شينجياڭنىڭ 37 مادەني كاسىپورنى جۇڭگو بەيجيڭ 11 – كەزەكتى مادەنيەت جارمەڭكەسىنە قاتىناستى

2016.10.28 14:53   كەلۋ قاينارى : حالىق تورابى

　　حالىق تورابى، 28 – قازان، بەيجيڭ. ءتاڭىرتاۋ تورابىنىڭ حابارلاۋىنشا، جۇڭگو بەيجيڭ حالىقارالىق 11 – كەزەكتى مادەنيەت جاسامپازدىق كاسىبى جارمەڭكەسى 27 – قازاندا بەيجيڭ قالاسىنداعى جۇڭگو حالىقارالىق كورمە ورتالىعىندا باستالدى. كورمەگە «جىبەك جولى وي – ساناسىمەن شينجياڭدى گۇلدەندىرۋ» دەگەن تاقىرىپپەن كەلگەن شينجياڭ ۋاكىلدەر ۇيىرمەسى قۇرامىنداعى مادەنيەت سالاسىنىڭ 37 كاسىپورنى 7 ۇلكەن ءتۇر بويىنشا 300دەن استام ءونىمىن كورمەگە قويدى. ورىنداۋ ونەرى، سونى سيفرلى ونىمدەر، انيماتسيالىق ويىندار، كينو – تەلەۆيزيا جانە باسپا ءسوز، شەبەرلىك جانە اسەمونەر، باعالى تاستار، مادەنيەت جانە ساياحات، مادەنيەت پەن دەنە تاربيە جانە بەيزاتتىق مۇرالار، مادەني مۇرالاردان تۋىنداعان ونىمدەر قاتارلى 9 ءىرى كاسىپ ءتۇرى بويىنشا ۋاكىلدىك سيپاتقا يە كاسىپورىندار كورمەگە ونىمدەرىن قويدى.

　　ۇعىسۋعا قاراعاندا، وسى رەتكى بەيجيڭ مادەنيەت جارمەڭكەسىنە جيىنى 16 مەملەكەت پەن رايوننان 1800دەن استام كاسىپورىن، تيانجين، شاڭحاي، شينجياڭ جانە انحۇي قاتارلى 23 ولكە، اۆتونوميالى رايون، قالادان، جوسپارى بولەك قالالاردان ۇيىرمەلەر قاتىناستى.

　　كەلۋ قاينارى: حالىق تورابى