ەكولوگيانى قورعاۋ مەن ساپالى دامۋدى ىلگەرىلەتىپ، حۋاڭحى وزەنىن حالىققا باقىت جاراتاتىن باقىت وزەنىنە اينالدىردى (تاپسىرىقتى امالياتتا ايگىلەگەن 10 جىل)
«حالىق گازەتىنىڭ» ءتىلشىسى حوۋ لينلياڭ
2022.06.09 17:07 كەلۋ قاينارى : حالىق تورابى
«مەن حۋاڭحى وزەنى الابىنىڭ ەكولوگياسىن قورعاۋعا جانە ساپالى دامىتۋعا باستان - اياق كوڭىل ءبولىپ كەلەمىن، بۇگىن وسى اراعا كەلدىم، سونىمەن حۋاڭحى وزەنىنىڭ جوعارعى، ورتا، تومەنگى اعارىنىڭ بويىن تۇگەل ارالاعان بولدىم». 2021 - جىلى 10 - ايدىڭ 20 - كۇنى باس شۋجي شي جينپيڭ شاندۇڭنىڭ دۇڭيىڭ قالاسىنداعى حۋاڭحى وزەنىنىڭ تەڭىزگە قۇيار اۋزىندا قىزمەت تەكسەرگەندە بىلاي دەپ اتاپ كورسەتتى: حۋاڭحى وزەنى − ءبىزدىڭ انا وزەنىمىز، قورعاۋ − العى شارت، حۋاڭحى وزەنىنىڭ ەكولوگياسىن قورعاۋ قىزمەتىن باستان - اياق، تاباندىلىقپەن ويداعىداي يگەرۋ كەرەك.
«حۋاڭحى وزەنىن حالىقتى باقىتقا كەنەلتەتىن باقىت وزەنىنە اينالدىردى». حۋاڭحى وزەنى الابىنىڭ ەكولوگياسىن قورعاۋ جانە ساپالى دامىتۋ − باس شۋجي شي جينپيڭ ءوزى جوبالاعان، ءوزى ورنالاستىرعان، ءوزى ىلگەرىلەتكەن كەلەلى مەملەكەتتىك ستراتەگيا.
حۋاڭحى ساعاسى مەملەكەتتىك باقشاسى − ەلىمىزدەگى تۇڭعىش قۇرلىق پەن تەڭىز ءبىر تۇتاس جوسپارلانعان مەملەكەتتىك باقشا. «باقشا قۇرۋ مىندەتى تولىق ورىندالدى ءارى مەملەكەتتىك ورمان، جايىلىم مەكەمەسى ماماندارىنىڭ باعالاۋىنان، تەكسەرىپ وتكىزىپ الۋىنان ءوتتى، قازىر بەكىتۋگە جولداۋ، قۇرۋ كەزەڭىنە ءساتتى قادام تاستادى» دەدى دۇڭيىڭ قالالىق پارتكومنىڭ شۋجيى ياڭ گوچياڭ.
حۋاڭحى ساعاسى مەملەكەتتىك باقشاسىن قۇرۋدى باستاماشى ەتىپ، حۋاڭحى اتىراۋىنىڭ ەكولوگياسىن قورعاۋ جانە قالپىنا كەلتىرۋ تەبىنىن ۇزدىكسىز ارتتىردى. دۇڭيىڭ قالاسى جۇيەلى كوزقاراس، ەكولوگيالىق ءادىس ارقىلى سازدىق ەكولوگياسىن قالپىنا كەلتىرۋ، گۇل، كۇرىش، ءشوپتى جونگە سالۋ جانە سيرەك كەزدەسەتىن، تۇقىمى قۇرۋعا تاياعان قۇستاردىڭ تىرشىلىك ورتاسىن قورعاۋ سياقتى ينجەنەريالاردى ويداعىداي اتقارىپ، ءار تۇردەگى 159 مىڭ مۋ سازدىقتى قالپىنا كەلتىرىپ، 72 مىڭ 500 مۋ جەردى سازدىققا، قايراڭعا قايتارۋ مىندەتىن ورىنداپ، حۋاڭحى وزەنى اتىراۋىنىڭ ەكولوگيالىق يقۋاتى مەن ورگانيزمدەردىڭ الۋان تۇرلىلىگىن جاپپاي جوعارىلاتتى.
«سۋ حاۋىپسىزدىگى − حۋاڭحى وزەنى الابىنداعى ەڭ ۇلكەن ‹ۇر ءمۇيىز تۇمسىق›». 2021 - جىلى 10 - ايدىڭ 22 - كۇنى باس شۋجي شي جينپيڭ جيناندا حۋاڭحى وزەنى الابىنىڭ ەكولوگياسىن قورعاۋ جانە ساپالى دامۋىن ىشكەرىلەي ىلگەرىلەتۋ جونىندەگى اڭگىمە ءماجىلىسىن باسقارىپ اشقاندا مىنالاردى دارىپتەدى: «سۋ جاعدايىنا قاراي ءتورتتى تۇراقتاندىرۋ» پرينسيبىن جان - جاقتى دايەكتىلەندىرىپ، «قانشا سۋ بولسا سونشا موما شىلاپ»، سۋ بايلىعىن قۇنتتى ەسەپتەپ ويداعىداي پايدالانىپ، سۋ بايلىعىن ەڭ قاجەتتى ورىنعا پايدالانۋ كەرەك.
سۋ جاعدايىنا قاراي ءىس جۇرگىزىپ، سۋ ۇنەمدەۋدى الدىڭعى ورىنعا قويدى. شاندۇڭ ولكەسى سۋ بايلىعىن باسقارۋدىڭ ەڭ قاتاڭ ءتۇزىمىن تياناقتاندىرىپ، سۋ بايلىعىنىڭ سارىپ بولۋ جالپى مولشەرى مەن كۇشەمەلىلىگىن بىردەي تىزگىندەۋدى كۇشەيتىپ، اۋىل شارۋاشىلىعىندا سۋ ۇنەمدەپ، ونىمدىلىكتى ارتتىرۋدى، ونەركاسىپتە سۋ ۇنەمدەپ، بىلعانىش شىعارۋدى ازايتۋدى، قالا - قالاشىقتا سۋ ۇنەمدەپ، زياندى ازايتۋدى ۇزدىكسىز ىلگەرىلەتتى. 2021 - جىلى شاندۇڭ ولكەسىنىڭ 10 مىڭ يۋاندىق ىشكى ءوندىرىس جالپى ءونىم قۇنىنا پايدالانىلاتىن سۋ مولشەرى 25.29 تەكشەمەتر، 10 مىڭ يۋاندىق ونەركاسىپتىڭ ارتقان قۇنىنا پايدالانىلاتىن سۋ مولشەرى 11.98 تەكشەمەتر بولىپ، 2020 - جىلداعىدان جەكە - جەكە %12.77، %5.78 تومەندەگەن.
جاپپاي قورعاۋدى بىرگە ويداعىداي يگەرىپ، جاپپاي جونگە سالۋدى سايكەستى ىلگەرىلەتتى. شاندۇڭداعى قالىڭ كادر - جۇرتشىلىق باس شۋجيدىڭ تاپسىرىعىن ەستە بەرىك ساقتاپ، حۋاڭحى وزەنىنىڭ نەگىزگى اعارى وتەتىن 9 قالا، 18 اۋداندا ەكولوگيانى قورعاۋ تولەم كەلىسىمىنە جاپپاي قول قويىپ، بۇكىل ەل بويىنشا اۋدان ارالىق اعارلارعا ەندىك ەكولوگيالىق تولەم بەرۋدىڭ تولىق قامتۋىن الدىمەن جۇزەگە اسىردى؛ حىنان ولكەسىمەن حۋاڭحى وزەنى الابىنىڭ (حىنان - شاندۇڭ بولەگى) ەندىك ەكولوگيانى قورعاۋ تولەم كەلىسىمىنە قول قويىپ، حۋاڭحى وزەنى الابىنىڭ ولكە ارالىق ەندىك ەكولوگيالىق تولەم بەرۋ مەحانيزمىن الدىمەن ورناتتى؛ حۋاڭحى ءوڭىرىن، وزەن - كولدەردى ءتۇيىن ەتىپ، لاستانۋدى جونگە سالۋدى ءبىر تۇلعاعا اينالدىرۋدى ىشكەرىلەي ىلگەرىلەتىپ، اشىق اسپان، تۇنىق سۋ، تازا توپىراقتى قورعاۋ شايقاسىن باتىل جۇرگىزدى ... شاندۇڭ قورعاۋ مەن جونگە سالۋدىڭ جۇيەلىلىگىنە، تۇتاس تۇلعالىعىنا، سايكەسىمدىلىگىنە ءتىپتى دە ءمان بەردى. 2021 – جىلى شاندۇڭداعى PM2.5 تىڭ جىلدىق ورتاشا قويۋلىعى ءۇرتىس 2 جىل %10 تەن استام تومەندەپ، جەر بەتى سۋىنىڭ مەملەكەتتىك قيما بەت تەكسەرۋىندە 5 تۇردەگى سۋ جالپى بەتتىك تاريحي الاستالدى.
بيىل 2 - ايدا شاندۇڭ ولكەلىك پارتكوم مەن ولكەلىك ۇكىمەت باسىپ تاراتقان «شاندۇڭ ولكەسىنىڭ حۋاڭحى وزەنى الابىنىڭ ەكولوگياسىن قورعاۋ جانە ساپالى دامىتۋ جوباسىندا»: «حۋاڭحى وزەنى الابىندا سايكەسە سەلبەسۋدى، سايكەستى دامۋىن ىلگەرىلەتىپ، شاندۇڭنىڭ جاۋاپكەرلىگىن ايگىلەپ، شاندۇڭنىڭ كۇشىن ارناۋ» ورتاعا قويىلدى. تاياۋ جىلداردان بەرى حۋاڭحى وزەنىنىڭ سۋ ساپاسى كورنەكتى جاقساردى ءارى Ⅱ ءتۇر بويىنشا ورنىقتى؛ سونىمەن بىرگە، ۋىلدىرىق شاشاتىن شاباق بالىقتىڭ تىعىزدىعى ءار تەكشە مەترىنە 3.8 دەن 10.8 گە كوبەيدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
