دۇنيە جۇزىندەگى ەڭ ۇزىن قۇمدى ءشول جوعارى قارقىندى تاس جولىنىڭ «سوڭعى ءبىر كيلومەترى» ماڭىزدى ىلگەرىلەۋشىلىككە قول جەتكىزدى

2019.11.01 14:49   كەلۋ قاينارى : حالىق تورابى

　　بۇل سۋرەت: 10 – ايدىڭ 31 – كۇنى تۇسىرىلگەن بەيجيڭ – شينجياڭ جوعارى قارقىندى تاس جولىنىڭ «سوڭعى ءبىر كيلومەترى». شينحۋا اگەنتتىگىنىڭ حابارى (كۇڭ شياڭۋىن فوتوسى)

　　حالىق تورابى، 11 – ايدىڭ 1- كۇنى، بەيجيڭ. شينحۋا اگەنتتىگىنىڭ 10 – ايدىڭ 31 – كۇنى بەيجيڭنەن بەرگەن حابارى، ءتىلشىنىڭ جۇڭگو تەمىر جول قۇرىلىس شەكتى جارنا سەرىكتىگىنەن ۇعىسۋىنشا، 10 – ايدىڭ 31 – كۇنى تۇستەن بۇرىن جۇڭگو تەمىر جول 22 - مەكەمەسى توبىنىڭ قۇرىلىس جۇرگىزۋشىلەرى (بەيجيڭ) جيڭ ـ شين (شينجياڭ) جوعارى قارقىندى تاس جولىنىڭ شينجياڭ باركولدەن موريعا دەيىنگى بولەگىندە Z501 ءنومىرلى كومىر تاسىمال ارناۋلى لەنياسىنداعى كوپىردەن وتەتىن بولەگىنىڭ سالۋ جۇمىسىن اياقتاتتى، باركول - موري بولەگىنىڭ قۇرىلىسىندا ماڭىزدى تابىستارعا قول جەتكىزدى، سونداي ـ اق دۇنيە جۇزىندەگى ەڭ ۇزىن قۇمدى شول تاس جولى بەيجيڭ ـ شينجياڭ جوعارى قارقىندى تاس جولىنىڭ «سوڭعى ءبىر كيلومەتر» بولەگىندە ماڭىزدى ىلگەرىلەۋشىلىككە قول جەتكىزگەندىگىن ايگىلەدى.

　　جۇڭگو تەمىر جول 22 ـ مەكەمەسى توبى بەيجيڭ ـ شينجياڭ جوعارى قارقىندى تاس جولىنىڭ باركول - موري بولىگى نىسان ءبولىمىنىڭ مەڭگەرۋشىسى گاۋ في بىلاي دەدى: بەيجيڭ ـ شينجياڭ جوعارى قارقىندى تاس جولى 2017 - جىلى تۇتاس لەنيا بويىنشا تۇتاستى، جالپى ۇزىندىعى 2768 كيلومەتر، قازىرگى دۇنيە جۇزىندەگى قۇمدى ءشولدى كەسىپ وتەتىن ەڭ ۇزاق جوعارى قارقىندى تاس جول. شۇعىل سالىنىپ جاتقان بەيجيڭ - شينجياڭ جوعارى قارقىندى تاس جولىنىڭ ۋتۇڭ داچۋاننان موريعا دەيىنگى بولەگىنىڭ جالپى ۇزىندىعى 515 كيلومەترگە جەتىپ، بەيجيڭ - شينجياڭ جوعارى قارقىندى تاس جولىنىڭ «سوڭعى ءبىر كيلومەترى» دەپ اتالدى. وسىدان بۇرىن اشىلعان بەيجيڭ - شينجياڭ جوعارى قارقىندى تاس جولى گانسۋدان شينجياڭعا كىرگەن سوڭ، قۇمىلدىڭ شىعىسىنان 180 كيلومەتر قاشىقتىقتا سولتۇستىككە وتەتىن شونجى - موري جوعارى قارقىندى تاس جولىنا (G335) تۇتاسىپ ۇرىمجىگە بارادى.

　　ۇعىسۋعا قاراعاندا، بەيجيڭ - شينجياڭ جوعارى قارقىندى تاس جولىنىڭ ۋتۇڭ داچۋاننان موريعا دەيىنگى بولەگى 2020 - جىلى 9 - ايدا سالىنىپ بولىپ، كولىك قاتىنايدى. سول كەزدە قۇمىلدان ۇرىمجىگە بارعاندا، شونجى – موري جوعارى قارقىندى تاس جولىن اينالىپ ءجۇرۋدىڭ قاجەتى جوق، قاشىقتىعى شامامەن 200 كيلومەتر قىسقارادى.

　　كەلۋ قاينارى: حالىق تورابى