلىسىن قىزىل گەندى جالعاستىرۋدىڭ، اۋىل - قىستاقتى گۇلدەندىرۋدى ىلگەرىلەتۋدىڭ، پارتيا مۇشەلەرى مەن بۇقارانى ۇيىستىرۋدىڭ ماڭىزدى تۇتقاسى ەتىپ، «بۇرىن قىزىل حيكاياسى بولسا، قازىرگى زاماندا قارىشتاپ دامىپ، جاڭا بەينەگە ەنگەن» 210 قىزىل قىستاقتى دەن قويا قۇرىپ شىقتى، وسى قىستاقتاردىڭ كوللەكتيۆ شارۋاشىلىعى جالپى بەتتىك 150 مىڭ يۋاننان اسىپ، 45 مىڭ وتباسىنى اۋقاتتانۋ جولىنا باستادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
