ەل ىشىندەگى تۇڭعىش كوكستىك گازدان ەتيلەن گليكول جاساۋ جەلىسى شينجياڭدا وندىرىسكە قوسىلدى
جىلىنا كومىر قىشقىل گازىنىڭ شىعارىلۋىن 600 مىڭ توننا ازايتۋعا بولادى
2022.06.08 17:10 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ۋاڭ يۇڭفي 6 - ايدىڭ 6 - كۇنى ۇرىمجىدەن حابارلايدى. ”سەرىكتەستىكتەرىڭىزدىڭ ەل ىشىندەگى تۇڭعىش كوكستىك گازدان جان - جاقتى پايدالانىپ ەتيلەن گليكول ءونىمىن وندىرەتىن، الاتىن قوندىرعىسى ءساتتى سالىنىپ، وندىرىسكە قوسىلىپ، كوكستىك گازدى بايلىققا اينالدىرىپ پايدالانۋدىڭ تىڭ جولىن تاۋىپ، كوكستىك گازدىڭ جاراقسىزدان اسىلعا اينالۋىن جۇزەگە اسىردى“. 6 - ايدىڭ 6 - كۇنى جۇڭگو مۇناي جانە حيميا ونەركاسىبى بىرلەستىگىنىڭ قۇمىل گۋاڭحۇي قورشاعان ورتانى قورعاۋ عىلىم - تەحنيكا شەكتى سەرىكتەستىگىنە جولداعان قۇتتىقتاۋ حاتىندا وسىلاي دەلىندى.
كوكستىك گازدان جان - جاقتى پايدالانىپ، جىلىنا 400 مىڭ توننا ەتيلەن گليكولىن ءوندىرۋ نىسانىنا قۇمىل گۋاڭحۇي قورشاعان ورتانى قورعاۋ عىلىم - تەحنيكا شەكتى سەرىكتەستىگى قارجى قوسىپ، 2019 - جىلى 9 - ايدا ىسكە قوسىلعان، بيىل 5 - ايدىڭ 31 - كۇنى قۋات باعالاۋىنان ءوتىپ، وندىرگەن ەتيلەن گليكولدىڭ ساپاسى تۇگەلدەي مەملەكەتتىڭ قاتىستى ولشەمىنە ۇيلەستى. بۇل نىساننىڭ وندىرىسكە ءساتتى قوسىلۋى حالىقاراداعى، ەل ىشىندەگى كومىر حيميا ونەركاسىپ سالاسىنىڭ دامۋى جونىنەن ماڭىزدى جەتەكشىلىك رولعا يە.
ەتيلەن گليكول جوعارى قوسىمشا قۇنعا يە نەگىزدىك حيميا ونەركاسىپ ءونىمى، ول توقىماشىلىق، حيميا ونەركاسىبى، ەرىتكىش، جىنتىكتەلگەن حيميا ونەركاسىبى سياقتى سالالاردا كەڭىنەن قولدانىلادى. بۇل نىسان وندىرىسكە قوسىلۋدان بۇرىن دۇنيە جۇزىندە ەتيلەن گليكولدى جاسايتىن شيكىزات تەك مۇناي مەن كومىر عانا بولاتىن.
”شەتەلدەردە تەك مۇنايدان عانا ەتيلەن گليكول جاسالادى، ءتىپتى، كومىردەن ەتيلەن گليكولىن جاسايتىن تەحنولوگياسى دا جوق، ءبىز كوكستىك گازدان ەتيلەن گليكولىن جاساۋدى جۇزەگە اسىرىپ، وزىندىك قۇنىن بەستەن ءۇش بولىككە تومەندەتتىك، بۇل ەلىمىزدىڭ كومىر حيميا ونەركاسىبى كاسىبىنىڭ دۇنيە جۇزىندە تاعى الدىڭعى قاتارعا وتكەندىگىن تۇسىندىرەدى“، - دەدى قۇمىل گۋاڭحۇي قورشاعان ورتانى قورعاۋ عىلىم - تەحنيكا شەكتى سەرىكتەستىگىنىڭ باس ينجەنەرى لي پىڭ.
كوكستىك گاز كومىردىڭ ورتا، تومەن تەمپەراتۋرادا جىلىپ ىدىراۋى بارىسىندا پايدا بولاتىن قوسىمشا ءونىم. كوكستىك گازدىڭ قۇرامى كۇردەلى، قۇرامىنداعى ازوت مولشەرى جوعارى بولعاندىقتان، جان - جاقتى پايدالانۋ كاسىپ سالاسىندا باستان - اياق قيىن ماسەلە بولىپ كەلگەن، كوپ جىلدان بەرى قولدانىپ كەلە جاتقان ءبىر جاقتى ەتۋ ءتاسىلى نەگىزىنەن ورتەپ ىعىستىرۋ، سۋتەگىن جاساۋ جانە توك تاراتۋ بولىپ كەلگەن.
بۇل نىسان جىلىنا 2 ميلليارد 800 ميلليون ولشەمدى تەكشەمەتر كوكستىك گازىن سارىپ ەتەدى. كوكستىك گازى ارقىلى سۋتەگىن جاساۋ جانە ەلەكتر تاراتۋمەن سالىستىرعاندا، ەتيلەن گليكول اناعۇرلىم جوعارى قوسىمشا قۇن جاراتادى. ”ءبىزدىڭ ەسەپتەۋىمىزشە، 2 ميلليارد 800 ميلليون ولشەمدى تەكشەمەتر كوكستىك گازىنەن 400 مىڭ توننا ەتيلەن گليكول وندىرۋگە بولادى، ءونىم قۇنى ءبىر ميلليارد 700 ميلليون يۋانعا، تازا پايداسى 420 ميلليون يۋانعا جەتەدى. ۇقساس مولشەردەگى كوكستىك گازىنىڭ ەتيلەن گليكول وندىرۋگە جۇمسالعان ءونىم قۇنى توك تاراتۋ ءونىم قۇنىنىڭ 3 ەسەسىنەن اسىپ تۇسەدى“، - دەدى لي پىڭ.
مۇنان تىس، كوكستىك گازدان ەتيلەن گليكول جاساۋ ارقىلى كومىر قىشقىل گازىنىڭ شىعارىلۋىن زور مولشەردە ازايتۋعا بولادى. تانىستىرۋعا قاراعاندا، 2 ميليارد 800 ميلليون تەكشەمەتر كوكستىك گاز ەتيلەن گليكول وندىرۋگە ىستەتىلسە، كومىر قىشقىل گازىنىڭ شىعارىلۋىن 600 مىڭ توننا ازايتۋعا بولادى ەكەن.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
