ەلەكتر جەتكىزۋ، كەرنەۋ وزگەرتۋ ينجەنەرياسى 2 كيلومەتر اينالىپ ءوتىپ، شىرىش قاراعايعا جول بەردى
2022.06.09 16:07 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى چىن چياڭۋي 6 - ايدىڭ 7 - كۇنى ۇرىمجىدەن حابارلايدى. ”نىسان باسقارۋ ءبولىمى سول جەردى تالاي رەت بارلاۋ ارقىلى جوبالانعان جەلىنى رەتتەدى، ىلە − بۇراتالا وبلىسى − شيحۋ − فىڭحۋاڭⅡ كونتۋر 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسى وسى سەبەپتى مولشەرمەن 2 كيلومەتر اينالىپ ءوتىپ، 2000نان استام شىرىش قاراعايعا جول بەردى، ينجەنەريانىڭ جالپى تۇلعالىق وزىندىك قۇنى دا 10 نەشە ميلليون يۋان ارتتى“، - دەدى 6 - ايدىڭ 5 - كۇنى مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى قۇرىلىس بولىمشە سەرىكتەستىگى ءبىرىنشى نىسان باسقارۋ ءبولىمىنىڭ نىسان مايدانىن باسقارۋعا، مەڭگەرۋگە ارناۋلى جاۋاپتىسى لي جۇن.
ىلە − بۇراتالا وبلىسى − شيحۋ − فىڭحۋاڭⅡ كونتۋر 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسى شينجياڭنىڭ 750 كيلوۆولتتىق نەگىزگى تورىنىڭ باتىس تيانشانعا ورناتىلعان اينالمالى تورىنىڭ ماڭىزدى قۇرامداس بولىگى، سونداي - اق 2022 - جىلعى اۆتونوميالى رايوننىڭ ءتۇيىندى نىسان ينجەنەرياسى. ينجەنەريا 750 كيلوۆولتتىق ىلە كەرنەۋ وزگەرتۋ پۋنكتىنەن باستالىپ، 750 كيلوۆولتتىق فىڭحۋاڭ كەرنەۋ وزگەرتۋ پۋنكتىنە تۇتاسادى، جەلىنىڭ ۇزىندىعى مولشەرمەن 427.5 كيلومەتر. ينجەنەريا 2021 - جىلى 6 - ايدىڭ 20 - كۇنى قۇرىلىس باستاعان، جوسپار بويىنشا 2023 - جىلى 6 - ايدا سالىنىپ بولىپ، پايدالانۋعا بەرىلەدى، سالىنىپ بولعاننان كەيىن ىلە قازاق اۆتونوميالى وبلىسىنىڭ، بۇراتالا موڭعۇل اۆتونوميالى وبلىسىنىڭ كوتەرىمدىلىگىنىڭ ارتۋى جانە ەلەكتر جەتكىزۋ سۇرانىسىن قاناعاتتاندىرىپ، ءۇرىمجى − سانجى كوتەرىمدىلىك ورتالىعىنىڭ ەلەكتر پايدالانۋىنا قىزمەت وتەيدى.
بۇل ينجەنەريانىڭ 23 كيلومەتر جەلىسى، 57 بازالىق مۇناراسى مىڭمارال ورمان باقشاسىنا ورنالاسقان. مىڭمارال ورمان باقشاسىنداعى وسىمدىك جامىلعىلارى شىرىش قاراعايدى نەگىز ەتەدى، سۋ قاينارىن ساقتاۋ، ەكولوگيانى جاقسارتۋ جونىنەن ماڭىزدى رولعا يە. ەكولوگيالىق ورتانى قورعاۋ ءۇشىن، ىلە − بۇراتالا وبلىسى − شيحۋ − فىڭحۋاڭⅡ كونتۋر 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسى العاش جوبالانعاندا - اق ورماندى قورعاۋدى ماڭىزدى جوبالاۋ فاكتورى ەتىپ تۇراقتاندىرىپ، سول جەردى تالاي رەت بارلاپ، جوبالانعان جەلىنى رەتتەدى، بۇل ينجەنەريا اقىرعى ەسەپتە 2 كيلومەتردەي اينالىپ ءوتىپ، 2000 نەشە شىرىش قاراعايعا ءونىمدى جول بەردى.
مىڭمارال ورمان باقشاسىندا قۇرىلىس جۇرگىزگەندە نىسان قۇرىلىسشىلارى اۆتوكولىكتەردىڭ جۇرەتىن جولىن جوبالادى ءارى ورمان ىشىندەگى كەيبىر قۇرىلىس جولدارىنا پالما توسەنىش، جاسىل جاپقىش سياقتىلاردى توسەپ، تەمىر مۇنارانىڭ استىڭعى جاعىنا شارشى تاقتاي ورناتىپ، شىرىش قاراعاي وسەتىن جەر بەتى قورشاعان ورتاسىنىڭ بۇلدىرىلمەۋىنە شىنايى كەپىلدىك ەتتى. ءىرى تۇرپاتتى جابدىقتاردىڭ الەۋمەتتىك يگىلىك ورماندارىن جانە ورمان جەرلەرىن ءبۇلدىرۋىن ازايتۋ ءۇشىن، بۇل ينجەنەريا تاعى يەلەيتىن جەر اۋدانى ەداۋىر كىشكەنە بولعان قۇرامالى باعانالار ارقىلى مۇنارا تۇرعىزۋ تاسىلىمەن تەمىر مۇنارانى تۇرعىزدى. سونىمەن بىرگە شىرىش قاراعايدىڭ وسۋىنە كەڭىستىك قالدىرۋ ءۇشىن، ينجەنەريا بيىكتەتۋ ءتاسىلىن دە قولدانىپ، تەمىر مۇنارانىڭ بيىكتىگىن 45 مەتردەن 56 مەترگە كوتەردى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
