بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

كوپ ەلدە دەڭگى قىزباسى اۋرۋى بايقالدى، ساق بولايىق!

2022.06.10 16:03     كەلۋ قاينارى : حالىق تورابى

  جۋىردا سان – تومە جانە پرينسيپي، برازيليا، فيليپپين، سينگاپۋر، ۆيەتنام، بيرما، مالايزيا قاتارلى ەلدەردە دەنگە قىزباسى اۋرۋى بايقالدى، كەدەن باس مەكەمەسى جۋىردا ەڭ جاڭا ەسكەرتۋ جاريالادى: دەڭگى قىزباسى اۋرۋىنىڭ تارالۋىنان ساق بولايىق.

  دەڭگى قىزباسى دەنگە ۆيرۋسىنان تۋىلاتىن، ماسا ارقىلى تارالاتىن شۇعىل حاراكتەرلى اۋرۋ، باستىسى ەگيپەت شىبار ماساسى نەمەسە اق جولاقتى شىبار ماسانىڭ شاعۋى ارقىلى تارالادى، كلينيكالىق بەلگىسى — شۇعىل سىرقاتتانۋ، دارەجەسى جەڭىل دارەجەدە قىزۋدان، قاتتى قىزۋعا دەيىن تۇرلىشە دارەجەدە بولادى، سونىمەن بىرگە، سالماقتى باس اۋرۋ، بۇلشىق ەت پەن بۋىن اۋرۋ جانە بورتكەن شىعۋ، بەتتىڭ، مويىننىڭ كەۋدە ءبولىمىنىڭ كۇرەڭىتۋى قوسانجارلايدى، اۋىر بولعاندا ەستەن تانۋ نەمەسە باسقا ماڭىزدى ىشكى مۇشەلەردىڭ زاقىمدالۋى سەبەبىنەن قازا بولۋ جاعدايى تۋىلۋى مۇمكىن.

  سوندىقتان، ورنالاستىرۋعا ساي، ءارقايسى كەدەندەر جوعارىداعى ەلدەردەن (رايونداردان) كەلگەن ادامدارعا كارانتيندەۋ مەن تەكسەرۋدى كۇشەيتۋى، قالىپسىز جاعداي بايقالعانى جونىندە مالىمەت بەرىلگەن قاتىناس قۇرالدارىن ءتۇيىندى تۇردە تەكسەرۋى، ماسانى جويۋعا قاتىستى كۇشىنە يە ىسپات كورسەتە الماعان ۇشاقتارعا بايلانىستى، تيجاراتشى ورىنداردان بەلگىلەمە بويىنشا جاندىكتەردى الاستاۋ تارتىپتەرىن ورىنداۋدى تالاپ ەتۋى، دەڭگى قىزباسى اۋرۋى بايقالعان كەمەلەر جاندىكتەردى الاستاۋ ءتارتىبىن ورىنداپ بولۋدان بۇرىن، قۇرلىقتان نەمەسە باسقا كەمەلەردەن 400 مەتردەن استام ارالىق ساقتاۋدى تالاپ ەتۋى كەرەك.

  مۇنان سىرت، جوعارىداعى ەلدەردەن (رايونداردان) كەلگەن كەمە، جۇك قورابى، زات، جۇك، پوچتالىق جولداما، جەدەل جولداما قاتارلىلاردىڭ تازالىعىن تەكسەرۋ، كارانتيندەۋ بارىسىندا، كەدەن باس مەكەمەسى ماسا - شىركەي بار ەكەنىن بايقاسا، ءسوزسىز، بەلگىلەمەگە ساي جاندىكتەردى الاستاۋ ءتارتىبىن ورىنداۋىن تالاپ ەتۋى جانە قاتاڭ باقىلاۋى، سونىمەن بىرگە، وتكەل اۋماعىندا ماسا تەكتەستەردى تەكسەرۋ - باقىلاۋ قىزمەتىن ورىستەتۋى، ءارقايسى وتكەلدەردەگى تيجاراتشى ورىنداردىڭ ماسا ءوسىپ - ءوربيتىن شارت – جاعدايدى الاستاۋىن قاداعالاۋى جانە وعان جەتەكشىلىك ەتۋى كەرەك.

  مۇنان سىرت، كەدەن باس مەكەمەسى شەكارادان كىرىپ – شىعۋشىلاردان حاۋىپ – قاتەردەن ساقتانۋ تانىمىن ارتتىرۋدى، ماسا تەكتەستەردىڭ شاعۋىنان ساقتانۋعا كوڭىل ءبولىپ، جەكەلىك ساقتىقتى ويداعىداي ىستەۋدى تالاپ ەتتى؛ شەكارادان كىرىپ – شىعۋ ساپارى بارىسىندا، ەگەر قىزۋى ورلەۋ، باسى اۋرۋ، بۇلشىق ەت جانە بۋىن اۋرۋ، بورتكەن شىعۋ قاتارلى اۋرۋ بەلگىلەرى بايقالسا، قاتىناس قۇرالىنداعى قىزمەتكەرگە دەر كەزىندە ايتۋى قاجەت؛ دەنساۋلىق جاعدايىن مالىمدەگەن كەزدە، كەدەنگە شىنايى جاعدايدى ايتۋى، كەدەندەگى دەنساۋلىق تەكسەرۋ، كارەنتيندەۋ قىزمەتكەرلەرىنىڭ كارانتيندەۋىنە، تەكسەرۋىنە قولايلىلىق جاراتۋى، جولاۋشىلاردىڭ دەر كەزىندە ەمدەلۋىنە كومەگىن تيگىزۋى قاجەت.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار