«جىبەك جولى ــ جۇڭگو مادەنيەتى» تاقىرىبىنداعى قيمىل قازاقستاندىق كورەرمەندەرگە جۇڭحۋا مادەنيەتىن تانىستىردى

2016.01.28 13:48   كەلۋ قاينارى : حالىق تورابى

　　حالىق تورابى، 28 - قاڭتار، بەيجيڭ. جۇڭگونىڭ الماتى قالاسىنداعى باس كونسۋلحاناسىنىڭ ۇيىمداستىرۋىندا «جىبەك جولى ــ جۇڭگو مادەنيەتى» تاقىرىبىنداعى قيمىل 26 - قاڭتار كۇنى قازاقستاننىڭ الماتى قالاسىندا شىمىلدىعىن اشتى. كورەرمەندەر سۋرەت كورگىزبەسىن، كوركەمونەر ويىندارىن كورىپ جۇڭحۋا مادەنيەتىنە بولعان تۇسىنىكتەرىن تەرەڭدەتتى.

　　اشىلۋ سالتىنىڭ «زامانعا ساي جۇڭگو» تاقىرىبىنداعى سۋرەت كورگىزبەسىندە جۇڭگو فوتوشىلارىنىڭ 60 تان استام فوتوسى كورمەگە قويىلىپ، جۇڭگوداعى قاراپايىم ادامداردىڭ باقىتتى تۇرمىسىن، جۇڭگو قوعامىنىڭ جاراسىمدى بەت - بەينەسىن، سونداي - اق، قارىشتاپ دامىعان جۇڭگو ەكونوميكاسىن قازاقستاندىق كورەرمەندەرگە تانىستىردى. سونان كەيىن تيانجين بەيجيڭ تەاتر ۇيىرمەسى، تيانجين قالالىق ٵن - ءبي ۇيىرمەسى جانە تيانجين سەرىك ۇيىرمەسىنىڭ كوركەمونەرشىلەرى كورەرمەن قاۋىمعا بەيجيڭ تەاترى، حىبەي تەاترى، ساكىس كۇيى، كوز بايلاۋ ونەرى قاتارلى باي مازمۇندى كونسەرت نومىرلەرىن قويدى.

　　كونسەرت اياقتاعان سوڭ جۇڭگونىڭ الماتىداعى باس كونسۋلحاناسى قازاقستان مەملەكەتتىك كىتاپحاناسىنىڭ «جۇڭگو شاڭىراعى» اتتى كىتاپ بولىمىنە «شي جينپيڭنىڭ ەل باسقارۋ ساياساتى» اتتى كىتابىن جانە كەسكىن تاباعىن سيلادى.

　　كەلۋ قاينارى: حالىق تورابى