5 - ايدا مەملەكەت بويىنشا تەمىر جولمەن زات جونەلتۋ مولشەرىندە تاريحتاعى ءبىر ايلىق ەڭ جوعارى دەڭگەي جاراتىلدى (جاڭا ساندى مالىمەت، جاڭا ءتۇيىن)
جيىنى 340 ميلليون توننا زات جونەلتىلىپ، سايكەس مەزگىلدەگىدەن %6.6 ارتتى
2022.06.09 17:06 كەلۋ قاينارى : حالىق تورابى
«حالىق گازەتى»، 6- ايدىڭ 8 – كۇنى، بەيجيڭ (ءتىلشى لۋ يانان). ءتىلشىنىڭ جۇڭگو مەملەكەتتىك تەمىر جول توبى شەكتى سەرىكتەستىىگىنەن ۇعىسۋىنشا، 5 - ايدا مەملەكەت بويىنشا تەمىر جول زات تاسىمالى پارمەندى ارتۋ كۇيىن ساقتاپ، جالپى 340 ميلليون توننا زات جونەلتىلىپ، وتكەن جىلدىڭ ۇقساس مەزگىلىندەگىدەن 21 ميلليون 100 مىڭ توننا ارتىپ، وتكەن جىلدىڭ ۇقساس مەزگىلىندەگىدەن %6.6 ارتىپ، ءبىر ايلىق زات جونەلتۋ مولشەرى تاريحتاعى ەڭ جوعارى دەڭگەيگە جەتكەن.
زات اينالىمى ىركىلىسسىز بولدى، تەمىر جول اۋىر جۇكتى باتىلدىقپەن ارقالادى. ءتۇيىندى ارناداعى جۇك پويەزدەرىنىڭ قاتىناۋ سانى ارتىپ، جۇك تاسىمال قۋاتى ءتۇرلى ءادىس - امالمەن ارتتىرىلىپ، جەتكىزۋ ۋاقىت شەگى قىسقارتىلىپ، قامتاماسىز ەتۋ، ىركىلىسسىزدەندىرۋ قىزمەتىنە تاسىمال قۋاتى جاعىنان قولداۋ كورسەتىلدى. 5 - ايدا مەملەكەت بويىنشا تەمىر جولدا كۇنىنە ورتا ەسەپپەن 182 مىڭ 600 ۆاگون تيەلىپ، وتكەن جىلدىڭ ۇقساس مەزگىلىندەگىدەن %7.4 ارتتى، 5 - ايدا كۇنىنە ورتا ەسەپپەن جۇك تيەۋ مولشەرى 4 - ايدان كەيىن تاعى دا تاريحتاعى ەڭ جوعارى ورەگە جەتتى. مۇنىڭ ىشىندە مەملەكەتتىك تەمىر جول جۇك قورابىنا كۇنىنە 45 مىڭ 954 اۆتوموبيل تيەلىپ، وتكەن جىلدىڭ ۇقساس مەزگىلىندەگىدەن %25.9 ارتتى، كۇندىك جۇك تيەۋ ەڭ جوعارى بولعاندا 48 مىڭ 271 اۆتوموبيلگە جەتىپ، تاريحتاعى ەڭ جوعارى ورە جاراتىلدى.
جۇمىستى، ءوندىرىستى قالپىنا كەلتىرۋگە دەم بەرىلدى، تەمىر جول تاراۋلارى ءتۇيىندى زاتتاردى تاسىمالمەن قامداۋعا كەپىلدىك ەتۋدى دەن قويا ۇيىمداستىرىپ، «الەۋمەتتىك تەمىر جول» زات قاينارىن بەلسەنە قابىلداپ، تيەۋگە تيىستىلەرىن مۇمكىندىكتىڭ بارىنشا تيەپ، تەز تيەپ، تەز تاسىدى. 5 - ايدا مەملەكەتتىك تەمىر جول ارقىلى 14 ميلليون 700 مىڭ توننا استىق، حيميالىق تىڭايتقىش جونەلتىلىپ، وتكەن جىلدىڭ ۇقساس مەزگىلىندەگىدەن %25.4 ارتتى؛ جونەلتىلگەن ەلەكترگە پايدالانىلاتىن كومىر 110 ميلليون توننا بولىپ، وتكەن جىلدىڭ ۇقساس مەزگىلىندەگىدەن %7 ارتتى، بۇكىل ەلدەگى تەمىر جول تىكە قامدايتىن 363 زاۆودتا ساقتالعان كومىر ورتا ەسەپپەن 33.4 كۇنگە جەتىپ، ءبىرشاما جوعارى ورەنى ساقتادى.
حالىقارالىق ۇلاسپالى تاسىمالدى كۇشەيتىپ، حالىقارالىق كاسىپ تىزبەگىنىڭ، قامداۋ تىزبەگىنىڭ ورنىقتىلىعىن جەبەدى. كەدەن، شەكارالىق تەكسەرۋ، سىرتقى ىستەر سياقتى تاراۋلارمەن، سونداي - اق جەلى بويىنداعى ەلدەردىڭ تەمىر جول كاسىپورىندارىمەن پىكىرلەسۋدى، سايكەسۋدى كۇشەيتىپ، حالىقارالىق ۇلاسپالى تاسىمال قۋاتىنىڭ ونىمدىلىگىن جوعارىلاتىپ، ەلىمىزدىڭ سىرتقى ساۋداسىنىڭ ورنىقتىلىقتى ساقتاپ، ساپاسىن جوعارىلاتۋىنا دەم بەردى. 5 - ايدا جۇڭگو - ەۆروپا كەزەكشى پويەزىنەن ءبىر مىڭ 357 كەزەكشى پويەز قاتىناپ، 129 مىڭ 500 ولشەمدى ساندىق جونەلتىلىپ، كۇنىنە ورتا ەسەپپەن جەكە - جەكە %12، %13.3 ارتتى؛ باتىس بولەكتەگى قۇرلىق - تەڭىز جاڭا ارناسىنداعى كەزەكشى پويەزدەر 78 مىڭ ولشەمدى ساندىق جونەلتىپ، وتكەن جىلدىڭ ۇقساس مەزگىلىندەگىدەن %20.5 ارتتى؛ نەگىزگى پورتتاردىڭ تەمىر جول - سۋ بىرلەسپە تاسىمال مولشەرى ءبىر ميلليون 70 مىڭ ولشەمدى ساندىق بولىپ، وتكەن جىلدىڭ ۇقساس مەزگىلىندەگىدەن %35.1 ارتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
