بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>كوپ بەتتىك حابارلار

جۇڭگو دارىگەرىنىڭ قاراپايىم ءبىر كۇنى

2015.12.11 14:41   كەلۋ قاينارى : حالىق تورابى



  حالىق تورابى، 11 – جەلتوقسان، بەيجيڭ. سۋرەتتە: لو جىگاڭ شيپاگەر وپەراتسيا جاساۋ ۇستىندە. «شيپاگەر» بۇل كاسىپكە مارتەبەلى تۇردە «اق حالاتتى پەرىشە» دەپ اتاق بەرىلگەن، ولار ءار ۋاقىتتا اجالدىعا اراشاشى، جارالىعا جەبەۋشى بولۋعا ساقاداي ساي تۇرادى. ناۋقاستار سانىنىڭ بارعان سايىن كوبەيىپ، شيپاگەر مەن ناۋقاستار ارا قاتىناستىڭ شيلەنىسۋىنە بايلانىستى، شيپاگەرلىك كاسىبى بارا – بارا قاتەرلى كاسىپكە اينالىپ، قىزمەت باسىمدىلىعى بارعان سايىن اۋىرلاسىپ قالماستان، رۋحاني جاقتان دا بارىنشا قاربالاس كۇيدە بولادى.

  حۋنان ولكەلىك وڭتۇستىك جۇڭگو ۋنيۆەسيتەتى ەكىنشى ەمحاناسى، ءۇشىنشى ەمحاناسىنىڭ اعا شيپاگەرى لو جىگاڭ جۇڭگوداعى سان مىڭداعان شيپاگەردىڭ ءبىرى. ول ءار قانداي ۋاقىتتا، سابىرلى تۇردە وپەراتسيا جاساۋ تەكشەسىندە قىزمەت كورسەتەدى. لو جىگاڭ اپتاسىنا 5 رەت وپەراتسيا جاسايدى.

  12 – قاراشا كۇنى تاڭ سارىدە، وڭتۇستىك جۇڭگو ۋنيۆەرسيتەتى ەكىنشى ەمحاناسىندا ەكى ناۋقاس وزدەرىنە لو جىگاڭ شيپاگەر وپەراتسيا جاساۋدى تالاپ ەتەدى. وسى ەكى رەتكى وپەراتسيانى جاساپ بولىسىمەن، ول وڭتۇستىك جۇڭگو ۋنيۆەرسيتەتى ءۇشىنشى ەمحاناسىنا بارىپ، ونداعى جۇمىستارىن رەتكە سالادى. ىلە – شالا بىرنەشە مينۋتتىڭ ىشىندە اسىعىس – ۇسىگىس قوراپتاعى تاماقتى ىشە سالا، اسپيرانتتارعا ساباق بەرەدى، سوڭىندا، ناۋقاستار بولمەسىنە بارىپ ءوزى وپەراتسيا جاساعان ناۋقاستاردىڭ جاعدايىن تەكسەردى. مىنە ،بۇل لو جىگاڭنىڭ اسىعىس تا قاربالاستىقپەن ءوتىپ جاتقان ءبىر كۇنى. وسىنداي جانقيارلىق كاسىپتىك رۋح بولعاندىقتان، لو جىگاڭ «مەملەكەتتىك ەڭبەك وزاتى» بولىپ باعالانىپ، 1 – مامىر ەڭبەك وزاتى سيلىعىن ەنشىلەدى.

  لو جىگاڭ: ءوز باسىمنان وتكەن كەشىرمەلەرىمدى ايتۋداعى ماقساتىم سىرت جاقتاعى كوپتەگەن ادامداردىڭ شيپاگەرلىك كاسىبىنىڭ ماشاقاتتى ەكەنىن ءتۇسىنىپ، قازىرگى كەزدەگى ناۋقاستار مەن شيپاگەرلەر اراسىنداعى شيلەنىسكەن قاتىناستى وڭالتۋعا ازدا بولسا پايداسى تيسە ەكەن دەپ تىلەيمىن،-دەدى.

  كەلۋ قاينارى: حالىق تورابى

【1】 【2】 【3】 【4】 【5】 【6】 【7】 【8】 【9】 
جاۋاپتى رەداكتورى : مۇحيت امانتاي ۇلى

 سۋرەت