جاڭ ليڭشۋە:
وتان قاجەت ەتكەن جەر تۇگەلدەي مەنىڭ مەكەنىم
انار بۇلت \ شينجياڭ گازەتىنىڭ ءتىلشىسى جاڭ تيڭ
2022.06.10 16:53 كەلۋ قاينارى : شينجياڭ گازەتى
ونىڭ ەسىمى جاڭ ليڭشۋە، مىنەزى اشىق - جارقىن، كەلبەتى ادەمى، داۋىسى جاعىمدى.
2020 - جىلى 8 - ايدا داليان كوركەمونەر شۋەيۋانىنىڭ مۋزيكا كاسىبىن بىتىرگەن جاڭ ليڭشۋە قابا اۋدانىنا اتتانىپ، باتىس بولىك جوسپارىنىڭ ەرىكتىسىنە اينالدى.
ۋاقىت ەسكەن جەلدەي وتە شىقتى، بۇگىنگى كۇندە جاڭ ليڭشۋە قابا اۋدانىندا باتىس بولىك جوسپارى بويىنشا ەرىكتى قىزمەت وتەگەنىنە 2 جىلعا جۋىق ۋاقىت بولدى، اتتانار الدىنداعى سول ءبىر ساتتەر ونىڭ جادىندا ايدان ايقىن ساقتاۋلى.
”جاڭ ليڭشۋە، باتىس بولىككە ەرىكتى قىزمەت وتەۋگە بارۋعا بەكىندىڭ بە“؟ جەتەكشىسى جىبەرگەن كەلتەحاتتى تاپسىرىپ العاندا، ول وتە اسەرلى سەزىممەن: ”سولاي، ۇيىمنىڭ وسى ورايدى ماعان بەرۋىن وتىنەمىن“! دەپ جاۋاپ قايتاردى باتىل بەكىممەن. 5 - ايدىڭ 30 - كۇنى، وتكەندى ەسكە العان جاڭ ليڭشۋە اسەرلى سەزىممەن ءدال وسى ورايدىڭ ءومىرىن اناعۇرلىم باي مازمۇندى ەتكەنىن ايتتى.
تەز ارادا جاڭ ليڭشۋە قابا اۋداندىق مادەنيەت، دەنە تاربيە، راديو - تەلەۆيزيا جانە ساياحات مەكەمەسىنە ءبولىندى. كۇندەلىكتى قىزمەتىن تىڭعىلىقتى ىستەۋدەن تىس، ول تاعى مادەنيەت ۇگىتتەۋ، جۇرگىزۋشى، ءتۇسىندىرۋشى، بەينە كەسكىن ءتۇسىرۋشى، جاساۋشى سياقتى قىزمەتتەردى قوسىمشا ىستەدى.
”2 جىلعا جۋىق ۋاقىتتا مەن سويلەۋدەن جاسقاناتىن ادامنان باتىلدىقپەن سويلەيتىن ادامعا، ىستەي الماۋدان تىنباي ۇيرەنەتىن ادامعا اينالدىم، قازىرگى كەزدەگى مەن ەندى عانا مەكتەپ تاۋىسقان سول ءبىر بالعىن ستۋدەنت ەمەسپىن، نەگىزگى ساتىداعى قىزمەت مەنى شىڭادى، ماعان قابىلەت سيلادى، ءوزىمنىڭ جاستىق كوكتەمىم ارقىلى وزگەشە ءومىر سيمفونياسىن جازا الدىم، مەن جونىنەن بۇل وتە قۇندى، وتە ءماندى“، - دەدى جاڭ ليڭشۋە.
قىزمەتكە ەندى عانا قاتىناسقان كەزىندە ول ءوزىنىڭ كاسىپتىك قابىلەتىنىڭ جەتەرسىز ەكەنىن سەزىنىپ، كۇندەلىكتى قىزمەتتەن تىس ۋاقىتتا ۋاقىتتى مىقتى يگەرە وتىرىپ ۇيرەنىپ، ينفورماتسيانى قالاي جازۋ، سۋرەتتى قالاي رەداكسيالاۋ، بەينە كەسكىندى قالاي جاساۋ جونىندە ىزدەنىس جاساپ، ۇڭىلە زەرتتەدى؛ ءتۇرلى قيمىلدار مەن الاڭداردا جۇرگىزۋشى جانە ءتۇسىندىرۋشى مىندەتىن ۇستىنە العاندا، ول قاعازدا نە جازىلسا سونى وقىپ بەرۋدەن جاعدايعا قاراي بەيىمدەلۋدى بەلسەنە ۇيرەندى... ونىڭ جاۋاپكەرشىلىگى كۇشتى، داندايسىمايتىن ءارى ۇشقالاقتىققا سالىنبايتىن مىنەز - قۇلقى قىزمەتتەستەرىنىڭ ءبىر تۇتاس جاقسى باعاسىنا يە بولدى.
”تۇرلىشە قىزمەت ورنىندا تۇرلىشە قىزمەتپەن اينالىسۋ مەن جونىنەن جاقسى شىنىعۋ بولىپ قانا قويماي، شينجياڭدى ونان ارى تۇسىنۋىمە، شينجياڭدى سۇيۋىمە، ءوزىمنىڭ باتىس بولىك جوسپارىنىڭ ەرىكتىسى بولۋداعى قۇن مەن ءماندى ءتىپتى تەرەڭ تۇسىنۋىمە مۇمكىندىك جاسالدى“، - دەدى جاڭ ليڭشۋە.
قازىرگە دەيىن ول قابا اۋداندىق مادەنيەت سارايىنىڭ مەملەكەتتىك 5 - رەتكى مادەنيەت سارايىن ساراپتاۋ، دارەجەسىن تۇراقتاندىرۋ قىزمەتىن ورىنداۋىنا كومەكتەستى؛ ىلگەرىندى - كەيىندى قابا اۋداندىق مادەنيەت، دەنە تاربيە، راديو - تەلەۆيزيا جانە ساياحات مەكەمەسىنىڭ ساياحات كاسىپ سالاسىن دامىتۋ كەڭسەسىنە ىلەسىپ 3 رەت ساياحات كاسىبى بويىنشا تاربيەلەۋ كۋرسىنا قاتىناستى؛ ءتۇرلى قيمىلداردا 20 نەشە رەت جۇرگىزۋشى، ءتۇسىندىرۋشى مىندەتىن وتەدى.
”جاڭا ءداۋىر جاستارى رەتىندە، مەن شامامنىڭ جەتىسىنشە ءىس جۇزىندىك ارەكەتىممەن ’جاستار جالىندى بولسا، كەز كەلگەن جەردە بەلىن بۋار، وتان قاجەت ەتكەن جەر، تۇگەلدەي مەكەنىم بولار‘ دەگەن ايبىندى سەرتتى امالياتتا ايگىلەيمىن“ دەگەن جاڭ ليڭشۋەنىڭ ءسوزى اۋەلگىدەي ەكپىندى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
