ياركەن وزەنى زاڭگۇي سۋ ەلەكتر ستانسياسىنىڭ تۇڭعىش اگراتتار شوعىرىنىڭ روتورى ءساتتى قۇراستىرىلدى
2022.06.10 16:52 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى حان چين - يان 6 - ايدىڭ 8 - كۇنى ياركەننەن حابارلايدى. ”ياركەن وزەنى زاڭگۇي سۋ ەلەكتر ستانسياسىنىڭ سۋ جىبەرۋ جۇيەسى، قىسىمدى باسەيتۋ كولشىگى جانە ەلەكتر ستانسياسىنىڭ زاۆود ۇيلەرى تۇلعالىق قۇرىلىسىنىڭ قۇرىلىس جۇمىسى نەگىزىنەن اياقتالىپ، تۇلعالىق ەلەكتر ستانسياسى 1 - ءنومىرلى اگراگاتتار شوعىرىنىڭ روتورى دا قۇراستىرىلىپ بولدى“. 6 - ايدىڭ 8 - كۇنى شينجياڭ شينحۋا زاڭگۇي سۋ ەلەكترى اشۋ شەكتى سەرىكتەستىگىنىڭ ورىنباسار باس ديرەكتورى ۋاڭ جىحۋا بىلاي دەدى: ”ياركەن وزەنى زاڭگۇي سۋ ەلەكتر ستانسياسى نەگىزگى ەلەكتر ستانسياسىنىڭ تۇڭعىش اگراگاتتار شوعىرىنىڭ روتورى ءساتتى قۇراستىرىلىپ، كەيىنگى ەلەكتر تاراتۋ قىزمەتىنە بەرىك نەگىز قالادى“.
ياركەن وزەنى زاڭگۇي سۋ ەلەكتر ستانسياسى ينجەنەرياسى اۆتونوميالى رايوننىڭ ءتۇيىندى سۋ يگىلىگى نىسانى، ماڭىزدى تازا ەنەرگيا قاينارى ينجەنەرياسى ءارى جۇڭحى توبىنىڭ تۇڭعىش تازا ەنەرگيا قاينارى ارقىلى شينجياڭعا كومەكتەسۋ نىسانى، ەل ىشىندە كەزەكتە سالىنىپ جاتقان ەڭ ءىرى ديناميكالىق ەلەكتر تاراتاتىن سۋ باستاۋ توعانى. نىسانعا جالپى ءبىر ميلليارد 791 ميلليون يۋان قارجى قوسىلدى.
زاڭگۇي سۋ ەلەكتر ستانسياسى ياركەن اۋدانى قوشىراپ اۋىلى شەكاراسى ىشىندەگى ياركەن وزەنى نەگىزگى اعىنىنىڭ تاۋلى وڭىردەگى اياققى بولەگىنە ورنالاسقان، سۋ باستاۋ ۇلگىسىندەگى ەلەكتر ستانسياسى، ونىڭ جوعارعى اعارىندا ارتاش سۋ يگىلىگى تورابى، تومەنگى اعارىندا شامسال سۋ ەلەكتر ستانسياسى بار. سۋ قويماسىنىڭ قالىپتى سۋ ساقتاۋ دەڭگەيى 1611 مەتر، سايكەستى سيىمدىلىعى 16 ميلليون 561 مىڭ تەكشەمەتر، رەتتەۋ سيىمدىلىعى 6 ميلليون 110 مىڭ تەكشەمەتر، ەلەكتر ستانسياسىنداعى جالپى گەنەراتورلاردىڭ سيىمدىلىعى 185 مەگاۆات، كوپ جىلدىق ورتاشا ەلەكتر تاراتۋ مولشەرى 565 ميلليون 300 مىڭ كيلوۆات ساعات.
زاڭگۇي سۋ ەلەكتر ستانسياسى 2019 - جىلى قۇرىلىس باستاعاننان بەرى، جيىنى ءبىر ميلليارد 357 ميلليون يۋان قارجى قوسىلدى. جۇڭگو سۋ يگىلىگى - سۋ ەلەكترى 11 - ينجەنەريا مەكەمەسى شەكتى سەرىكتەستىگى ىندەتتەن ساقتانۋ - تىزگىندەۋ قىزمەتىن بەلسەنە ويداعىداي ىستەۋمەن بىرگە، نىساننىڭ اياق الىسىنىڭ جوسپار بويىنشا جۇرگىزىلۋىن ءتارتىپتى ىلگەرىلەتتى.
”قازىر قۇرىلىس ينجەنەرياسى نەگىزىنەن اياقتالىپ، اگراگاتتار شوعىرىن ورناتۋ قىزمەتىنە جالپى بەتتىك ويىستىق“، - دەدى ۋاڭ جىحۋا، - ”مەجەلەۋىمىزشە، بيىل 7 - ايدا نەگىزگى ەلەكتر ستانسياسىنىڭ تۇڭعىش اگراگاتتار شوعىرى تورعا جالعانىپ ەلەكتر تاراتادى، جىل اياعىندا 4 اگراگات شوعىرى بۇكىلدەي وندىرىسكە قوسىلىپ ەلەكتر تاراتادى. نىسان وندىرىسكە قوسىلعاننان كەيىن، جىلىنا ەلەكتر تورابىن 565 ميلليون كيلوۆات ساعاتتىق تازا ەنەرگيامەن قامداپ، 228 مىڭ 300 توننا ولشەمدى كومىر ۇنەمدەپ، 12 مىڭ 500 توننا كومىر قىشقىل گازىنىڭ شىعارىلۋىن ازايتىپ، وڭتۇستىك شينجياڭ ءوڭىرىنىڭ ەلەكتر جەتىسپەۋ جاعدايىن ءونىمدى باسەيتەدى“.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
