بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>كوپ بەتتىك حابارلار

تاشقورعان تاجىك اۆتونوميالى اۋدانىنان 100 وقۋشى كۇيتۇن قالاسىنا وقۋعا كەلدى

2016.09.08 10:57   كەلۋ قاينارى : حالىق تورابى



  قاشقار ايماعى تاشقورعان تاجىك اۆتونوميالى اۋدانىنان تولىق ورتا مەن ورتالاۋ مەكتەپكە وقۋعا قابىلدانعان 100 وقۋشى كۇيتۇن قالاسىنا كەلىپ، وسى اراداعى 3 جىلدىق ۇيرەنۋىن باستاپ كەتتى. كۇيتۇن قالاسى جاڭادان كەلگەن وقۋشىلاردى قارسى الۋ سالتىن وتكىزدى.

  ۇعىسۋعا قاراعاندا، تاشقورعان تاجىك اۆتونوميالى اۋدانى شينجياڭداعى تەڭىز دەڭگەيىنەن ەڭ بيىك، ەكولوگيالىق جاعدايى ناشار، شارت - جاعدايى وتە تومەن، شەكارانى قورعاۋ مىندەتى اۋىر، كەدەي وتباسىلاردىڭ سالىستىرماسى كوپ، جان سانى تىعىز ورنالاسقان اۋدان ەكەن. «اۆتونوميالى رايوننىڭ كەدەيلەردى اۆتونوميالى رايون ىشىندە سەلبەسىپ سۇيەمەلدەۋ قىزمەت جوباسىنداعى» ۇقتىرۋدىڭ رۋحى بويىنشا، كۇيتۇن قالاسى تاشقورعان تاجىك اۆتونوميالى اۋدانىنا باعىتتامالى كومەكتەسۋ ورنى ەتىپ تۇراقتاندىرىلدى. وسى اۋدانداعى 100 وقۋشىنىڭ كۇيتۇن قالاسىنا كەلىپ ءبىلىم الۋى سۇيەمەلدەۋ شاراسىنىڭ ءبىرى سانالادى.

  وسى وقۋشىلاردى تاربيەلەۋ قىزمەتىن تىڭعىلىقتى ورىستەتۋ ءۇشىن، كۇيتۇن قالالىق پارتكوم مەن ۇكىمەت كوپ رەت زەرتتەۋ جۇرگىزىپ، ورنالاستىرۋ جاساپ، وقىتۋشىلار قوسىنى مىعىم، باسقارۋ قابىلەتى جوعارى، وقىتۋ ساپاسى ۇزدىك بولعان كۇيتۇن قالالىق 7 - ورتا مەكتەپ پەن 10 - ورتا مەكتەپتى تاشقورعان اۋدانىنان كەلگەن وقۋشىلاردى بۇكىل ىنتا پەيلىمەن تاربيەلەۋگە ورنالاستىردى. كۇيتۇن قالالىق پارتكوم مەن ۇكىمەتتىڭ باسشىلارى وسكەلەڭ دارەجەدە ءمان بەرىپ، وقۋشىلاردىڭ تۇرمىسى لايىقتى ورنالاستىرىلىپ، وقۋشىلاردىڭ ساۋ دەنەلى بولىپ ەسەيۋىنە جانە حاۋىپسىزدىگىنە كەپىلدىك ەتىلىپ، ولارعا جانعا جايلى، الاڭسىز ۇيرەنۋ ورتاسىن جاراتىپ بەردى. تاشقورعان اۋدانىنان كەلگەن تولىق ورتا مەكتەپ 1 - جىلدىعىنىڭ وقۋشىسى كۇليقان قالەل قىزى بىلاي دەدى: كۇيتۇن قالاسىنا وقۋعا كەلگەنىمدى باقىت سانايمىن. بۇل جەردەگى وقىتۋشىلار ماعان بەينە جان اشىر جاقىنىمداي سەزىلدى، جاتاعىمىزعا كەلگەندە بەينە ۇيمىزگە كەلگەندەي بولدىق، قاجەتتى تۇرمىستىق بۇيىمدارىمىزدى تولىق دايىنداپ قويىپتى، مەن وزىمدى باقىتتى سەزىنەمىن. بۇدان كەيىن قۇلشىنا ۇيرەنىپ، ساباقتاستارىممەن ىنتىماقتاسىپ، كوللەكتيۆتى سۇيىپ، بولاشاقتا قوعامنىڭ، مەكتەپتىڭ، اتا - انامنىڭ كۇتكەن ۇمىتىنەن شىعىپ، جارامدى ادام بولامىن.

  كۇيتۇن قالالىق 7 - ورتا مەكتەپتىڭ وقۋشىلارى جاڭادان كەلگەن وقۋشىلارى قىزۋ قارسى الىپ، بۇدان كەيىنگى ۇيرەنۋ مەن تۇرمىستا ءوزارا كومەكتەسىپ، بىرلىكتە العا باساتىندىقتارىن ءبىلدىردى. 7 - ورتا مەكتەپتىڭ وقۋشىسى كاڭ شينرۇي بىلاي دەدى: بۇگىن تاشقورعاننان كوپتەگەن جاڭا وقۋشىلار كەلدى. ءبىز ءوزارا تۇسىنىسىپ، ءبىر - ءبىرىمىزدى قۇرمەتتەپ،ءوزارا ۇيرەنەمىز. 7 - ورتا مەكتەپكە كەلگەن ەكەن ءبىز ولاردى ءوز ۇيىنە جۇرگەندەي مەيىرگە بولەپ، جاقسى مامىلە جاسايمىز.

  اينۇر ءابدىقادىر قىزى (كۇيتۇن حالىق راديو ستانسياسى)

  كەلۋ قاينارى: حالىق تورابى

【1】 【2】 【3】 【4】 
جاۋاپتى رەداكتورى : نۇرعيسا قۇرمانجان ۇلى

 سۋرەت