”جالعىز گۇل اشىلۋدان“ ”بارشا گۇل شەشەك اتۋعا“ دەيىن، شاياردىڭ باقشا رايونى ەكونوميكاسىن دامىتۋى −
ارتىقشىلىقتاردى اسىرىپ، ولقىلىقتاردى تولىقتاپ، تۇتاس كاسىپ سالاسى تىزبەگىن تولىقتادى
انار بۇلت \ شينجياڭ گازەتىنىڭ ءتىلشىسى جاڭ جىلي
2022.06.08 17:11 كەلۋ قاينارى : شينجياڭ گازەتى
جاز كۇنىندەگى شايار اۋدانى شەكسىز ماقتا اتىزدارىنان عانا ەمەس، كاسىپ سالاسىن دامىتۋدا ”قارقىن ۇدەتكەن“ شايار اۋدانىنىڭ اينالمالى ەكونوميكا ونەركاسىپ باقشاسى رايونىنان دا ومىرشەڭدىك كۇش جانە ءۇمىت شالقىپ تۇر.
”توقىلىپ وڭدەلمەگەن اق كەزدەمەلەرىمىزدى بۇرىن جىجياڭ، جياڭسۋلارعا اپارىپ بوياتىپ، ونان قايتادان شينجياڭعا تاسىپ اكەلىپ مانەرلەيتىنبىز، ءبىر رەتكى تاسۋ اقىسىنىڭ وزىنە ءار تونناسىنا 2000 يۋاننان استام قاراجات كەتەتىن. رۇنجياڭ. توقىما كاسىپ باقشاسى سالىنعاننان كەيىن، شايار اۋدانىنىڭ، سونداي - اق توڭىرەكتەگى وڭىرلەردىڭ توقىماشىلىق كاسىبىندە بوياۋ بۋىنى بولماۋداي اق تاڭداق تولىقتىرىلىپ، كاسىپورىننىڭ ىشكى اينالىمى جەبەلىپ، جۇمىس ورنى مولايىپ، ءوندىرىس وزىندىك قۇنى تىزگىندەلىپ، ءونىم باعاسى تومەندەپ، ءبىر ارنانىڭ اشىلۋىمەن تالاي ارنا اشىلدى دەۋگە بولادى“، - دەدى 5 - ايدىڭ 31 - كۇنى شينجياڭ رۇنجياڭ توقىما كاسىپ باقشاسى شەكتى سەرىكتەستىگىنىڭ نىسان جاۋاپتىسى لي زىڭفىڭ تىلشىگە.
لي زىڭفىڭنىڭ ارت جاعىندا جەر قازعىش قاتارلى قۇرىلىس ماشينالارى قاربالاس جۇمىس ىستەۋدە. 3 - ايدا جۇمىس باستاعان رۇنجياڭ · توقىما كاسىپ باقشاسى نىسانى ءبىرىنشى مەرزىمدەگى 50 مىڭ ۇرشىقتىق گاز توقىما، 5 ميلليون پارلىق توقىما سەحى قۇرىلىسىنان باستاپ، ءتورتىنشى مەرزىمدەگى 3 بوياۋ جەلىسىنە، جىلىنا 100 ميلليون مەتر كەزدەمە اعارتۋ، بوياۋعا دەيىن، كەمەلدى كەشەندى توقىما كاسىپ تىزبەگىن قالىپتاستىرىپ، 3000 نەشە ادامدى جۇمىستاندىردى.
باقشا رايونىن ارالاعاندا، ءتىلشى شايار اۋدانىنىڭ جەرگىلىكتى ورىننىڭ تابيعي گاز، ساپالى ماقتا، اۋىل شارۋاشىلىق قوسىمشا ونىمدەرى قاتارلى بايلىق ابزالدىلىقتارىن تايانىش ەتىپ، تىزبەكتى ۇزارتۋ، تىزبەكتى تولىقتاۋ، تىزبەكتى كەڭەيتۋ، تىزبەكتى كۇشەيتۋ ارقىلى جەتەكشى كاسىپ سالالارىن جەدەل شوعىرلاندىرعاندىعىن كوردى. قازىر شايار اۋدانىنىڭ اينالمالى ەكونوميكا ونەركاسىپ باقشا رايونىندا ەنەرگيا، حيميا ونەركاسىپ اۋماعى، توقىماشىلىق، كيىم - كەشەك اۋماعى، جابدىق جاساۋ اۋماعى، اۋىل شارۋاشىلىق قوسىمشا ونىمدەرىن مانەرلەۋ اۋماعى، قۇرىلىس ماتەريالدارىن وڭدەۋ اۋماعى سياقتى كوپتەگەن ەرەكشە ”باقشا ىشىندەگى باقشالار“ قالىپتاستى.
شينجياڭ ليحۋا توقىما شەكتى سەرىكتەستىگىنىڭ قىزمەتكەرى ءومار ءيمىن تاپ - تازا جۇمىس كيىمىن كيىپ، توقىما سەحىنىڭ اراسىندا ارلى - بەرلى ءجۇرىپ، تاعى ءبىر قىزمەتكەرمەن بىرگە 54 ماقتا ءتۇتۋ ماشيناسىن شەبەرلىكپەن باقىلاپ - باسقارۋدا. ماقتا كاسىپ سالاسىنىڭ دامۋىن تىلگە العاندا، ءومار اسەرلەنە: ”ءبىزدىڭ ءۇي شايار اۋدانى حۇڭچي قالاشىعى دولقۇن قىستاعىندا، بۇرىن تەك قانا ماقتا ەگەتىن، ماقتا ساتاتىنبىز، مۇنشاما كوپ كاسىپورىن كەلىپ ماقتا مانەرلەيتىنىن ويلاماعانبىز، مەن سياقتى جاي شارۋانىڭ كاسىپ سالاسى جۇمىسشىسىنا اينالارىن ءتىپتى دە ويعا الماعان ەكەنمىن“، - دەدى.
شينجياڭ ليحۋا توقىما شەكتى سەرىكتەستىگىنىڭ اينالاسىندا وسىزاماندانعان زاۆود ۇيلەرى مەن جۇمىسشى - قىزمەتكەرلەر جاتاعى عيماراتى رەتىمەن قاتارلاسىپ تۇر. 10 نەشە توقىما، كيىم - كەشەك كاسىپورنى شايار اۋدانىنىڭ اينالمالى ەكونوميكا ونەركاسىپ باقشا رايونىنا ىلگەرىندى - كەيىندى ىرگە تەۋىپ، ءار ءتۇرلى وزىق توقىما جابدىقتارىن جانە توقىما تەحنيكاسىن پايدالانىپ تۇرلىشە تارماق سانىنداعى، ستيلىندەگى، پايدالانۋداعى جىپتەردى توقىپ شىقتى، كەزدەمە مەن كورپە - جاستىق، كيىم - كەشەك ءوندىرىس كولەمى دە ۇزدىكسىز كەڭەيىپ، ماقتا مانەرلەۋ وندىرىسىنەن اسقان قيقىم - سيقىمدار دا ”كادەگە جاراپ پايدالانىلىپ كەتەتىن“ بولدى. شايار اۋدانىنىڭ ماقتا كاسىپ سالاسىندا ”جالعىز گۇل اشىلۋدان“ ”بارشا گۇل شەشەك اتۋ“ شىن مانىندە جۇزەگە استى.
شايار اۋداندىق پارتكومنىڭ شۋجيى پان ۋانفىڭ بىلاي دەپ تانىستىردى: شايار اۋدانى ەگىن، مال شارۋاشىلىعىن نەگىز ەتۋدى جانە بايلىق باسىمدىعىن تياناق ەتىپ، كاسىپ سالالاندىرۋ، كولەمدەندىرۋ، بازارلاندىرۋ، ماركالاندىرۋ جولىمەن باتىل ءجۇرىپ، كاسىپ سالاسىنىڭ ساپاسىن ءوسىرىپ، ونىمدىلىگىن ارتتىرۋدى، تيبىن وزگەرتىپ دارەجەسىن ءوسىرۋدى جەبەيدى؛ تىزبەكتى ۇزارتۋدى، تىزبەكتى تولىقتاۋدى، تىزبەكتى كەڭەيتۋدى، تىزبەكتى كۇشەيتۋدى قامال الۋ باعدارى ەتىپ، كاسىپ سالاسى نەگىزىن جوعارى دارەجەلەندىرۋدى، كاسىپ سالاسى تىزبەگىنىڭ وسىزاماندانۋىن ىلگەرىلەتەدى.
ماقتا كاسىپ سالاسىن مىسالعا الساق، شايار اۋدانىنىڭ اينالمالى ەكونوميكا ونەركاسىپ باقشا رايونىنداعى توقىما، كيىم - كەشەك كاسىپورىندارىنىڭ ءبىر جاعى اتىزبەن ۇلاسسا، ءبىر جاعى بازارعا جالعانعان، باسقا سالالارداعى كوپتەگەن كاسىپورىندار دا ماقتا كاسىپ سالاسىن توڭىرەكتەي وتىرىپ جۇمىس ىستەيدى.
شينجياڭ يۇيشياڭ حۋياڭ حيميا ونەركاسىپ شەكتى سەرىكتەستىگى شايار اۋدانىنىڭ مول مۇناي، گاز بايلىعىن تايانىش ەتىپ، سينتەزدىك اممياك، ۋرەا، ازوت قىشقىلى، قوسىلىس تىڭايتقىش سياقتى ونىمدەردى وندىرەتىن اينالمالى كاسىپ تىزبەگىن قۇردى. اتالعان سەرىكتەستىك جىلىنا 400 مىڭ توننادان استام حيميالىق تىڭايتقىش ءوندىرىپ، ونىڭ باسىم كوپ ءبولىمىن وڭتۇستىك شينجياڭداعى ماقتا ەگىمشىلىگى ءبىرشاما شوعىرلى وڭىرلەرگە ساتادى. سەرىكتەستىك تاعى اۋىل شارۋاشىلىق حيميالىق تىڭايتقىشى جاعىندا قىزمەت وتەۋ اترەتىن قۇرىپ، تىڭايتقىشتى دالمە - ءدال بەرۋ بىلىمدەرىن ماقتا ەگىنشىلەرىنىڭ جانىنا جەتكىزدى.
”ءبىز ماقتا ەگىنشىلەرىن رازى ەتەتىن ماقتا جيناۋ ماشينالارىن ءوندىرىپ قانا قالماستان، جارعاق قالدىعىن جيناپ الۋ ماشيناسىن زەرتتەپ اشۋ، ءوندىرۋ جاعىنا دا كۇش سالدىق. بيىل سەرىكتەستىك شايار اۋدانى تارىم اۋىلىنان 2700 مۋ جەردى ارنايى قالدىرىپ، جاڭا ۇرپاق جارعاق جيناپ الۋ ماشيناسىنىڭ جەر بەتىندەگى جارعاقتى جيناپ الۋ مولشەرىن قالاي ىشكەرىلەي جوعارىلاتۋعا ءارى اتىز توپىراعىنىڭ تەرەڭ قاباتىنا كومىلىپ قالعان جارعاقتى جيناپ الۋعا سىناق جاسادى“، - دەدى 2018 - جىلى شايار اۋدانىنىڭ اينالمالى ەكونوميكا ونەركاسىپ باقشا رايونىنا ىرگە تەپكەن شايار بىنشىران زەردەلى اۋىل شارۋاشىلىق ماشينالارى شەكتى سەرىكتەستىگى كەڭسەسىنىڭ مەڭگەرۋشىسى ليۋ چۋان.
باقشا رايونىنداعى ماقتانىڭ ساباعىن جالپىلىق پايدالانۋ اينالمالى ەكونوميكاسىنان ۇلگى كورسەتۋ باقشا اۋماعى نىسانى قۇرىلىسىنىڭ جۇمىس باسىندا بولات قۇرىلىمدى زاۆود ۇيلەرى ەڭسە كوتەرۋدە. ءبىر ميلليارد 300 ميلليون يۋان جالپى قارجى سالىنعان بۇل نىسان بويىنشا ماقتا ساباعىنان جوعارى قۋاتتى الدەگيدسىز دارەجەلى ەكولوگيالىق جاساندى تاقتاي جاسايتىن 12 ءوندىرىس جەلىسى سالىنىپ، ماقتانىڭ ساباعىن جاراقسىزدان اسىلعا اينالدىرۋمەن بىرگە، شينجياڭنىڭ قۇرىلىس ماتەريالدارى بازارىن حاۋىپسىز، قورشاعان ورتانى قورعايتىن جاڭاشا تاقتاي ماتەريالىمەن ۇزدىكسىز قامدايدى.
جالعىز گۇلدىڭ اشىلۋى ەمەس، بارلىق گۇلدىڭ شەشەك اتۋى كوكتەم كەلگەندىگىن بىلدىرەدى. بيىل ءبىرىنشى ماۋسىمدا شايار اۋدانىنىڭ اينالمالى ەكونوميكا ونەركاسىپ باقشا رايونىنا جاڭادان 12 كاسىپورىن كىرىپ، جالپى ءونىم قۇنى 2 ميلليارد 275 ميلليون يۋانعا جەتتى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
