لي كىچياڭ قاتىناس – تاسىمال مينيسترلىگىندە قىزمەت تەكسەرگەندە ءارى اڭگىمە ءماجىلىسىن باسقارىپ اشقاندا مىنانى دارىپتەدى
قاتىناس، زات اينالىمىن اناعۇرلىم ىركىلىسسىزدەندىرىپ، بازار تۇلعالارىنىڭ اينالىمىنا كەپىلدىك ەتىپ، ەكونوميكانىڭ نەگىزگى جاعدايىن ورنىقتىرۋ كەرەك
2022.06.08 17:01 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 7 - كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ 6 - ايدىڭ 6 - كۇنى قاتىناس – تاسىمال مينيسترلىگىنە بارىپ قىزمەت تەكسەردى ءارى اڭگىمە ءماجىلىسىن باسقارىپ اشتى. ول مىنالاردى دارىپتەدى: شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن تياناقتاندىرىپ، جاڭا دامۋ ۇستانىمىن جاپپاي دايەكتىلەندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاپ، قاتىناس، زات اينالىمىن اناعۇرلىم ىركىلىسسىزدەندىرىپ، بازار تۇلعالارىنىڭ اينالىمىنا كەپىلدىك ەتىپ، ەكونوميكانىڭ نەگىزگى جاعدايىن ورنىقتىرۋ كەرەك.
لي كىچياڭ قاتىناس – تاسىمالعا قولباسشىلىق ەتۋ، ورنالاستىرۋ ورتالىعىندا جۇك تاسىمال ساندى مالىمەتىنىڭ وزگەرىسىن ەگجەي – تەگجەيلى ۇعىستى ءارى بەينە ەكران ارقىلى جوعارى قارقىندىق تاس جولداعى قاتىناۋ جانە پورت، اۋەجاي سياقتىلارداعى تاسىمال جاعدايىن كوردى. ءبىر كەمەجاي جاۋاپتىسى قازىر زات قابىلداۋ - جونەلتۋ مولشەرىنىڭ قالپىنا كەلۋى ءبىرشاما تەز بولعانىمەن، ءالى دە قالىپتى دەڭگەيگە جەتە الماعانى جونىندە مالىمەت بەردى. لي كىچياڭ ولارعا ىندەتتەن ساقتانۋ - تىزگىندەۋدى ويداعىداي ىستەۋمەن بىرگە، شارا قولدانىپ، باسىلىپ قالعان زات ساندىعىن تەز ارادا جونەلتۋدى تاپسىردى. ول بىلاي دەدى: ەلىمىز ەكونوميكاسى دۇنيە جۇزىمەن تەرەڭ توعىستى، زات ساۋداسى ءۇرتىس 5 جىل دۇنيە ءجۇزى بويىنشا ءبىرىنشى ورىندا تۇردى. كەمەجاي − سىرتقا ەسىك اشۋدىڭ ۇلكەن ارناسى، تيەۋ - ءتۇسىرۋ، وتكەرمەلەپ تاسۋ دەڭگەيى مەن كەدەننەن ءوتۋ ونىمدىلىگىن جەدەل جوعارىلاتىپ، ەكسپورت ونىمدەرىنىڭ ءساتتى شىعارىلۋىن قامتاماسىز ەتىپ، كاسىپورىنداردىڭ توقتامدى اتقارىپ، زات تاپسىرۋىنا جانە وڭاي - وسپاق قولعا كەلمەگەن تاپسىرىستى ساقتاپ قالۋىنا دەم بەرۋ، سونداي - اق يمپورت ونىمدەرىنىڭ تەز كىرۋىن قامتاماسىز ەتىپ، كاسىپ تىزبەگى مە قامداۋ تىزبەگىنىڭ ورنىقتىلىعىن قورعاۋ كەرەك. شەكارا اتتاعان جاسىل ارنا قىزمەتىن ويداعىداي ىستەپ، سىرتقى ساۋدانى، شەتەل قارجىسىن ورنىقتىرىپ، ەلىمىزدىڭ سىرتقا ەسىك اشۋ ورەسىنىڭ ۇزدىكسىز جوعارىلاۋىنا قولداۋ كورسەتۋ كەرەك.
لي كىچياڭ رايون اتتاپ جۇمىس ىستەيتىن كومباينشىمەن بەينە ەكران ارقىلى اڭگىمەلەسىپ، جولدارىندا تەكسەرۋ ايالداماسى بار - جوقتىعىن، قاتىناۋدىڭ اقىسىز بولعان - بولماعانىن سۇرادى. ول بىلاي دەدى: اس − ادامنىڭ ارقاۋى، ەگىس جۇمىسىنىڭ ۋاقىتىن وتكىزىپ جىبەرۋگە بولمايدى. قازىر ءبيداي ورۋدىڭ شەشۋشى ءتۇيىنى، كومباينشىلار وڭتۇستىكتەن سولتۇستىككە قاراي ويىستى، ولار − ءبيداي ورۋدىڭ نەگىزگى كۇشى، ولارعا قىزمەت وتەۋدى كۇشەيتىپ، بارلىق ءادىس - امالدى قولدانا وتىرىپ، اۋىل شارۋاشىلىق ماشينالارىنىڭ ىركىلىسسىز قاتىناۋىنا كەپىلدىك ەتىپ، جازعى استىقتىڭ ىسىراپسىز قامبالاندىرىلۋىنا كەپىلدىك ەتۋ كەرەك. استىقتى ورنىقتى ءوندىرۋ، ورنىقتى الۋ ارقىلى بازاردى قامداۋعا كەپىلدىك ەتىپ، زات باعاسىن ورنىقتىرۋدىڭ نەگىزىن بەكەمدەۋ كەرەك.
اڭگىمە ماجىلىسىندە قاتىناس - تاسىمال مينيسترلىگى مالىمەت بەردى. لي كىچياڭ بىلاي دەدى: قاتىناس – تاسىمال − بازار شارۋاشىلىعىنىڭ كۇرە تامىرى، سونداي – اق حالىق تۇرمىسىن قامتاماسىزداندىرۋدىڭ، ىندەتتەن ساقتانۋدىڭ ماڭىزدى تىرەگى. ىندەتتەن ساقتانۋدى، ەكونوميكانى ورنىقتىرۋدى، دامۋدى شىن مانىندە جۇزەگە اسىرىپ، قاتىناس، زات اينالىمىنىڭ كۇرە تامىرى مەن ميكرو اينالىمىن ونان ارى اشىپ، كەيبىر جەرلەردە ورىن تەۋىپ وتىرعان ىركىلىسسىز بولماۋ ماسەلەسىن كۇش سالا شەشىپ، ءتۇيىندى سالالاردىڭ، وڭىرلەردىڭ جانە كاسىپورىنداردىڭ جۇك تاسىمالىن قامتاماسىزداندىرۋدى كۇشەيتۋ كەرەك. جەر - جەر، تاراۋلار سايكەستىكتى، ىقپالداستىقتى كۇشەيتىپ، ساتى - ساتى ءتۇزىم شىعارۋدان، ءبارىن ءبىر شىبىقپەن ايداۋدان ساقتانىپ، زات تاسىمال مولشەرىنىڭ جەدەل ارتۋىن ءبىر نيەتپەن ىلگەرىلەتىپ، 2 - توقساندا ەكونوميكانىڭ ۇيلەسىمدى ارتۋىنا تىرەك بولىپ، جۇڭگو ەكونوميكاسىنىڭ ۇزاق ۋاقىت جاقسارۋىن، ورنىقتى، اقاۋسىز دامۋىن ساقتاۋ كەرەك.
لي كىچياڭ بىلاي دەدى: قاتىناس، زات اينالىمىنىڭ استارىندا مولشەرى مول، كولەمى كەڭ زات اينالىمى كاسىپورىندارى مەن جۇك اۆتوموبيل شوفەرلەرى بار، سالىق قايتارۋ، قوعامدىق قامسىزداندىرۋ اقىسىن كەشىكتىرىپ تاپسىرۋ، اۆتوموبيل قارىز اقشاسىن كەشىكتىرىپ قايتارۋ سياقتى ساياساتتاردى تىڭعىلىقتى تياناقتاندىرىپ، يگىلىككە كەنەلەتىن نەگىزگى تۇلعاعا ساياساتتىق ينفورماتسيا، ءبىر جاقتى ەتۋ ءتاسىلى سياقتىلاردى ىرىقتىلىقپەن جەتكىزىپ، ءوتىنىش ەتپەگەن جاعدايدا دا ۋاعىندا يگىلىكتەنۋدى، تىكەلەي تەز يگىلىكتەنۋدى جۇزەگە اسىرۋ كەرەك. حالىقتىق اۆياتسيا، تەمىر جول جۇيەسىنە قاراتىلعان قيىنشىلىق قىسپاعىنان قۇتقارۋ ساياساتىن تياناقتاندىرىپ، مەملەكەت شارۋاشىلىعى مەن حالىق تۇرمىسىنا قاتىستى وسى ماڭىزدى كاسىپتەردىڭ قالپىنا كەلۋىن، دامۋىن جەبەۋ كەرەك. قاتىناس حاۋىپسىزدىگى سىندى ارقاۋدى باستان - اياق مىقتاپ شيراتىپ، حاۋىپ - قاتەردى ءبىر - بىرلەپ تەكسەرىپ، جونگە سالۋدى كۇشەيتىپ، اۋىر، ەرەكشە اۋىر شىرعالاڭداردىڭ تۋىلۋىن باتىل تەجەۋ كەرەك.
لي كىچياڭ بىلاي دەدى: قاتىناس − دامۋدىڭ الدىڭعى ءتۇيىنى، ەلىمىز قاتىناستاعى ءىرى ەلگە اينالدى، ءبىراق ءالى دە كوپتەگەن ولقىلىق بار. ۇيلەسىمدى الدا جۇرۋدە تاباندى بولىپ، قاتىناس نەگىزدىك قۇرىلعىلارى مەن وسى زامانعى زات اينالىمى جۇيەسى قۇرىلىسىن كۇشەيتىپ، ءبىر توپ قۇرىلىس نىسانىن جەدەل رەتتەپ، تەكسەرىپ بەكىتۋ ءتارتىبىن ساپالىلاندىرىپ، جەردەن پايدالانۋ سياقتى فاكتورلاردى قامتاماسىز ەتۋدى كۇشەيتىپ، ۇزاق ۋاقىت تومەن ءوسىمدى قارىز اقشامەن قولداۋدى كۇشەيتىپ، اشۋعا بولاتىندارىن مۇمكىندىكتىڭ بارىنشا ەرتە اشۋ كەرەك. ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىن تەرەڭدەتىپ، بازارلانعان، زاڭمەن باسقارىلاتىن، حالىقارالانعان ساۋدا ورتاسىن قالىپتاستىرىپ، زات اينالىمى بازارىنىڭ نەگىزگى تۇلعاسىن جەتىلدىرىپ جانە زورايتىپ، ءبىر تۇتاس اشىق قاتىناس زات تاسىمال بازارى جۇيەسىن قۇرىپ، تۇتاس قوعامنىڭ زات اينالىمىنىڭ وزىندىك قۇنىن تومەندەتىپ، ەكونوميكالىق دامۋدىڭ ومىرشەڭدىك كۇشىن ارتتىرۋ كەرەك. شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، قاتىناس - تاسىمال مەن ەكونوميكانىڭ، قوعامنىڭ سايكەستى، باياندى دامۋىن ىلگەرىلەتۋ كەرەك.
ليۋ حى، شياۋ جيە، حى ليفىڭ اڭگىمە ماجىلىسىنە قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
