فان يياڭ:
ارمان نۇر شۇعىلا شاشىپ، جاستىق كوكتەم جالىن بولىپ لاۋلادى
انار بۇلت \شينجياڭ گازەتىنىڭ ءتىلشىسى جىڭ جو
2022.06.09 16:10 كەلۋ قاينارى : شينجياڭ گازەتى
شاندۇڭنىڭ حىزىسى قۇلپىرعان مۋدان مەكەنى؛ قۇربانتۇڭعۇت ءشولى شەتسىز دە شەكسىز كوسىلگەن ءشول تەڭىزى. تابيعات كورىنىسى مۇلدە ۇقسامايتىن وسى ەكى جەر بىردەي فان يياڭنىڭ اۋىلى.
5 - ايدىڭ 16 - كۇنى تاڭ راۋانداپ اتا باستاعان شاق، فان يياڭ مەكەمەنىڭ كولىگىنە وتىرىپ، جۇمىس رايونىنا بەت الدى. ماشينانىڭ اينالىسىنان پايدا بولعان جوعارى تەمپەراتۋرا جانە سۇمبە ناسوسىنىڭ گۇرىلدەگەن داۋىسىمەن ءبىر كۇنگى قىزمەتتىڭ بەتاشارى باستالدى. نەشە كۇننىڭ الدىندا سوققان قۇمدى بوران جابدىقتاردى قۇممەن بۇركەپ تاستاعان ەدى.
جاراتىلىستىق ورتا مەيلى قانداي ناشار بولسا دا، مۇناي الابىنداعى جۇمىسشىلارىنىڭ جاپا - ماشاقاتقا ءتوزىمدى، ۋاز كەشپەيتىن سول ءبىر رۋحى قاشاندا فان يياڭدى العا جەتەلەيتىن قوزعاۋشى كۇش بولىپ كەلەدى.
2020 - جىلى فان يياڭ جۇڭگو مۇناي داشۋەسى (بەيجيڭ) قارامايلى مەكتەپ رايونىنان وقۋ تاۋىستى. وتباسىنداعى جالعىز بالا بولعان ول العاشىندا ۇيىنە جاقىن ماڭنان قىزمەت قاراستىرماق بولدى. ساباقتاستارىنىڭ باس شۋجي شي جينپيڭگە حات جازىپ، شەكارا وڭىردەگى نەگىزگى ساتى قىزمەتىنە تامىر تارتۋ بەكىمدەرىن بىلدىرمەك بولعاندىعىنان حابار تاپقان فان يياڭ قاتتى اسەرلەنەدى.
”جاستىق كوكتەم قاشاندا اسقاق سەزىممەن، ىستىق قانمەن سەرىك، نەگىزگى ساتىعا تامىر تارتۋ بەكىمى استە ءبىر مەزەتتىك البىرتتىق، ءتىپتى، بالالىق قىزبالىق تا ەمەس“. حاتتى قولىنا العان فان يياڭ شەكارا وڭىرگە تامىر تارتۋعا بەكىنەدى.
مەكتەپ بىتىرۋگە تاياعان شاقتا باس شۋجي شي جينپيڭنىڭ كوپشىلىككە شىنىمەن جاۋاپ حات جازاتىندىعىن ەشكىم دە ويلاماعان ەدى، فان يياڭنىڭ كوڭىلى كولدەي تولقىدى، ول: وتانىمىزدىڭ باتىس بولىگىندە نۇر شۇعىلا شاشۋ ومىرىمدەگى ەڭ زور داڭق، - دەدى.
سول جىلى 9 - ايدا فان يياڭ لۋلياڭ مۇناي الابى شىنان مۇناي ايىرۋ پۋنكتىنىڭ قۇدىق استىندا جۇمىس جۇرگىزۋ رايونىنا بولىنەدى. ءبىر جاقتى ەتۋ پۋنكتىندە باككە شىعىپ مايدى ولشەۋ كۇندەلىكتى قىزمەت. فان يياڭ بيىكتەن قورقاتىن، 16 مەتر بيىكتىكتەگى رەتتەۋ، ساقتاۋ باگىنە شىعۋ ول ءۇشىن ۇلكەن سىن ەدى. ۇستازداردىڭ جەتەكشىلىگىندە ول تەمىر باسپالداقپەن بىرتە - بىرتە جوعارى كوتەرىلەدى. ”وسىنشاما بيىككە ءوز اياعىممەن شىعۋىم تۇڭعىش رەت ەكەن“، - دەيدى فان يياڭ.
ۇڭعىما قىزمەتى قايراتىڭمەن قوسا قابىلەتىڭدى دە سىنايدى. ءبىر جولى جاڭا جىلداعى كەزەكشىلىك ساتىندە جاڭا ۇڭعى وندىرىسكە قوسىلاتىن بولادى، كەزەكشى قىزمەتكەر رەتىندە، فان يياڭ وندىرىسكە قوسۋدىڭ تۇتاس بارىسىنا ات سالىسادى.
”بۇل مەنىڭ تۇڭعىش رەت كەلەلى ىسكە بەل شەشە كىرىسۋىم ەكەن، جۇمىستى استە ءبۇلدىرىپ المايىن“! مىندەتتى ءساتتى ورىنداۋ ءۇشىن، فان يياڭ قىزمەتتەستەرىنەن كىشى پەيىلدىلىكپەن كەڭەس سۇرايدى.
”ءاربىر اۋىز ءسوزدى دىبىسقا الىپ، قايتالاپ تىڭداپ وتىردىم، سول بىرنەشە كۇندە كۇنىنە 100 نەشە رەت تەلەفون قابىلدادىق“، - دەدى فان يياڭ.
وندىرىسكە قوسىلعان كۇنى كۇن ەرەكشە سۋىق بولدى. ەلەكترشى ۇستازدار تەلەفون الۋعا قولايلى بولۋ ءۇشىن قولعاپ كيمەيتىن، توڭىپ دىرىلدەگەن قولدارىمەن اۆومەترمەن تەكسەرۋ جۇرگىزەتىن، قاقاعان ايازدا تاپجىلماي ءبىر ساعات بويى جۇمىس ىستەيتىن ۇستازدار دا بار ەدى. وسىنىڭ ءبارى فان يياڭنىڭ كوكەيىنە تەرەڭ ۇيالادى. ول جۇمىس بارىسىن باستان - اياق قاداعالاپ كوكەيىنە ءتۇيدى، 6 ساعاتتان استام ۋاقىتتا جاڭا ۇڭعىما وندىرىسكە قوسىلعاننان كەيىن بارىپ، كوڭىلى جاي تاپتى.
وسى بارىستى فان يياڭ سۋرەتكە ءتۇسىرىپ، جۋىپ شىعارعاننان كەيىن، بەتىنە ەر ازامات شالقار تەڭىزدى دە كەشىپ وتەدى، ءشول دالادا دا قۇيىنداي جورتادى دەگەن ماعىنادا ”تەڭىزدى شيىرلاپ، شولدە قۇيىنداي جورتۋ“ دەگەن ولەڭ جولدارىن جازىپ قويادى. قازىر بۇل سۋرەت ونىڭ قىزمەت ۇستەلىنىڭ ۇستىندە قويۋلى تۇر.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
