شي جينپيڭ نيرەرە باسشىلىق قابىلەتى شۋەيۋانىنىڭ وڭتۇستىك افريكاداعى 6 ەتەنە پارتيا ورتا جاس، جاس كادرلار زەرتتەۋ - تالقى كلاسىنداعى بارلىق كۋرسانتقا جاۋاپ حات جازدى
2022.06.10 16:41 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 9 - كۇنى، بەيجيڭ. ج ك پ ورتالىق كوميتەتىنىڭ باس شۋجيى شي جينپيڭ 6 - ايدىڭ 8 - كۇنى نيرەرە باسشىلىق قابىلەتى شۋەيۋانىنىڭ وڭتۇستىك افريكاداعى 6 ەتەنە پارتيا ورتا جاس، جاس كادرلار زەرتتەۋ - تالقى كلاسىنداعى بارلىق كۋرسانتقا جاۋاپ حات جازدى.
شي جينپيڭ مىنانى ءبىلدىردى: نيرەرە باسشىلىق قابىلەتى شۋەيۋانىنىڭ وڭتۇستىك افريكاداعى 6 ەتەنە پارتيا ورتا جاس، جاس كادرلار زەرتتەۋ - تالقى كلاسىنىڭ ءساتتى وتكىزىلگەنىن ءبىلدىم، سىزدەر جاڭا داۋىردەگى بيلىكتى پارتيا مەملەكەتكە باسشىلىق ەتىپ، قانداي دامۋدى جۇزەگە اسىرۋى كەرەك، دامۋدى قالاي جۇزەگە اسىرۋ كەرەك دەگەن كەلەلى تاقىرىپتى ارقاۋ ەتىپ، ىشكەرىلەي اۋىس - كۇيىس جاساپ، زەرتتەۋ - تالقى جۇرگىزىپ، ءوزارا ۇيرەنىپ، ءوزارا ۇلگى الىپ، بىرگە العا باسىپسىزدار، مەن بۇعان ءدان ريزامىن.
شي جينپيڭ بىلاي دەپ اتاپ كورسەتتى: مەملەكەتتىڭ دامۋىن، ۇلتتىڭ گۇلدەنۋىن، حالىقتىڭ باقىتىن جۇزەگە اسىرۋ ۇرپاقتان - ۇرپاققا جالعاسقان كۇرەستى قاجەت ەتەدى. ءتىپتى دە كوركەم دۇنيە قۇرۋ ءار ەلدىڭ اۋىس - كۇيىس جاساپ، ءوزارا ۇلگى الۋىن قاجەت ەتەدى. سىزدەر ءداۋىردىڭ العا باسۋىنىڭ اتويشىسى، ۇلتتىڭ گۇلدەنۋىنىڭ تىرەگى بولۋعا بەل بايلادىڭىزدار، مىنە بۇل − نيرەرە باسشىلىق قابىلەتى شۋەيۋانىن قۇرۋداعى العاشقى ماقسات. جاستىق كوكتەم قاشان دا ارمانمەن ساپارلاس بولادى. سىزدەردىڭ ۇيرەنگەندى كادەگە جاراتىپ، مىعىم نەگىز قالاپ، ۇلتتىڭ گۇلدەنۋى مەن افريكانىڭ گۇلدەنۋى ارمانىن جۇزەگە اسىرۋ ساپارىندا جاستىق ورالدى جالىنداتىپ، ارمان جولىندا بيىككە قانات قاعۋلارىڭىزدى ءۇمىت ەتەمىن. شي جينپيڭ بىلاي دەپ دارىپتەدى: جۇڭگو مەن افريكا − قۋانىش - قايعىسى ءبىر تاعدىرلاس ورتاق تۇلعا، جۇڭگو - افريكا حالىقتارىنىڭ ۇزاق ۋاقىتتىق دوستىعىنىڭ ءۇمىتى جاس ۇرپاقتارعا جۇكتەلدى. سىزدەردىڭ ءداۋىر جۇكتەگەن مىندەت پەن بورىشتى سانالى تۇردە ارقالاپ، جۇڭگو - افريكا دوستىق ىستەرىنە بەلسەنە ات سالىسىپ، جۇڭگو - افريكا دوستىق سەلبەستىك رۋحىنا مۇراگەرلىك ەتىپ جانە ونى ساۋلەلەندىرىپ، جوعارى دەڭگەيدەگى جۇڭگو - افريكا تاعدىرلاس ورتاق تۇلعاسىن قۇرۋعا جاستىق كوكتەمدەرىڭىزدى ارناۋلارىڭىزدى ءۇمىت ەتەمىن.
تاياۋدا نيرەرە باسشىلىق قابىلەتى شۋەيۋانىنىڭ وڭتۇستىك افريكاداعى 6 ەتەنە پارتيا ورتا جاس، جاس كادرلار زەرتتەۋ - تالقى كلاسى تانزانيادا وتكىزىلدى. زەرتتەۋ - تالقى كلاسى «جاڭا ءداۋىر، جاڭا دامۋ: جۇڭگو كوممۋنيستىك پارتياسى مەن وڭتۇستىك افريكاداعى 6 ەتەنە پارتيانىڭ ىزدەنىسى مەن اۋىس – كۇيىسىن» نەگىزگى تاقىرىپ ەتىپ، وڭتۇستىك افريكاداعى 6 ەتەنە پارتيادان كەلگەن 120 ورتا جاس، جاس كادر قاتىناستى. زەرتتەۋ - تالقى كلاسى اياقتالۋ قارساڭىندا بارلىق كۋرسانت بىرلەسىپ باس شۋجي شي جينپيڭگە حات جولداپ، جۇڭگو - افريكا دوستىعىن جالعاستىرۋ، جۇڭگو - افريكا سەلبەستىگىن تەرەڭدەتۋ بەرىك بەكىمىن ءبىلدىردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
