ديقاندار نازار اۋدارىڭىزدار! شينجياڭ تاعى دا ءبيداي رايونىنىڭ قۇرعاق ىستىق جەل اپاتىنان ساقتانۋدىڭ دارەجەلى ساقتىق سيگنالىن جاريالادى
2022.06.09 16:01 كەلۋ قاينارى : حالىق تورابى
انار بۇلتى - شينجياڭ گازەتىنىڭ حابارى (ءتىلشى يۇي مىڭفان حابارلايدى). شينجياڭ اۋىل شارۋاشىلىق اۋا رايى ستانسياسى شينجياڭ ۇيعۇر اۆتونوميالى رايوندىق اۋىل شارۋاشىلىق تەحنيكاسىن جالپىلاستىرۋ باس پۋنكتىمەن بىرلەسىپ 6 - ايدىڭ 9 - كۇنىنەن 14 - كۇنىنە دەيىن بۇكىل شينجياڭداعى ءبيداي رايونىنىڭ قۇرعاق ىستىق جەل اپاتىنان ساقتانۋدىڭ دارەجەلى ساقتىق سيگنالىن جاريالادى. بۇل 5 - ايدىڭ 24 - كۇنىنەن كەيىن 2 ـ رەت جاريالانعان بۇكىل شينجياڭداعى ءبيداي رايونىنىڭ قۇرعاق ىستىق جەل اپاتىنان ساقتانۋدىڭ دارەجەلى ساقتىق سيگنالى.
ساقتىق ەسكەرتپەسىنە نەگىزدەلگەندە، مەجەمەن 6 ـ ايدىڭ 10 ـ كۇنىنەن 13 ـ كۇنىنە دەيىن، تارباعاتاي ايماعىنىڭ ءىشىنارا وڭىرلەرى، سولتۇستىك شينجياڭنىڭ تيانشان وڭىرىندەگى كوپ ساندى رايوندار، بايىنعولين موڭعۇل اۆتونوميالى وبلىسىنىڭ ورتا بولەگى جانە اقسۋ ايماعىنىڭ شىعىس بولەگى سياقتى ءبيداي ەگەتىن وڭىرلەر ىستىق جەل اپاتىنىڭ قاتەرلى ءوڭىرى دەپ قارالدى، تىڭايتقىش پەن سۋدى جەتكىزۋدى جوسپارلاۋدى مىقتى يگەرىپ، ءبيداي اتىزى توپىراعىنىڭ دىمقىلدىعىنا قاراي، دەر كەزىندە سۋارۋ ۋمەن بىرگە 3 ـ 4 كيلوگرام ۆەرا شاشۋ كەرەك. «ءبىردى بۇركۋ، ۇشتەن ساقتانۋ» قىزمەتىن ءتۇيىندى تۇردە ويداعىداي يگەرىپ، جاپىراق بەتىنە بۇركىپ شاشۋ قىزمەتىن ورىستەتىپ، ەرتە سولۋدان، دەرت ـ دەربەزدەن، قۇرتتان، قۇرعاق ىستىق جەلدەن ساقتانۋ كەرەك.
ءبيدايدىڭ قۇرعاق ىستىق جەلى دەگەنىمىز ءبيدايدىڭ گۇل اشىپ ءدان العان كەزىندە پايدا بولعان ءبىر ءتۇرلى جوعارى تەمپەراتۋرالى، ىلعالدىعى تومەن ءارى بەلگىلى جەل كۇشى قوسانجارلانعان اپاتتى اۋا رايىن مەڭزەيدى، ول ءبيدايدى سۋ قۇرامىنىڭ تەپە - تەڭدىگىنەن ايىرىپ، ءونىمدى اۋىر دارەجەدە تومەندەتەدى. وسى رەت جاريالانعان قۇرعاق ىستىق جەل اپاتىنان ساقتانۋدىڭ دارەجەلى ساقتىق سيگنالى بۇكىل شينجياڭداعى ءبيداي ەگەتىن وڭىرلەردىڭ تەمپەراتۋرا، سالىستىرمالى ىلعالدىق جانە جەل جىلدامدىعى سياقتى فاكتورلاردى جان ـ جاقتى ويلاستىرعان كۇردەلى اۋىل شارۋاشىلىق اۋا رايى اپاتىنان ساقتاندىرۋ بولىپ تابىلادى.
شينجياڭ اۋىل شارۋاشىلىق اۋا رايى تاراۋىنىڭ اعا ينجەنەرى لي يىڭچۇن بىلاي دەپ تانىستىردى: جۇرت ۇنەمى كورىپ جۇرەتىن اۋا رايى اپاتىنان ساقتانۋعا (بوراننان ساقتانۋ، نوسەردەن ساقتانۋ سياقتىلار) ۇقسامايتىنى، ءبيدايدىڭ قۇرعاق ىستىق جەل اپاتىنان ساقتانۋ ءبيدايدىڭ گۇل اشىپ، ءدان الۋ مەزگىلىندەگى اپاتتان ساقتاندىرۋ بولىپ تابىلادى. قۇرعاق ىستىق جەل قاتەرى بار ءبيداي رايونىنداعى ديقاندارعا اتىز باسقارۋدى كۇشەيتىپ، دەر كەزىندە سۋارۋ، جاپىراق تىڭايتقىش شاشۋ سياقتى شارالاردى قولدانۋ ارقىلى اتىزداعى شاعىن كليماتتى رەتتەپ، قۇرعاق ىستىق جەلدىڭ ءبيدايدىڭ ءدان الۋىناجاسايتىن ءتيىمسىز ىقپالىن جەڭىلدەتۋدى ەسكەرتەمىز.
بيىل جىل باسىندا اۋىل شارۋاشىلىعى، اۋىل ـ قىستاق مينيسترلىگى مەن جۇڭگو اۋا رايى مەكەمەسى بىرلەسىپ ۇقتىرۋ شىعارىپ، حاۋىپ ـ قاتەردەن ساقتاندىرۋدىڭ اناعۇرلىم جۇيەلى، ولشەمدى كاسىپتىك قىزمەت وتەۋ جۇيەسىن ورناتۋدى ايقىندادى. سوندىقتان، شينجياڭ اۋا رايى مەكەمەسى شينجاڭ ۇيعۇر اۆتونوميالى رايوندىق اۋىل شارۋاشىلىق، اۋىل ـ قىستاق مەڭگەرمەسىمەن بىرلەسىپ، اۋىل شارۋاشىلىق اۋا رايى اپاتىنىڭ حاۋىپ ـ قاتەرىنەن ساقتاندىرۋ قىزمەتىن تۇڭعىش رەت ورىستەتتى. شينجياڭ اۋىل شارۋاشىلىق اۋا رايى تاراۋى 5 – ايدىڭ 24 – كۇنى جانە 6 – ايدىڭ 7 – كۇنى قۇرعاق ىستىق جەل اپاتىنان ساقتانۋدىڭ دارەجەلى ساقتىق سيگنالىن جاريالادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
