قىزىل گەندى ۇرپاقتان - ۇرپاققا جالعاستىرىپ، سوتسياليزمنىڭ قۇرىلىسشىلارى مەن ءىزباسارلارى بولۋعا قۇلشىندى (تاپسىرىقتى امالياتتا ايگىلەگەن 10 جىل)
«حالىق گازەتىنىڭ» تىلشىلەرى ۋاڭ يۇننا، ۋ شان
2022.06.14 17:26 كەلۋ قاينارى : حالىق تورابى
قىزىل ارميانىڭ ۇزاق جورىق جولىنداعى «جارتى كورپە» تۋرالى اڭگىمە باس شۋجي شي جينپيڭنىڭ تەرەڭ سۇيىسپەنشىلىكپەن بايانداۋى ارقىلى جۇرتقا ابدەن تانىس بولدى.
حۋنان ولكەسى چىنجوۋ قالاسى رۋچىڭ اۋدانى ۋىنميڭ ياۋزۋ اۋىلى شاجوۋ ياۋزۋ قىستاعى − «جارتى كورپە» اڭگىمەسىنىڭ شىققان جەرى.
2020 – جىلى 9 - ايدىڭ 16 - كۇنى باس شۋجي شي جينپيڭ حۋناندا قىزمەت تەكسەرگەندە، ۋىنميڭ ياۋزۋ اۋىلىنداعى 1 - باستاۋىش مەكتەپتىڭ 4 - جىلدىق ساباقحاناسىنا كىردى، بۇل ارادا يدەيا - ساياسي نازاريا ساباعى ءوتىلىپ جاتقان بولاتىن.
وقۋشىلاردىڭ ۇزاق جورىق حيكاياسىن ەستىگەننەن كەيىن باس شۋجي شي جينپيڭ تەرەڭ سۇيىسپەنشىلىكپەن بىلاي دەدى: «قىزىل گەن سەندەردىڭ بويلارىڭدا بەينەلەندى. توڭكەرىس ىستەرىن ۇرپاقتان - ۇرپاققا جالعاستىرۋ كەرەك. ساباقتاستار توڭكەرىستىك اڭگىمەلەردى جاقسى ۇيرەنىپ، ەستە بەرىك ساقتاۋى، سونىمەن بىرگە وسىزامانداندىرۋ قۇرىلىسىنىڭ بىلىمدەرى مەن ونەرىن دە ويداعىداي يگەرىپ، سوتسياليزمنىڭ قۇرىلىسشىلارى مەن ءىزباسارلارى بولۋعا قۇلشىنۋى كەرەك. سەندەر قازىر بالعىن بالاۋساسىڭدار، بولاشاقتا كۇندەردىڭ بىرىندە جۇڭحۋا ۇلتىنىڭ كوك تىرەگەن بايتەرەگىنە اينالاسىڭدار».
باس شۋجي شي جينپيڭنىڭ ىقىلاستى تاپسىرىعى مەن ۇلگى كورسەتۋىنىڭ جەتەكشىلىگىندە، ۋىنميڭ ياۋزۋ اۋىلى 1 - باستاۋىش مەكتەبىنىڭ يدەيا - ساياسي نازاريا ساباعى وقىتۋشىسى لي يادۇڭ ساباق وتۋدە جاڭالىق اشۋ ءتاسىلى جونىندە بەلسەنە ىزدەنىس جاسادى، ساباقحانادا وقۋشىلاردى قىزىل تاريحي جاعدايدى بەينەلەۋگە جەتەكتەدى، ساباقحانانىڭ سىرتىندا وقۋشىلاردى توڭكەرىستىك كونە جۇرتتاردى ارالاپ، قىزىل ەستەمەلەرگە نازار اۋداردى. ول بىلاي دەدى: «قىزىل مادەنيەت ارقىلى بالالاردىڭ جان دۇنيەسىن نارلەندىرىپ، يدەيا - ساياسي تاربيەسىن كوكەيگە، ساناعا ۇيالاتۋ كەرەك».
قىزىل بايلىقتان ويداعىداي پايدالانىپ، وقىتۋ مازمۇنىن بايىتىپ، قىزىل گەندى ۇرپاقتان - ۇرپاققا جالعاستىردى، حۋنان ولكەسى يدەيالىق - ساياسي نازاريا ساباعىن ءمورال ارقىلى ادام تاربيەلەۋ ءتۇبىرلى مىندەتىن تياناقتاندىرۋدىڭ شەشۋشى ساباعى ەتتى.
قىزىل ارميانىڭ 5 - قۇراما كورپۋسى 34 - شىسىنىڭ شىجاڭى چىن شۋشياڭنىڭ «ىشەگىن ءۇزىپ مۇراتىن ايگىلەۋ» ىزگى ءىسى تۋىلعان جەر يۇڭجوۋدا، بۇكىل قالا بويىنشا ورتا، باستاۋىش مەكتەپتەردىڭ يدەيالىق - ساياسي تاربيەسىندە «كۇنباعىس ينجەنەرياسى» اتقارىلىپ، قىزىل كينونى كورۋ، قىزىل ءان ايتۋ، قىزىل اڭگىمە ايتۋ سياقتى تاسىلدەر ارقىلى يدەيالىق - ساياسي ساباعىنىڭ باۋراۋ قۋاتى مەن قاتىناسۋ دارەجەسى جوعارىلاتىلدى.
رۋچىڭ اۋدانى ورتا، باستاۋىش مەكتەپ وقۋشىلارىن ۇيىمداستىرىپ، «ءبىر بازانى كورۋ، ءبىر اڭگىمە ايتۋ، ءبىر مايدان تۇسىنىك جاساۋ، ءبىر جۇرەك ءسوزىن جازۋ» قيمىلىن ورىستەتىپ، قىزىل جۇرتتاردى يدەيالىق - ساياسي «ساباقحاناسىنا»، توڭكەرىستىك تاريحي ماتەريالدى يدەيالىق - ساياسي «وقۋلىعىنا»، قاھارمان قۇربانداردىڭ ۇلگىلەرىن يدەيالىق - ساياسي «وقىتۋشىسىنا» اينالدىردى.
جاستار مەن ورەندەردى پارتياعا بۇلجىماي ىلەسۋگە تاربيەلەۋدە، جەتەكتەۋدە، ءسوز جوق، يدەيالىق - ساياسي ساباعىنىڭ ساباق جۇيەسىندەگى ساياسي جەتەكشىلىك جانە قۇن جەتەكشىلىك رولىن ساۋلەلەندىرۋ كەرەك. حۋنان ولكەسى «شي جينپيڭ جاڭا ءداۋىر جۇڭگوشا سوتسياليزم يدەياسى وقۋشىلار وقۋلىعىن» وقىتۋدى نەگىزگى جەلى ەتىپ، ورتا، باستاۋىش مەكتەپ وقۋشىلارىنا «مەن ءىزباسارمىن، جاڭا يدەيا - ساياسي نازاريا ساباعىن ۇيرەنەمىن» اتىنداعى 42 سەريالى يدەيا – ساياسي ارناۋلى دىبىس – بەينەس ساباعىن ازىرلەپ، وقۋشىلاردىڭ جاندى دا وبرازدى ورتادا ءبىلىم الۋىنا جانە ونەگە الۋىنا مۇمكىندىك جاسادى. 2 جىلدان استام ۋاقىت اشىلعان «مەن ءىزباسارمىن» اتىنداعى ينتەرنەت يدەيالىق - ساياسي ساباعىندا عىلىم - تەحنيكا قىزمەتكەرلەرى، ەمدەۋ قىزمەتكەرلەرى، دەنەتاربيە ساڭلاقتارى، ورتا تازالىعى جۇمىسشىلارى سياقتى ءار سالانىڭ تاڭداۋلى ۋاكىلدەرى ساباق وتۋگە ۇسىنىس ەتىلدى، مۇندا بۇكىل ولكەدەگى ورتا، باستاۋىش مەكتەپ وقۋشىلارىنىڭ توراپتا ساباق تىڭداۋىنا، ۇيرەنۋىنە بولادى.
«ءبىز جوعارى، ورتا، باستاۋىش مەكتەپتەردىڭ يدەيا - ساياسي ساباعىن ءبىر تۇلعالاندىرۋ قۇرىلىسىن ءبىر تۇتاس جوسپارلاپ، ءتۇرلى ساباقتار مەن يدەيا - ساياسي نازاريا ساباعى قۇرىلىسىنىڭ سايكەستى اسەر قالىپتاستىرۋىن كۇش سالا ىلگەرىلەتتىك». حۋنان ولكەلىك وقۋ - اعارتۋ مەڭگەرمەسىنىڭ پارتگرۋپپا شۋجيى، مەڭگەرمە باستىعى شيا جىلۇن بىلاي دەپ تانىستىردى: جوعارى، ورتا، باستاۋىش مەكتەپتەردىڭ يدەيا - ساياسي نازاريا ساباعىن ءبىر تۇلعالاندىرۋ ساباق دايىنداۋ تاجىريبە بازاسىن قۇرۋ ارقىلى حۋنان ولكەسى جوعارى مەكتەپتەردى ورتا، باستاۋىش مەكتەپتەرمەن قول ۇستاسىپ توپتىق ساباق دايىنداۋعا جەتەكتەپ، يدەيا - ساياسي نازاريا ساباعىنىڭ ءونىمدى ۇشتاسۋىن جۇزەگە اسىردى؛ بۇكىل ولكەدەگى جوعارى مەكتەپتەردىڭ يدەيا - ساياسي نازاريا ساباعىن وقىتۋ جارىسىن وتكىزىپ، ولكە دارەجەلى 20 يدەيا - ساياسي تاربيەسىنەن ۇلگى كورسەتۋ، زەرتتەۋ ورتالىعىن اشىپ، 109 ۇلگى كورسەتۋ ساباعىن ازىرلەپ، ءتۇرلى كاسىپتىك ساباقتاردىڭ يدەيالىق - ساياسي فاكتورلارىن ىشكەرىلەي اشىپ، ءتۇرلى ساباقتار يدەيا - ساياسي نازاريا ساباعىمەن سايكەسەتىن ادام تاربيەلەۋدىڭ بىرىككەن كۇشىن قالىپتاستىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
