بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>كوپ بەتتىك حابارلار

شينجياڭدا ون مىڭنان استام ۇمىتكەر قىزمەتكەر قابىلداۋ جينالىسىنا قاتىناستى

2015.10.26 13:25   كەلۋ قاينارى : حالىق تورابى



  حالىق تورابى، 24 – قازان، ءۇرىمجى. مەملەكەتتىك 3 – كەزەكتى ءىرى، ورتاشا قالالاردىڭ جوعارى مەكتەپ تاۋىساتىن ستۋدەنتتەرگە باعىتتالعان قىزمەتكەر قابىلداۋ بىرلەسكەن ارناۋلى قيمىلىنىڭ شينجياڭداعى قىزمەتكەر قابىلداۋ ءماجىلىسى مەن شينجياڭداعى جوعارى مەكتەپ تاۋىسقان ستۋدەنتتەردەن كۇز مەزگىلىندەگى قىزمەتكەر قابىلداۋ ءماجىلىسى 24 – قازاندا شينجياڭ حالىقارالىق كورمە ورتالىعىنىڭ 2 – ءنومىرلى زالىندا باستالدى.

  بۇل رەتكى قىزمەتكەر قابىلداۋ جينالىسى «قالالار بىرلىكتە كاسىپتەنۋدى جەبەۋ» دەگەن تاقىرىپتا، شينجياڭ ۇيعۇر اۆتونوميالى رايونىنداعى جەرگىلىكتى كاسىپورىندار، ورتالىققا قاراستى كاسىپورىندار، اۆتونوميالى رايونداعى قاتىستى ءىس ورىندارى 2016 – جىلى جوعارى مەكتەپتەردەن وقۋ تاۋىساتىن ستۋدەنتتەرگە جانە وتكەن جىلداردا جوعارى مەكتەپتەن وقۋ تاۋىسسا دا كاسىپتەنە الماعان ستۋدەنتتەرگە باعىتتاي قىزمەت وتەيدى. ساناققا قاراعاندا، جيىنى 300گە جۋىق كاسىپورىن قىزمەتكەر قابىلداۋعا قاتىناستى، ولاردىڭ اراسىندا ورتالىققا قاراستى 20 كاسىپورىن، جەرگىلىكتى ورىنعا قاراستى 280 كاسىپورىن بار، بۇل كاسىپورىندار ۇمىتكەرلەردىڭ تاڭداۋىنا 8160 قىزمەت ورنىن ۇسىندى؛ شينجياڭ اۋىل شارۋاشىلىق ۋنيۆەرسيتەتى، شينجياڭ قازىنا ۋنيۆەرسيتەتى سىندى 8 جوعارى مەكتەپ، شينجياڭ ينجەنەريا ينيستيتۋتى، شينجياڭ اۋىل شارۋاشىلىق كاسىپتىك تەحنيكالىق ينيستيتۋتى قاتارلى 7 كاسىپتىك تەحنيكالىق جوعارى مەكتەپتەن وقۋ تاۋىسقاندار قىزمەتكەر قابىلداۋ جينالىسىنا قاتىناستى.

  كەلۋ قاينارى: حالىق تورابى

【1】 【2】 【3】 
جاۋاپتى رەداكتورى : نۇرعيسا قۇرمانجان ۇلى

 سۋرەت