مەملەكەت حاۋىپسىزدىگى مينيسترلىگى: ەڭ جوعارى بولعاندا 100 مىڭ يۋاننان استام سيلىق بەرىلەدى
2022.06.08 17:06 كەلۋ قاينارى : حالىق تورابى
مەملەكەتتىك حاۋىپسىزدىك مينيسترلىگى 7 - ايدىڭ 6 - كۇنى «ازاماتتاردىڭ مەملەكەت حاۋىپسىزدىگىنە زالال جەتكىزەتىن ارەكەتتەردى اشكەرەلەۋىن سيلاۋ ءادىسىن» (تومەندە قىسقاشا «ءادىس» دەلىنەدى) جاريالادى، بۇل ەرەجە جاريالانعان كۇننەن باستاپ اتقارىلادى.
«ادىستە» ازاماتتاردى مەملەكەت حاۋىپسىزدىگىنە زالال جەتكىزەتىن ارەكەتتەردى اشكەرەلەۋگە شابىتتاندىرۋدى تياناق ەتىپ، جوعارىداعى زاڭ - ەرەجەلەردەگى بەلگىلەمەلەرگە ساي، مەملەكەت حاۋىپسىزدىگى ورگاندارىنىڭ اشكەرەلەۋ، سيلاۋ شارتىن، ءتاسىلىن، ولشەمىن جانە ءتارتىبىن ناقتىلاندىردى جانە ايقىندادى.
مۇنىڭ ىشىندە اشكەرەلەۋشىنىڭ اشكەرەلەۋ سيلىعىن الۋى ءبىر ۋاقىتتا ءۇش ءتۇرلى شارتقا ۇيلەسۋى كەرەك دەپ بەلگىلەنگەن:
ايقىن اشكەرەلەۋ وبيەكتىسى نەمەسە مەملەكەت حاۋىپسىزدىگىنە زالال جەتكىزەتىن ناقتىلى ارەكەت دەرەگى نەمەسە احۋالى بولۋ؛
اشكەرەلەگەن ىستەردى مەملەكەت حاۋىپسىزدىگى ورگانى الدىن الا يگەرمەگەن نەمەسە مەملەكەت حاۋىپسىزدىگى ورگانى مەڭگەرگەنىمەن، اشكەرەلەۋشىنىڭ بەرگەن جاعدايى ءتىپتى دە ناقتى، ەگجەي ـ تەگجەيلى بولۋى؛
اشكەرەلەۋ مازمۇنى مەملەكەت حاۋىپسىزدىگى ورگانى جاعىنان تەكسەرىلىپ راستالىپ، مەملەكەت حاۋىپسىزدىگىنە زالال جەتكىزەتىن ارەكەتتەردەن ساقتانۋدا، ونى تەجەۋدە جانە جازالاۋدا رول اتقارىپ، ۇلەس قوسۋى كەرەك.
ازاماتتار مىناداي تاسىلدەر ارقىلى مەملەكەت حاۋىپسىزدىگى ورگانىنا اشكەرەلەسە بولادى:
مەملەكەت حاۋىپسىزدىگى ورگاندارىنىڭ 12339 شكەرەلەۋ، قابىلداۋ تەلەفونىنا تەلەفون بەرۋ؛
مەملەكەت حاۋىپسىزدىگى ورگاندارىنىڭ ينتەرنەت ارقىلى اشكەرەلەۋ، قابىلداۋ تەكشەسى تورابىنا (www.12339.gov.cn) شىعۋ؛
مەملەكەت حاۋىپسىزدىگى ورگاندارىنا حات جولداۋ؛
مەملەكەت حاۋىپسىزدىگى ورگاندارىنا بارىپ بەتپە - بەت اشكەرەلەۋ؛
باسقا دا مەملەكەت ورگاندارى نەمەسە اشكەرەلەۋشىلەر تۇرعان ورىن ارقىلى مەملەكەت حاۋىپسىزدىگى ورگانىنا مالىمدەۋ؛
باسقا اشكەرەلەۋ تاسىلدەرى.
«ٵدىس» مەملەكەت حاۋىپسىزدىگى ورگاندارىنىڭ اشكەرەلەۋ، سيلاۋ امالياتىنا ۇشتاستىرىپ، سيلاۋ، اتقارۋ ءتاسىلى رۋحاني سيلاۋ مەن زاتتىق سيلىقتى قامتيدى، سونداي ـ اق اشكەرەلەۋدىڭ رولىن ساۋلەلەندىرۋ دارەجەسىنە، قوسقان ۇلەسىنىڭ ۇلكەن ـ كىشىلىگىنە نەگىزدەلىپ، ءتورت دارەجەلى سيلاۋ ولشەمى قولدانىلادى دەپ ايىق بەلگىلەندى.
مەملەكەت حاۋىپسىزدىگىنە زالال جەتكىزەتىن ارەكەتتەردەن ساقتانۋدا، ونى تەجەۋدە جانە جازالاۋدا بەلگىلى رول اتقارعاندارعا، بەلگىلى ۇلەس قوسقاندارعا حالىق اقشاسىمەن 10 مىڭ يۋاننان تومەن سيلىق بەرىلەدى؛
مەملەكەت حاۋىپسىزدىگىنە زالال جەتكىزەتىن ارەكەتتەردەن ساقتانۋدا، ونى تەجەۋدە جانە جازالاۋدا ماڭىزدى رول اتقارىپ، ماڭىزدى ۇلەس قوسقاندارعا حالىق اقشاسىمەن 10 مىڭ يۋاننان 30 مىڭ يۋانعا دەيىن سيلىق بەرىلەدى؛
مەملەكەت حاۋىپسىزدىگىنە اۋىر زالال جەتكىزەتىن ارەكەتتەردەن ساقتانۋدا، ونى تەجەۋدە جانە جازالاۋدا ماڭىزدى رول اتقارىپ، ەلەۋلى ۇلەس قوسقاندارعا حالىق اقشاسىمەن 30 مىڭ يۋاننان 100 مىڭ يۋانعا دەيىن سيلىق بەرىلەدى؛
مەملەكەت حاۋىپسىزدىگىنە اۋىر زالال جەتكىزەتىن ارەكەتتەردەن ساقتانۋدا، ونى تەجەۋدە جانە جازالاۋدا ەرەكشە ماڭىزدى رول اتقارعاندارعا، ەرەكشە ەلەۋلى ۇلەس قوسقاندارعا حالىق اقشاسىمەن 100 مىڭ يۋاننان جوعارى سيلىق بەرىلەدى.
زاڭدىق جاۋاپكەرشىلىگى جونىندە «ادىستە» اشكەرەلەۋگە، سيلاۋعا قاتىستى قىزمەتتەردە مەملەكەت حاۋىپسىزدىگى ورگاندارىنداعى قىزمەتكەرلەردىڭ جاۋاپكەرشىلىگىن قۋزاستىراتىن التى ءتۇرلى جاعداي، اشكەرەلەۋشىنىڭ جاۋاپكەرشىلىگىن قۋزاستىراتىن ءتورت ءتۇرلى جاعداي جانە اشكەرەلەۋشى تۇرعان ورىننىڭ جاۋاپكەرشىلىگىن قۋزاستىرۋاتىن ەكى ءتۇرلى جاعداي ايقىندالدى. مۇندا بىلاي دەپ ايقىن بەلگىلەنگەن: اشكەرەلەۋشىنىڭ اشكەرەلەۋ دەگەن اتپەن قاساقانا جالعان فاكت جاساپ، باسقالارعا جالا جابۋىنا، زيانكەستىك ىستەۋىنە، كوز بوياۋشىلىق ىستەپ، سيلىق اقشانى الداپ الۋىنا، جات نيەتپەن اشكەرەلەۋىنە نەمەسە اشكەرەلەۋدى جەلەۋ ەتىپ، وقيعا تۋدىرۋىنا، مەملەكەت حاۋىپسىزدىگى ورگانىنىڭ قىزمەتىنە كەدەرگىلىك جاساۋىنا، اشكەرەلەۋ بارىسىندا بىلگەن مەملەكەت قۇپيالىعىن نەمەسە قىزمەت قۇپيالىعىن شاشۋىنا بولمايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
