2022 – جىلى «ءۇشتى قولداۋ، ءبىردى سۇيەمەلدەۋ» جوسپارىنا جوعارى مەكتەپ بىتىرگەن 34 مىڭ وقۋشى قابىلدانادى
2022.06.09 15:57 كەلۋ قاينارى : حالىق تورابى
شينحۋا اگەنتتىگىنىڭ 6 - ايدىڭ 8 - كۇنى بەيجيڭنەن بەرگەن حابارى. ادام كۇشى بايلىعى جانە قوعامدىق قامتاماسىزداندىرۋ مينيسترلىگى، قازىنا مينيسترلىگى تاياۋدا ۇقتىرۋ باسىپ تاراتىپ، 2022 – جىلعى «ءۇشتى قولداۋ، ءبىردى سۇيەمەلدەۋ» جوسپارىنا جوعارى مەكتەپ بىتىرگەن 34 مىڭ وقۋشىنى قابىلداۋدى ايقىندادى، قابىلداۋ جوسپارىن اۋىل – قىستاقتى گۇلدەندىرۋدەگى ءتۇيىندى سۇيەمەلدەنەتىن اۋداندارعا، كەدەيلىكتەن ارىلعان اۋداندارعا، كەدەيلەردى كوشىرىپ سۇيەمەلدەيتىن ەرەكشە ءىرى، شوعىرلى ورنالاستىرۋ رايونى تۇرعان اۋداندارعا بەيىمدەيدى، مەملەكەتتىڭ اۋىل – قىستاقتى گۇلدەندىرۋدەگى ءتۇيىندى سۇيەمەلدەنەتىن اۋداندارعا جوسپار ايىرىم جاسالادى.
ۇعىسۋعا قاراعاندا، بۇل جولعى جوسپار نەگىزىنەن 2022 - جىلعى جوعارى مەكتەپ بىتىرەتىن وقۋشىلارعا، سونداي - اق جاقىنعى ەكى جىلدا وقۋ بىتىرگەن، ٵلى كاسىپتەنبەگەن وقۋشىلارعا باعىتتالادى. جەر - جەردەگى ادام كۇش بايلىعى جانە قوعامدىق قامتاماسىزداندىرۋ تاراۋلارى 6 - ايدا جۇمىس ورنىن جيناقتاپ جاريالاۋ، جازباشا ەمتيحانعا، بەتپە - بەت ەمتيحانعا ۇيىمداستىرۋ سياقتى جۇمىستاردى ىستەيدى. ناقتى قابىلداۋ شارتى مەن سارالاۋ ءتاسىلىن ٵرقايسى ولكە ناقتى جاعدايلارىنا قاراي وزدەرى بەلگىلەيدى.
ۇقتىرۋدا مىنالاردى تالاپ ەتتى: تاڭداپ ءوسىرۋ، قابىلداۋ قۇرىلىمىن ساپالىلاندىرىپ، اۋىل ـ قىستاقتى گۇلدەندىرۋ ستراتەگياسىن جاپپاي اتقارۋدىڭ قاجەتىنە تىعىز جاناسىپ، نەگىزگى ساتى ىستەرىنىڭ دامۋىنا شۇعىل قاجەتتى، تاپشى جۇمىس ورىندارىن ىشكەرىلەي اشۋ كەرەك. باۋلۋدى، پايدالانۋدى ۇزدىكسىز كۇشەيتىپ، قابىلەتتى جوعارىلاتۋ ارناۋلى جوسپارىن ۇزدىكسىز اتقاردى، ورتالىق قازىنا 8000 ادام ـ رەت ارناۋلى كۋرس اشۋدى قولدايدى. قىزمەت وتەۋ، قامتاماسىزداندىرۋ ورەسىن جوعارىلاتىپ، قارجىلاي قولداۋ تەبىنىن ارتتىرىپ، قىزمەت، تۇرمىس قوسىمشا قاراجاتىن اي سايىن تولىق تاراتۋ كەرەك. قىزمەت وتەۋ مەرزىمى تولعان سوڭ اۋىسۋىن جەبەپ، نەگىزگى ساتىدا ادام قالدىرۋ، ادام ىستەتۋ ارناسىن كەڭەيتىپ، قىزمەت وتەۋ مەرزىمى تولعانداردىڭ نەگىزگى ساتىعا تامىر تارتۋىنا، دامۋىنا دەم بەرۋ كەرەك.
ج ك پ ورتالىق كوميتەتىنىڭ، مەملەكەتتىك كەڭەستىڭ اۋىل - قىستاقتى گۇلدەندىرۋ ستراتەگياسىن جاپپاي اتقارۋ جانە جوعارى مەكتەپ بىتىرگەن وقۋشىلاردى نەگىزگى ساتىعا بارىپ قىزمەت ىستەۋگە ونان ارى جەتەكتەۋ، شابىتتاندىرۋ جونىندەگى شەشىمدەرى مەن ورنالاستىرۋلارىن دايەكتى تياناقتاندىرۋ ءۇشىن، 2021 - جىلى ادام كۇشى بايلىعى جانە قوعامدىق قامتاماسىزداندىرۋ مينيسترلىگى ورتالىق ۇيىمداستىرۋ ءبولىمى، وقۋ - اعارتۋ مينيسترلىگى قاتارلى 10 تاراۋمەن بىرگە 4 - كەزەكتى جوعارى مەكتەپ بىتىرگەن وقۋشىلاردىڭ «ءۇشتى قولداۋ، ءبىردى سۇيەمەلدەۋ» جوسپارىن (2021 - جىلدان 2025 - جىلعا دەيىن) اتقارىپ، جوعارى مەكتەپ بىتىرگەن وقۋشىلاردى نەگىزگى ساتىعا بارىپ وقۋ - اعارتۋعا كومەكتەسۋگە، اۋىل شارۋاشىلىعىن قولداۋعا، ەمدەۋ جانە اۋىل - قىستاقتى گۇلدەندىرۋ سياقتىلارعا كومەكتەسۋگە ۇزدىكسىز تاڭداپ جىبەرىپ، اۋىل - قىستاقتى گۇلدەندىرۋ ستراتەگياسىن اتقارۋعا دارىندىلار جاعىنان قولداۋ كورسەتتى.
2021 - جىلى «ءۇشتى قولداۋ، ءبىردى سۇيەمەلدەۋ» جوسپارى بويىنشا 38 مىڭ ادامدى نەگىزگى ساتىعا قىزمەت وتەۋگە جىبەردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
