بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

حاۋىپ - قاتەر دارەجەسى ءبىرشاما جوعارى! مەملەكەتتىك ءدارى - دارمەكتى باقىلاۋ - باسقارۋ مەكەمەسى ەسكەرتۋ بەردى

2022.06.13 15:56     كەلۋ قاينارى : حالىق تورابى

  مەملەكەتتىك ءدارى - دارمەكتى باقىلاۋ - باسقارۋ مەكەمەسى تورابى 6 - ايدىڭ 10 - كۇنى اجارلانۋعا پايدالاناتىن رەڭدى تەگىس ساۋلەلى كومەسكى كوزىلدىرىكتى (قاراشىقتى اجارلاندىرعىش) تاڭداپ ساتىپ الۋ جونىندەگى ەسكەرتۋدى جاريالادى. ەسكەرتۋدە بىلاي دەلىنگەن:

  «قاراشىقتى اجارلاندىرعىش» — اجارلاندىرۋ رولىنا يە كومەسكى كوزىلدىرىك سانالادى، كاسىپتىك اتاۋى «كوز ءمۇيىز قابىعىمەن جاناساتىن كوزىلدىرىك». ول كوز ءمۇيىز قابىعىنىڭ بەتكى قاباتىن تىكەلەي جاۋىپ، كوز تىكاندارىمەن تىكەلەي جاناساتىندىقتان، كوزدىڭ حاۋىپسىزدىگىمەن تىكەلەي قاتىستى بولىپ، حاۋىپ - قاتەر دارەجەسى ءبىرشاما جوعارى سانالادى، ەلىمىزدە 3 - تۇردەگى مەديتسينالىق اسپاپتار رەتىندە باسقارىلادى، بازارعا شىعارۋ الدىندا حاۋىپسىزدىگىنە، ونىمدىلىگىنە باعا بەرۋدەن وتكىزىلۋى كەرەك، مەديتسينالىق اسپاپتاردى تىركەۋگە الۋ كۋالىگىنە يە بولعان سوڭ عانا وندىرۋگە، ساتۋعا جانە پايدالانۋعا بولادى، ونى وندىرەتىن كاسىپورىندار «مەديتسينالىق اسپاپتاردى وندىرۋگە رۇقسات بەرۋ كۋالىگىنە» يە بولۋى كەرەك. مۇنداي ونىمدەردى ساۋدالايتىن كاسىپورىندار «مەديتسينالىق اسپاپتاردى ساۋدالاۋعا رۇقسات بەرۋ كۋالىگىنە» يە بولۋى كەرەك.

  مەملەكەتتىك ءدارى - دارمەكتەردى باقىلاۋ - باسقارۋ مەكەمەسى تۇتىنۋشىلارعا «قاراشىقتى اجارلاندىرعىشتى» جانە ونى كۇتىمدەيتىن ونىمدەردى ساتىپ العان كەزدە، مىناداي بىرنەشە تۇيىنگە ەرەكشە نازار اۋدارۋدى ەسكەرتەدى:

  بىرىنشىدەن، «قاراشىقتى اجارلاندىرعىشتى» تاڭداپ ساتىپ العان كەزدە، قاتىستى ساۋدامەن اينالىسۋ رۇقسات كۋالىگىنە، تولىمدىلىعىنا يە مەديتسينالىق اسپاپتاردى ساۋدالاۋمەن شۇعىلداناتىن كاسىپورىنداردان ساتىپ الۋ ءارى ساتىپ العان ءونىمنىڭ مەديتسينالىق اسپاپتاردى تىركەۋگە الۋ كۋالىگى بار - جوقتىعىن تەكسەرۋ، ءونىمنىڭ قورابىندا مەديتسينالىق اسپاپتاردى تىركەۋگە الۋ كۋالىگىنىڭ ءنومىرى، وندىرگەن كاسىپورىننىڭ اتى، وندىرگەن ۋاقىتى قاتارلى ينفورماتسيالار بار - جوقتىعىن تەكسەرۋ ءارى ساتىپ العان كەزدەگى ىسپاتتاردى جوعالتپاي ساقتاۋ كەرەك. شەتەلدەن ەنگىزىلگەن «قاراشىقتى اجارلاندىرعىش» جانە ونى كۇتىمدەيتىن ونىمدەردىڭ حانزۋشا جاپسىرما قاعازى ءارى تۇسىندىرمە قولدانباسى بولۋى كەرەك. مەديتسينالىق اسپاپتاردى تىركەۋگە الۋ كۋالىگىنە قاتىستى ينفورماتسيالاردى تەكسەرگەن كەزدە، مەملەكەتتىك ءدارى - دارمەكتەردى باقىلاۋ - باسقارۋ مەكەمەسى تورابىنداعى «دەرەكتەردى تەكسەرۋ» ايدارشاسى ارقىلى تەكسەرۋگە بولادى. باعاسىنىڭ ارزان ەكەنىنە قاراپ، سەنىمسىز دۇكەندەردەن نەمەسە ينتەرنەتتەگى دۇكەندەردەن تىركەۋگە الىنباعان ونىمدەردى ساتىپ الۋدان بارىنشا اباي بولۋ قاجەت.

  ەكىنشىدەن، «قاراشىقتى اجارلاندىرعىشتى» تاققان كەزدە، ءونىمنىڭ تۇسىندىرمەسى بويىنشا نەمەسە كاسىپتىك قىزمەتكەرلەردىڭ جەتەكشىلىگىندە، كوزىلدىرىكتى قوراپتان الۋ، كوزگە تاعۋ، كوزدەن الۋ، جۋۋ، ديزەنفەكسيالاۋ جانە ساقتاۋ بارىستارىن مۇقيات ورىنداۋ كەرەك. تىركەۋگە الىنباعان ونىمدەردىڭ حاۋىپسىزدىگى مەن ونىمدىلىگىنە كەپىلدىك بەرىلمەيدى، ونى تاعۋ بارىسىندا كوزدىڭ قابىنۋى، كوز ءمۇيىز قابىعى اۋرۋى قاتارلى قوسالقى اۋرۋلاردى وڭاي تۋىنداتۋى ىقتيمال.

  ۇشىنشىدەن، تۇتىنۋشىلار ەگەر «قاراشىقتى اجارلاندىرۋ» ونىمدەرىنىڭ جالعاندارىن، جارامسىزدارىن ساتقان نەمەسە وسى ونىمگە قاتىستى كۋالىكسىز تيجارات جۇرگىزگەن ارەكەتتەردى بايقاسا، سول جەردەگى ءدارى - دارمەكتى باقىلاۋ - باسقارۋ تاراۋلارىنا مالىمدەۋىنە بولادى. زاڭ - بەلگىلەمەگە قايشى كەلگەندەردى ءدارى - دارمەكتى باقىلاۋ - باسقارۋ تاراۋلارى زاڭ بويىنشا انىقتاپ ءبىرجاقتى ەتەدى، قىلمىس كۇمانىن قالىپاستىرعانداردى قوعام حاۋىپسىزدىگى ورگانىنىڭ قىلمىستىق ىستەر بويىنشا جاۋاپكەرشىلىگىن قۋزاستىرۋىنا جوتكەپ بەرەدى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار