لاۋرەنس دۇنيە جۇزىلىك سپورت سيلىعى تاراتىلدى

بولت پەن بايلەس ەڭ ۇزدىك ەر سپورتشى جانە ەڭ ۇزدىك ايەل سپورتشى اتاعىنا يە بولدى

2017.02.16 13:57   كەلۋ قاينارى : حالىق تورابى

　　شينحۋا اگەنتتىگى، 14 – اقپان، پاريج. (ءتىلشى سۋ بين) 2017 – جىلعى لاۋرەنس سپورت سيلىعى 14 – اقپاندا موناكونىڭ مونتە – كارلو قالاسىندا وتكىزىلگەن سالتاناتتى جيىندا جاريالاندى، ريو وليمپياداسىندا جەڭىل اتلەتيكادان 3 التىن مەدالعا يە بولعان يامايكالىق قىسقا ارالىققا جۇگىرۋ سپورتشىسى بولت جىلدىق ەڭ ۇزدىك ەر سپورتشى سيلىعىنا 4 – رەت يە بولدى؛ ا ق ش – تىڭ ايگىلى گيمناستيكا سپورتشىسى بايلەس ريو وليمپياداسىندا 4 التىن مەدالعا يە بولۋ سىندى ناتيجەسىمەن جىلدىق ەڭ ۇزدىك ايەل سپورتشى سيلىعىنا يە بولدى. ريو وليمپياداسىندا قۇرىلعان بوسقىندار ۋاكىلدەر ۇيىرمەسى شابىتتاندىرۋ سيلىعىنا داڭقپەن يە بولدى.

　　جىلدىق ەڭ ۇزدىك ۇجىم سيلىعى ا ق ش كاسىپتىك تاياق دوپ بىرلەستىگىنىڭ (MLB) چيكاگو كۋبس كومانداسىنا بەرىلدى. دۇنيە جۇزىلىك فورمۋلا – 1 جارىسىندا (F1) تۇڭعىش رەت اعا جۇلدەگەر بولعان گەرمانيالىق روسبەرگ جىلدىق ەڭ ۇزدىك تابىس سيلىعىنا يە بولدى. جىلدىق ەڭ ۇزدىك قايتا ورالۋ سيلىعى ريو وليمپياداسىندا 5 التىن مەدالعا يە بولعان ا ق ش – تىق مالتاۋ شولپانى فەلپسقا بەرىلدى.

　　كەلۋ قاينارى: حالىق تورابى