رۋان سىيا:
جاستىق ورالىمىزدا نەگىزگى ساتىدا شىڭدالىپ توسەلەيىك
انار بۇلت \ شينجياڭ گازەتىنىڭ ءتىلشىسى ران حۋ
2022.06.08 17:15 كەلۋ قاينارى : شينجياڭ گازەتى
5 - ايدىڭ 20 - كۇنى 10 مەتر بيىكتىكتەگى دەەتانيزاتسيا مۇناراسىندا قىزىل ءتۇستى جۇمىس كيىمىن كيگەن رۋان سىيا جابدىق ساندى مالىمەتتەرىن جيناپ، ءوندىرىس بارىسىن جاڭالاۋعا دايىندالدى. بيىكتەن قورقۋ ۇرەيىن جەڭۋدەن بيىكتە تۇرىپ جۇمىس جۇرگىزۋدىڭ مايتالمانىنا اينالعانعا دەيىن، ونى تولىسىپ - جەتىلۋگە شابىتتاندىرعان باس شۋجي شي جينپيڭنىڭ تىلەگى − ”ءىستىڭ وڭايىنا جۇگىرمەيتىندەر، ءسوز جوق، تابىسقا جەتەدى، قيىن ىستەن جالتارمايتىندار العا باسادى“.
2020 - جىلى جۇڭگو مۇناي داشۋەسى (بەيجيڭ) قارامايلى مەكتەپ رايونىنان وقۋ تاۋىسقان 118 وقۋشى باس شۋجي شي جينپيڭگە بىرگە حات جازىپ، شەكارا وڭىرگە تامىر تارتىپ، ۇلەس قوسۋ مۇراتىن ءبىلدىردى، شانشيدىڭ شاڭلوسىنان كەلگەن رۋان سىيا سولاردىڭ ءبىرى ەدى.
سول جىلى 7 - ايدىڭ 7 - كۇنى ولار باس شۋجيدىڭ جاۋاپ حاتىن تاپسىرىپ الدى. ”بۇل ەرەكشە قىمباتتى وقۋ تاۋىسۋ تارتۋى، ءبىز بارىنشا قۇرمەتتەيتىن اعا بۋىنداردىڭ بىزگە دەگەن ءومىر تىلەگى“. رۋان سىيا كۇرەس جۇرگىزۋ جانە تاباندىلىق ارقىلى باس شۋجيدىڭ تاپسىرماسىن امالياتتا ايگىلەپ، نەگىزگى ساتىدا شىڭدالىپ، توسەلىپ، ۇلكەن ىسكە جارامدى، اۋىر جۇك ارقالاي الاتىن باتىس ءوڭىر قۇرىلىسشىلارىنان بولۋعا بەكەم بەل بايلادى.
وقۋ تاۋىسقاننان كەيىن، رۋان سىيا جۇڭگو مۇناي توبى شينجياڭ مۇناي الابى سەرىكتەستىگى مۇناي الۋ 2 - زاۆودىنا قىزمەتكە ورنالاستى. 2 جىلدان بەرى ول نولدەن تومەن 30 سەلتسي گرادۋسقا تاياۋ قاقاعان ايازدا قارلى بورانعا قاراماستان، ۇڭعىمالاردىڭ اراسىندا تىنىم تاپپاي جۇمىس اتقاردى؛ وتتاي لاۋلاعان قاباعات شىلىڭگىر ىستىقتا ۇستازدارىمەن بىرگە قۇبا تۇزدە شارلاپ، تەكسەرۋ جۇرگىزدى.
”جەلەكتى ايەل بولساڭ دا باقىر باستى ەرلەردەن قالىسپاۋ“ ۇستانىمىمەن رۋان سىيا داشۋە تاۋىسقان ۋىلجىعان جاستان تەز ارادا ءوز الدىنا جۇمىس جۇرگىزەتىن تەحنيكالىق شەبەرگە اينالدى. بيىل 5 - ايدا رۋان سىيا جۇڭگو مۇناي توبىنىڭ تاڭداۋلى كوممۋنيستىك جاستار وداعى مۇشەسى بولىپ باعالاندى.
اۆتوماتتى جابدىقتاردى باسقارۋ ورنىندا ىستەيتىن رۋان سىيا قىسقا عانا ءبىر جىلدا 9 - مۇناي الۋ جۇمىس رايونىنداعى جۇزدەن استام ۇڭعىمالاردىڭ جانە پۋنكت قويماسىنىڭ اۆتوماتتى جابدىق ماتەريالدارىن كىتاپشا ەتىپ رەتتەپ شىعادى، سونداي - اق ونى ەلەكتروندى ەسەپ داپتەرىنە ەنگىزىپ، اۆتوماتتى جابدىقتى باسقارۋداعى قىم - قۋىت، كۇردەلى، رەتسىز ماسەلەلەردى شەشەدى.
مەملەكەتتىك ءتۇيىندى مۇناي الۋ ينجەنەرياسىنان ۇلگى كورسەتۋ رايونى بولعان ماحۋ جاڭا رايونىندا رۋان سىيا جانە قىزمەتتەستەرىنىڭ ءبارى ءبىر باسىندا بىرنەشە مىندەت اتقارادى. جاسى ەڭ كىشى رۋان سىيا ۇنەمى اۋىر بۇراۋىش، بولات تىستەۋىك سياقتىلاردى الىپ، ۇڭعىمانى تەكسەرۋ، باپتاۋ جۇمىستارىمەن اينالىستى.
”ماحۋ جاڭا رايونى قالا رايونىنان ءبىرشاما الىس، قىزمەتتىڭ قالىپتى، ءتارتىپتى ورىستەتىلۋى ءۇشىن، اۋىر جۇمىستارعا كوبىنەسە ءوزىم كىرىسەمىن“. رۋان سىيا تىلشىگە: ”وسىنداي شىنىعۋىمنىڭ ارقاسىندا 120 جىڭ دەنە سالماعىندا بولدىم“، - دەيدى كۇلىپ تۇرىپ.
ماحۋ جاڭا رايونىندا كوريزونتال قۇدىقتار كوپ، ونى باپتاۋ مەن باسقارۋ ءبىرشاما قيىن، ”قالىپسىز ۇڭعىما“ جايتى ۇنەمى كەزىگىپ تۇرادى. رۋان سىيا ۇڭعىما ساندى مالىمەتىن ءار جولى كاسىپتىك جابدىقپەن دەر كەزىندە جيناقتاپ، شەشۋ جوباسىن لەزدە جاساپ شىعارادى، ەلەۋلى ماسەلەلەرگە ءدوپ كەلگەندە، رۋان سىيا مول تاجىريبەلى ۇستازدارىنان اقىل سۇرايدى.
”قازىر قانداي كۇردەلى ماسەلەگە ءدوپ كەلسەم دە دەر كەزىندە شەشە الاتىن بولدىم“. رۋان سىيانىڭ وزىنە دەگەن مىعىم سەنىمى ونىڭ 2 جىل بويى ءشول - جازيراداعى مۇناي سورعىشتار مەن ولشەگىشتەردى تۇك قالدىرماي ارالاپ، كىنارات تۋىلعان ۇڭعىمالاردى سان رەت قالىپتى وندىرىسكە تۇسىرگەنىنەن باستاۋ الادى.
”مۇراتقا جەتەتىن جول ءساتتى بولا بەرمەيدى. مەن باس شۋجيدىڭ ىقىلاستى تاپسىرماسىن ەسىمدە بەرىك ساقتاپ، جاستىق ورال بايگە جولىندا زامانىمىز جاستارىنىڭ ەڭ تاماشا ناتيجەسىن شىعارامىن“، - دەدى رۋان سىيا.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
