ايتارىن جازىپ قالدىرۋ تاقتاسى اشىلعان ءبىر ايدا
بۇقارانىڭ ”شۇعىل، قيىن، ۋايىمداعان، ءزارۋ“ ماسەلەلەرىن دەن قويا، شىنايى سۇيىسپەنشىلىكپەن شەشتى
انار بۇلت / شينجياڭ گازەتىنىڭ ءتىلشىسى حۋ دامين
2022.06.10 16:54 كەلۋ قاينارى : شينجياڭ گازەتى
6 - ايدىڭ 9 - كۇنى ”انار بۇلت 12345 كەڭەس سۇراۋ“ ايتارىن جازىپ قالدىرۋ تاقتاسىنىڭ ينتەرنەت جەلىسىنە شىعارىلعانىنا ءبىر اي تولادى. 6 - ايدىڭ 8 - كۇنى ساعات 21گە دەيىن ايتارىن جازىپ قالدىرۋ تاقتاسى بۇكىل شينجياڭنىڭ جەر - جەرىندەگى توراپتاستار قالدىرعان جيىنى 4290 لەبىزدى تاپسىرىپ الىپ، بىتىرۋگە تاپسىرۋ، انار بۇلت \ شينجياڭ گازەتى تىلشىلەرىنىڭ قاتىستى تاراۋلارمەن بايلانىس جاساۋى، ورىنداردىڭ جاۋاپ قايتارۋى، تىلشىلەردىڭ قاداعالاۋى سياقتى كوپ ءتۇرلى ءتاسىل ارقىلى توراپكەرلەر اڭىس ەتكەن ءبىر توپ ”شۇعىل، قيىن، ۋايىمداعان، ءزارۋ“ ماسەلەلەردىڭ شەشىم تابۋىن جەبەدى.
ءبىر ايدان بەرى توراپكەرلەردىڭ ”انار بۇلت 12345 كەڭەس سۇراۋ“ ايتارىن جازىپ قالدىرۋ تاقتاسىندا قالدىرعان لەبىزدەرى بۇكىل شينجياڭنىڭ ايماق، وبلىس، قالالارىن جانە شينجياڭ ءوندىرىس - قۇرىلىس بيڭتۋانىن قامتىدى، مازمۇنى ءۇي - مۇلىك ساۋداسى، قوجالىق قىزمەت وتەۋ، قاتىناس، ءجۇرىس - تۇرىس، قالا نەگىزدىك قۇرىلعىلارى قۇرىلىسى، ەمدەۋ قوعامدىق قامسىزداندىرۋ، ەڭبەكاقى، زات باعاسى، اۋرۋ كورسەتۋ، وقۋ، كۇندەلىكتى تۇتىنۋ، نەگىزگى ساتىنىڭ اۋىرتپالىعىن جەڭىلدەتۋ سياقتى سالالارداعى ارىز - شاعىم، كومەك سۇراۋ، ۇسىنىس، كەڭەس سۇراۋ قاتارلىلارعا سايدى.
”انار بۇلت 12345 كەڭەس سۇراۋ“ ايتارىن جازىپ قالدىرۋ تاقتاسىنىڭ رەداكتورى توراپكەرلەردىڭ قالدىرعان لەبىزدەرىن دەر كەزىندە سالالادى ءارى لەبىزدەرىن اۆتونوميالى رايوندىق ۇكىمەتتىك قىزمەت وتەۋ جانە الەۋمەتتىك بايلىق ساۋدا ورتالىعىنا (اۆتونوميالى رايوننىڭ ”12345“ ۇكىمەتتىك قىزمەت وتەۋ حالىققا قولايلى ىستىق لەنياسى) وتكىزىپ، ”12345“ لەنياسى قاتىستى لەبىزدەردى تومەنگە جىبەرىپ، قاتىستى تاراۋلار ءبىر جاقتى ەتتى. سونىمەن بىرگە، انار بۇلت \ شينجياڭ گازەتىنىڭ تىلشىلەرى قاتىستى تاراۋلارمەن، ورىندارمەن بەلسەنە بايلانىس جاساپ، توراپكەرلەردىڭ سۇراۋىنا جاۋاپ قايتاردى. قولامتالى تاقىرىپتار مەن توراپكەرلەر ءبىرشاما نازار اۋدارىپ وتىرعان ارىز - شاعىمدارعا، ۇسىنىستارعا قاراتا، انار بۇلت \ شينجياڭ گازەتىنىڭ تىلشىلەرى سول ورىنعا بارىپ ىزىنە ءتۇسىپ حابارلادى.
كوپ ءتۇرلى فورمامەن ىلگەرىلەتۋ ارقىلى توراپكەرلەر اڭىس ەتكەن ءىشىنارا قولامتالى ارىز - شاعىمدار، ۇسىنىستار تياناقتاندى جانە شەشىم تاپتى. سانجى قالاسىنداعى ءبىر توراپكەر ايتارىن جازىپ قالدىرۋ تاقتاسىندا چاڭنيڭ وڭتۇستىك جولى حۋا - ىرزى مۋزيكا سارايى الەۋمەتتىك اۆتوبۋز بەكەتىنىڭ ماڭىندا قىزىل - جاسىل شىراق جوق ەكەندىگىن، تۇرعىنداردىڭ، وقۋشىلاردىڭ جولدان ءوتۋى توتەنشە قاتەرلى ەكەندىگىن اڭىس ەتەدى. وسى لەبىزدەن حابار تاپقاننان كەيىن سانجى قالالىق قوعام حاۋىپسىزدىگى قاتىناس باسقارۋ تاراۋى ساقشىلاردى ارناۋلى ورنالاستىرىپ، تۇراقتى ورىندا قىزمەت اتقارۋ مەن شارلاپ قىزمەت اتقارۋدى ۇشتاستىرۋ ءتاسىلىن قولدانىپ، وسى جول بولەگىندە موتورلى كولىكتەردىڭ زاڭعا قايشىلىق جاساۋىن جونگە سالۋدى ۇدايلاندىرا ورىستەتتى. ءۇرىمجى قالاسىنداعى توراپكەر ايتارىن جازىپ قالدىرۋ تاقتاسىندا ءماجىلىس - كورمە اۋماعىنداعى كوپتەگەن جولداردا اعاش ەگىلمەگەندىگىن، جازدا شاڭ - توزاڭ كوپ، جاڭبىردان كەيىن لاي - باتپاق بولاتىندىعىن اڭىس ەتەدى، انار بۇلت \ شينجياڭ گازەتىنىڭ تىلشىلەرى وسى ينفورماتسيانى شۇيموگوۋ رايونىنداعى قاتىستى تاراۋلارعا اڭىس ەتكەننەن كەيىن، شۇيموگوۋ رايونى جۋىقتا ءماجىلىس - كورمە رايونىنداعى 8 جولدا 151 مىڭ ءتۇپ اعاش، بۇتا - بۇرگەن ەگەدى.
توراپكەرلەردى ”انار بۇلت 12345 كەڭەس سۇراۋ“ ايتارىن جازىپ قالدىرۋ تاقتاسىندا لەبىز جازىپ قالدىرۋعا شابىتتاندىرۋ، توراپكەرلەردىڭ جازىپ قالدىرعان لەبىزدەرىنە مۇنان دا كوپ تاراۋلاردىڭ، ورىنداردىڭ ءمان بەرۋىنە مۇمكىندىك جاساۋ، ماسەلەنىڭ شەشىم تابۋىن ىلگەرىلەتۋ ءۇشىن، ايتارىن جازىپ قالدىرۋ تاقتاسى ىسكە قوسىلعاننان بەرى ”24 × 7 ساعات ءسىزدىڭ ’شۇعىل، قيىن، ۋايىمداعان، ءزارۋ‘ ماسەلەڭىزگە قۇلاق تۇرەمىز“ قىزمەت ۇلگىسىن ساقتادى ءارى تۇتاس تۇعىردا ايتارىن جازىپ قالدىرۋ تاقتاسىنا قاتىستى ءتۇرلى حابارلاردى شىعارىپ، ايتارىن جازىپ قالدىرۋ تاقتاسىنىڭ باۋرامدىلىعى مەن سونىلىعىن ساقتادى. مۇنان سىرت، ايتارىن جازىپ قالدىرۋ تاقتاسىنىڭ كىرۋ تەتىگى انار بۇلت كليەنتىنىڭ باسقى بەتىنىڭ كورنەكتى ورنىنا قۇرىلدى، تيانشان سايتى، شينجياڭ گازەتى ۋيشينى، ەڭ سوڭعى ءبىر كيلومەتر ۋيشينى، تيانشان سايتى ميكروبلوگى، ۋيشينى سياقتى پورتتارىندا ەنگىزۋ ەسىگىن ورناتىپ، ”انار بۇلت 12345 كەڭەس سۇراۋ“ ايتارىن جازىپ قالدىرۋ تاقتاسىنىڭ ىقپال كۇشى مەن تانىمالدىعىن جوعارىلاتتى.
”انار بۇلت 12345 كەڭەس سۇراۋ“ ايتارىن جازىپ قالدىرۋ تاقتاسىنىڭ ۇزدىكسىز ىلگەرىلەۋىنە بايلانىستى، توراپكەرلەر دە ايتارىن جازىپ قالدىرۋ تاقتاسىنا جابال باعا بەردى، توراپكەر ”热心市民“: ”مەن ايتارىن جازىپ قالدىرۋ تاقتاسىندا كوپتەگەن ماسەلەلەردى اۋىزعا العان ەدىم، فۋنكتسيالىق تاراۋلار باسىم كوپ ساندىسىنا دەر كەزىندە جاۋاپ قايتاردى، جىلدامدىعى تەز، ونىمدىلىگى جوعارى، ايتارىن جازىپ قالدىرۋ تاقتاسى شىنىمەن ۇكىمەت پەن بۇقارانىڭ بايلانىس جاسايتىن كوپىرىنە اينالدى“، - دەپ لەبىز قالدىردى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
