”پارتيا بولماسا، بۇگىنگى اياققى مانگان قىستاعى دا بولماس ەدى“
«ىزدەنۋ» جۋرنالىنىڭ ءتىلشىسى \ لي مينشىڭ، ەرىكتى تىلشىلەر جاڭ زىڭچياڭ، پان يانيۇن
2022.06.09 16:11 كەلۋ قاينارى : شينجياڭ گازەتى
شينجياڭ قاشقار ايماعى كونەءشار اۋدانى توققۇزاق قالاشىعى اياققى مانگان قىستاعىنا بارعاندا مىڭ مەتىرلىك مادەنيەت ءدالىزى، كەڭ دە تازا اسفالت جول، وسى زامان فاكتورلارى مەن ۇلتتىق ەرەكشەلىك ءبىر - بىرىنە ءار بەرگەن تۇرعىندار تۇراقتارىنىڭ اراسىنا كىرىگە ورنالاسقان كينوحانا، گۇل دۇكەنى، تاڭعى اس دۇكەنى، شاحمات - قارتا ويىندارى ءۇيى، سەلبەستىك كووپەراتيۆى سياقتىلار كوزگە ءتۇستى، بارلىعىنان جاڭا داۋىردەگى كورىكتى اۋىل - قىستاق تىنىسى ەسەدى.
2014 - جىلى 4 - ايدىڭ 28 - كۇنى باس شۋجي شي جينپيڭ وسى اراعا كەلىپ جەرگىلىكتى بۇقارامەن امانداسقاندا تەبىرەنە: ”مەن سىزدەرگە امانداسا كەلگەندە پارتيانىڭ حالىقتى يگىلىككە كەنەلتۋ ساياساتتارىنىڭ جۇرت جۇرەگىنە تەرەڭ ۇيالاعان - ۇيالاماعاندىعىن، رول اتقارعان - اتقارماعاندىعىن كورۋگە كەلدىم. حالىق بۇقاراسىنىڭ ءۇمىت - تىلەگىنە ۇيلەسەتىن ىستەردىڭ بارلىعى پارتيامىزدىڭ كۇرەس نىساناسى. سىزدەردىڭ پارتيانىڭ ساياساتىنىڭ سۇيەمەلدەۋىندە اناعۇرلىم باقىتتى تۇرمىس كەشىرۋلەرىڭىزدى تىلەيمىن“، - دەگەن ەدى.
باس شۋجي شي جينپيڭنىڭ ىقىلاستى تاپسىرماسىندا تەرەڭ يدەيالىق كۇش جاتىر، ول اياققى مانگان قىستاعىنداعىلاردى بىلەك سىبانىپ قۇلشىنا ىستەۋگە شابىتتاندىرۋدا. قىسقا عانا 8 جىلدا اياققى مانگان قىستاعى كەدەي قىستاقتان قوعامى ورنىقتى، ەكونوميكاسى دامىعان، ۇلتتارى ىنتىماقتى، اۋىل سالتى وركەنيەتتى ”جۇلدىز قىستاققا“ اينالدى. قىستاقتىڭ كوللەكتيۆ شارۋاشىلىعى جوقتان بار بولىپ، ءبىر ميلليون يۋاننان استامعا ارتىپ، جان باسىندىق ورتاشا كىرىس 10 مىڭ يۋاننان استى. قىستاق تۇرعىندارى تىلشىگە: ”قازىر ىستەيتىن ءىسىمىز، تاباتىن اقشامىز بار بولىپ، ارمانىمىز ارىنداي ءتۇستى، تۇرمىسىمىز بارعان سايىن جاقسارىپ كەلەدى“، - دەدى قۋانىشپەن.
پارتيا ياچەيكاسىن كۇشەيتىپ قۇرىپ، ”نەگىزگى تىرەككە“ يە بولدى. ”كوممۋنيستىك پارتيا جاقسى! پارتيا بولماسا، بۇگىنگى اياققى مانگان قىستاعى دا بولماس ەدى. مەنىڭ جاسىم ۇلعايعانىمەن، پارتياعا مۇشە بولۋ ەڭ قۋانىشتى ءىسىم بولدى“. 2021 - جىلى 12 - ايدا اياققى مانگان قىستاعىنداعى 86 جاستاعى ءيۇسۇپ ابلا قاريا داڭقپەن جۇڭگو كوممۋنيستىك پارتياسىنا مۇشە بولدى، پارتياعا مۇشە بولعاندا ول قۋانعانىنان كوزىنە جاس الدى، كوز شاناعىنا جاس ۇيىرىلگەن بەينەجازباسى ينتەرنەتتە كەڭىنەن تارالىپ، سانسىز ادامدى اسەرلەندىردى.
باس شۋجي شي جينپيڭ وسى ارادا قىزمەت تەكسەرگەندە بىلاي دەپ ايقىن باسا دارىپتەدى: اۋىل - قىستاقتاعى پارتيا ۇيىمى، ءسوز جوق، بۇقارانى سوتسياليستىك جاڭا اۋىل - قىستاق قۇرۋعا ىنتىماقتاستىراتىن، باستايتىن پارمەندى قامال بولۋ كەرەك. وسى جاعى بولعاندا دامۋدى يگەرۋدە ”كۇش بولادى، سەرپىن بولادى“.
باس شۋجي شي جينپيڭ ايقىن كورسەتكەن باعدار بويىنشا، اۆتونوميالى رايوندىق پارتكوم پارتيا مەكتەبىنىڭ قىستاقتا تۇراتىن قىزمەت اترەتى مەن قىستاق ”ەكى كوميتەتى“ ءبىر قىدىرۋ شارالاردى بىرتىندەپ اتقاردى: قىستاق تۇرعىندارى قۇرىلتايىن اشىپ، شەبەرلەردى تاڭدادى؛ قىزمەت اترەتى مۇشەلەرى مەن قىستاق كادرلارىنىڭ ”ءبىردىڭ بىرگە كومەكتەسۋ“ مەحانيزمىن ورناتىپ، مەملەكەتتە ءبىر تۇتاس قولدانىلاتىن ءتىل، كومپيۋتەر قولدانۋ سياقتى نەگىزگى قىزمەتتەردەن باستاپ ىستەپ، ناقتاپ ۇيرەتتى؛ ”قىستاق بەلگىلەمەسى، تۇرعىندار شارتىن“ ورناتىپ، ىشەر اس، كيەر كيىم، تۇرار جاي، ءجۇرىس - تۇرىس قاتارلى ىستەردەن باستاپ كىرىستى.
ىسىلعان قىستاق كادرلارى قوسىنى بىرتىندەپ ەسەيىپ، قىستاق ”ەكى كوميتەتى“ القاسىنىڭ قۇرامىنداعىلار 7 ادامنان 11 ادامعا مولايىپ، ورتاشا جاسى بۇرىنعى 46 جاستان 29 جاسقا تومەندەپ، جوعارى، ورتا تەحنيكۋمداردان وقۋ تاۋىسقانداردىڭ ۇلەسى نولدەن ％90كە جوعارىلاپ، قىستاق پارتيا ياچەيكاسىنىڭ ۇيىستىرۋ قۋاتى، سەنترگە تارتۋ كۇشى، جاۋىنگەرلىك قۋاتى ايقىن كۇشەيدى.
جاڭا كاسىپ سالاسىن دامىتىپ، ”التىن ساندىققا“ يە بولدى. كاسىپ سالاسىن دامىتۋ − كەدەيلىكتەن ارىلتۋداعى ءتۇبىرلى شارا. 5000 نەشە ادامى بار اياققى مانگان قىستاعىندا بۇرىن تاۋىرلەۋ ءبىر كاسىپ سالاسى جوق بولاتىن.
قايتكەندە كاسىپ سالاسى ارقىلى ”كەدەيلىك“ تامىرىن جۇلۋعا بولادى؟ قىستاقتا تۇراتىن قىزمەت اترەتى مەن قىستاق ”ەكى كوميتەتى“ ىشكەرىلەي زەرتتەۋ جۇرگىزگەننەن كەيىن، جەر جاعدايىنا قاراي ىستەپ، ”پارتيا ياچەيكاسى + سەلبەستىك كووپەراتيۆ + شارۋا“ ۇلگىسى ارقىلى سىبىرتكىنى نەگىز ەتكەن قولونەر بۇيىمدارى، گۇل مايساسى سياقتىلاردى توڭىرەكتەي وتىرىپ ىستەۋدى ۇيعاردى.
سىبىرتكى ءتۇيۋ جەرگىلىكتى ورىندا 100 جىلدان استام ۋاقىتتان بەرى جالعاسقان قولونەر بولاتىن. جەرگىلىكتى كادرلار قىستاق تۇرعىندارىن جەتەكتەپ ۋارىس قولونەر بۇيىمدارى شارۋالار كاسىپتىك سەلبەستىك كووپەراتيۆىن قۇرىپ، وسى كاسىپ سالاسىن ءتۇيىندى تۇردە دامىتتى. 3 - ۇرپاق مۇراگەر ءيۇسۇپ ابلا تەبىرەنە: ”بۇرىن سىبىرتكىنى جەر سىپىرۋ، كەرەۋەتتىڭ ءۇستىن تازالاۋ ءۇشىن تۇيەتىنبىز، ماندىپ اقشاعا جارامايتىن. قىستاقتا تۇرعان قىزمەت اترەتى ماعان سىبىرتكىنى ساياحات ەستەلىك بۇيىمى، قولونەر بۇيىمى ەتىپ جاساۋدى ايتتى ءارى مەنى ىشكى موڭعۇلعا تاجىريبە قابىلداۋعا جىبەردى. قازىر وسىنىڭ بارلىعى شىندىققا اينالدى“، - دەدى. 2021 - جىلى اتالعان قىستاق ءبىر ميلليون 100 مىڭ سىبىرتكى ساتىپ، ءونىم قۇنى 10 ميلليون يۋاننان استى. كىشكەنە عانا سىبىرتكى بايۋ جولىن اشتى.
قازىر كوكونىس سەبەتىن، گۇل مايساسىن، شارۋالاردىڭ قولونەر بۇيىمدارىن ءوندىرۋ - ساتۋمەن، قىزىل ساياحات 4 ۇلكەن بازاسىنىڭ سالىنۋىمەن اياققى مانگان قىستاعىندا ساياحات، تۇسەلحانا، سەيىلدەۋ، سەرۋەندەۋ قاتارلىلار ءبىر تۇلعالانعان كاسىپ سالاسى ارناسى قالىپتاسىپ، زور توپتاعى قىستاق تۇرعىندارىن جۇمىستاندىردى.
بارلىق ادام جۇمىستانۋ، بارلىق وتباسى اقشا تابۋ، بارلىق ءۇي ەڭبەكپەن بايۋ اياققى مانگان قىستاعىنىڭ ءداۋىر بەلگىسىنە اينالدى.
جاڭا قىستاق كەلبەتىن قۇرىپ، ”باقىت باقشاسىنا“ يە بولدى. باس شۋجي شي جينپيڭ قىزمەت تەكسەرگەندە جەرگىلىكتى قىستاق كادرلارى مەن قىزمەت اترەتىنىڭ مۇشەلەرىنە ”كوپ اڭگىمەلەسىپ، كوپ اقىلداسىپ، قيىن ماسەلەلەردى بىرگە شەشىپ، قىستاقتىڭ ءار ءىسىن ويداعىداي ىستەۋ كەرەك“ دەپ تاپسىرعان ەدى. قىستاق پارتيا ياچەيكاسىنىڭ شۋجيى مامەتتۇرسۇن ابدۇراحمان تىلشىگە بىلاي دەدى: باس شۋجيدىڭ تاپسىرماسى بويىنشا، 8 جىلدان بەرى قىستاقتا تۇراتىن قىزمەت اترەتى مەن قىستاق ”ەكى كوميتەتى“ بۇقارانىڭ ءتول مۇددەسىنە ساياتىن كىشكەنە ىستەردەن باستاپ ىستەپ، تۇرعىن ۇيلەردى وزگەرتىپ سالىپ، جول جاساپ، جول شامدارىن ورناتىپ، قونىس ورتاسىن رەتتەپ - جونگە سالىپ، تابيعي گازدى وتباسىلارىنا جەتكىزدى... قاجىماي - تالماي قۇلشىنىپ اياققى مانگان قىستاعىنىڭ كونە بەينەسىن شىت جاڭا تۇرگە ەنگىزدى.
بالالاردىڭ كىتاپ وقىعان ۇنىنە ىلەسە، ءتىلشى باس شۋجي شي جينپيڭ قىزمەت تەكسەرگەن توققۇزاق قالاشىعى سەنترلى باستاۋىش مەكتەبىنە باردى. بۇل ارادا باس شۋجي مەكتەپتىڭ جاعدايىن ىجداعاتپەن ۇعىسىپ، بالالاردىڭ جانىنا بارىپ ولارمەن بىرگە ەستەلىك سۋرەتكە تۇسكەن بولاتىن. مەكتەپ پارتيا ياچەيكاسىنىڭ شۋجيى ياۋ حۇڭيۇي بىزگە مەكتەپتىڭ 8 جىلدان بەرگى وزگەرىستەرىن بايانداپ بەردى: كاۋچۋكتى جۇگىرۋ جولى، قادام سايىن كەزدەسەتىن مەكتەپ اۋلاسىنداعى كورىنىستەر، بالالار ەرەكشە ۇناتاتىن قۇلتەمىر ”شياۋ - اي“...
كەزىندەگى مەشەۋ مەكتەپ وسىزاماندانعان مەكتەپكە اينالىپتى. سول جىلى باس شۋجي شي جينپيڭمەن بىرگە سۋرەتكە تۇسكەن بالالار الدەقاشان ەسەيىپ، وتانىمىزدىڭ بايتاق دالاسىنا اتتاندى.
”اياققى مانگان قىستاعىنداعى 8 جىلدىق وزگەرىستەردىڭ ءبىر ماڭىزدى سەبەبى − بۇقارا باس شۋجي مەن پارتيا ورتالىق كوميتەتىنە دەگەن العىس سەزىمىن كۇرەس جۇرگىزۋدىڭ، بايۋدىڭ رۋحاني قوزعاۋشى كۇشىنە اينالدىردى، بۇل رۋحاني قوزعاۋشى كۇش قىستاق تۇرعىندارىنىڭ جۇرەك تۇكپىرىنە ءسىڭدى، بۇل، ءسوز جوق، ولاردى بولاشاقتا ءتىپتى دە تاماشا تۇرمىس جاراتۋعا شابىتتاندىرا بەرەدى“، - دەدى اياققى مانگان قىستاعىنىڭ ءبىرىنشى شۋجيى، قىستاقتا تۇراتىن قىزمەت اترەتىنىڭ باستىعى يان شياڭدۇڭ قاتتى تەبىرەنىسپەن.
ءتىلشى ەستەلىگى:
باس شۋجي شي جينپيڭ جاپپاي دوڭگەلەك داۋلەتتى قوعام قۇرۋدا بىردە - ءبىر ادام كەم بولسا بولمايدى؛ بىرگە بايۋ جولىندا بىردە - ءبىر ادامدى قاتاردان قالدىرۋعا بولمايدى دەپ باسا دارىپتەگەن ەدى. ”كەدەيلىكتەن“ ”بايۋعا“ دەيىن كەدەيلىكتەن ارىلىپ، دوڭگەلەك داۋلەتتىلىكتى جۇزەگە اسىرىپ، بايۋعا بەتتەگەن سانسىز قىستاقتار سياقتى اياققى مانگان قىستاعىنىڭ تۇلەۋى جاڭا داۋىردەگى پارتيانىڭ جاسامپاز نازارياسىنىڭ، حالىقتى يگىلىككە كەنەلتۋ ساياساتىنىڭ امالياتتىق ۇلى كۇشىن دالەلدەدى.
(«ىزدەنۋ جۋرنالىنىڭ» 2022 - جىلعى 10 - سانىنان)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
