از ۇلت تىلىندەگى راديو ستانسيالارىنىڭ سەلبەستىگى جايلى تالقى وتكىزىلدى

 حابارىن جازىپ سۋرەتتەرىن تۇسىرگەن باقىتبەك ءجۇمادىل ۇلى 

2016.11.10 15:59   كەلۋ قاينارى : حالىق تورابى

جيىننىڭ باستالۋ سالتى

　　ورتالىق حالىق راديو ستانسياسىنىڭ 8 - كەزەكتى از ۇلت تىلىندەگى راديو ستانسيالارىنىڭ سەلبەستىك ءماجىلىسى 3 - قاراشادان 6 - قاراشاعا دەيىن بەيجيڭدە بولىپ ءوتتى. ورتالىق حالىق راديو ستانسياسىمەن ىشكى موڭعۇل، جيلين، يۇننان، شيزاڭ، چيڭحاي، شينجياڭ قاتارلى ولكە، رايوندارداعى ايماق دارەجەلىدەن جوعارى قىرىق نەشە راديو ستانسيالارىنىڭ جاۋاپتىلارى تالقىعا قاتىناسىپ، ەلىمىزدەگى ۇلتتىق تىلدەگى راديو حابارلار مىنبەرىن قۇرۋ سەلبەستىگى جانە جاڭا داۋىردەگى راديونىڭ وركەندەۋ جولى جايلى تالقى وتكىزدى.

　　تالقىدا ورتالىق حالىق راديو ستانسياسىنىڭ موڭعۇل، زاڭزۋ، ۇيعۇر تىلىندەگى كانالدارىنىڭ قاراشانىڭ سوڭىنان باستاپ ەفيرگە شىعاراتىن «مەملەكەتتىك حابارلار» باعدارلاماسىنىڭ تۇساۋ كەسەرى بولىپ، قازاق، چاۋشيان تىلدەرىندەگى راديونىڭ اتالعان باعدارلاماسىن كەلەر جىلدىڭ الدىنعى جارىمىندا باستاۋ ۇيعارىلدى. بۇل باعدارلامالاردى جەر- جەردەگى ۇلتتىق راديولار ءار قايسى تىلدەر بويىنشا جالعاپ تاراتۋعا كەلىستى.

　　تالقى جيىنىندا ورتالىق حالىق راديو ستانسياسىنىڭ باستىعى يان شاۋميڭ مىنانى اتاپ كورسەتتى: ۇلتتىق راديو سەلبەستىك ءماجىلىسىن اشۋداعى ماقسات: سەلبەستىكتى كۇشەيتىپ، باعدارلاما قاينارىنان ورتاق پايدالانۋ ارقىلى بۇكىل ەلدەگى از ساندى ۇلت تىلىندەگى راديولاردى بىرلەستىرىپ، راديونىڭ ۇلتتىق رايوندارداعى جۇرت اڭىسىنا جەتەكشىلىك ەتۋ، دۇنيەگە احبارات تاراتۋ رولىن جاقسى ساۋلەلەندىرۋ. ورتالىق راديو مەن جەر- جەردەگى از ساندى ۇلت تىلىندەگى راديولاردىڭ بىرلەسپە ايگىلى باعدارلاماسىن جاساپ، از ۇلت تىلىندەگى راديو ۇگىتىن تۇتاستىرىپ، پارتيا ورتالىعىنىڭ ءۇنىن از ساندى ۇلت رايوندارىنا جەدەل جەتكىزۋ.

　　ماجىلستەن كەيىن جەر- جەردەن كەلگەن ۋاكىلدەر جۇڭگو اقپارات – دانەكەر ۋنيۆەرسيتەتىندە جاڭا داۋىردەگى راديو عىلىمى، راديو مەن جاڭا مەديالاردىڭ بىرلەسۋى، ۇلتتىق راديولاردىڭ جاڭالىق جاراتۋى مەن وركەندەۋ ستراتەگياسى سياقتى مازمۇنداردا ارناۋلى عىلمي لەكسيا تىڭداۋعا قاتىناسىپ، كاسىپتىك مامانداردان اسا قۇندى ساباق الدى.

　　كەلۋ قاينارى: حالىق تورابى