نەگىزگى قۇرىلىستى كۇشەيتىپ، ىشكى سۇرانىمدى كەڭەيتىپ، ارتۋدى ورنىقتىرۋ ساياساتىنا كۇش قوستى (ورنىقتى بولۋدى ماڭداي الدى ورىنعا قويىپ، ورنىقتىلىق بارىسىندا ىلگەرىلەۋ: ەكونوميكانىڭ ۇزاق ۋاقىت جاقسارۋ نەگىزگى جاعدايى وزگەرگەن جوق)
«حالىق گازەتىنىڭ» تىلشىلەرى لۋ يانان، ديڭ ي – تيڭ
2022.07.08 16:59 كەلۋ قاينارى : حالىق تورابى
باس شۋجي شي جينپيڭ: «نەگىزدىك قۇرىلعى − ەكونوميكالىق، قوعامدىق دامۋدىڭ ماڭىزدى تىرەگى، دامۋ مەن حاۋىپسىزدىكتى ءبىر تۇتاس جوسپارلاپ، نەگىزدىك قۇرىلعىلاردىڭ ورنالاسۋىن، قۇرىلىمىن، يقۋاتىن جانە دامۋ ۇلگىسىن ساپالىلاندىرىپ، وسىزاماندانعان نەگىزدىك قۇرىلعى جۇيەسىن ورناتىپ، جاپپاي سوتسياليستىك وسىزاماندانعان مەملەكەت قۇرۋعا بەرىك نەگىز قالاۋ كەرەك» دەپ دارىپتەگەن بولاتىن.
ج ك پ ورتالىق كوميتەتى ساياسي بيۋروسىنىڭ 4 - ايدىڭ 29 - كۇنى اشىلعان ءماجىلىسى ىشكى سۇرانىمدى بار كۇشپەن كەڭەيتىپ، ءونىمدى قارجى قوسۋدىڭ شەشۋشى رولىن ساۋلەلەندىرىپ، جەر، ەنەرگيادان پايدالانۋ، قورشاعان ورتانى باعالاۋ سياقتىلاردى قامتاماسىز ەتۋدى كۇشەيتىپ، نەگىزدىك قۇرىلعى قۇرىلىسىن جاپپاي كۇشەيتۋدى تالاپ ەتتى.
سەنىمدى بەكەمدەپ، قيىندىقتان قامال الدى، جەر - جەر، تاراۋلار ىندەتتىڭ سوققىسىنا بەلسەنە توتەپ بەرىپ، ارتۋدى ورنىقتىرۋ ساياساتى مەن شارالارىن جەدەل تياناقتاندىرىپ، نەگىزدىك قۇرىلعى قۇرىلىسىن جاپپاي كۇشەيتتى، كەلەلى نىسانداردان شات حابار ارت - ارتىنان تارالدى.
قۇرىلىس اۋماعى 400 مىڭ شارشى مەتر كەلەدى! 6 - ايدىڭ 20 - كۇنى ازياداعى ەڭ ۇلكەن تەمىر جول تورابى ۆوكزالى − بەيجيڭ فىڭتاي ۆوكزالى ىسكە قوسىلدى، قۇرىلىس كولەمى گۋگۇڭ سارايىنىڭ قۇرىلىس كولەمىنىڭ 2 ەسەسىنەن استام بولىپ، «جوعارعى جاعىندا جۇردەك پويەز، جەر بەتىندە ادەتتەگى پويەز، جەر استىندا مەترو قاتىناۋ» جۇزەگە اسىرىلدى.
4 مىڭ 300 مەتر! 6 - ايدىڭ 30 - كۇنى ەلىمىزدىڭ باتىس وڭتۇستىك وڭىرىندەگى كولەمى ەڭ ۇلكەن، قوسىلعان قارجىسى ەڭ كوپ سۋ بايلىعىن ورنالاستىرۋ ينجەنەرياسى − ديانجۇڭ سۋ باستاۋ ينجەنەرياسى شياڭلۋ تۋنەلىن قازۋ اياق الىسى تاعى دا ىلگەرىلەدى. ينجەنەريا سالىنعاننان كەيىن، سۋ مولشەرى سالىستىرمالى جەتكىلىكتى جينشا وزەنىنىڭ نەگىزگى اعىسىنان ديانجۇڭ وڭىرىنە سۋ باستالىپ، ودان 11 ميلليون 120 مىڭ ادام يگىلىككە كەنەلەدى.
7 ميللي سەكۋند! 7 - ايدىڭ 1 - كۇنى بايحىتان - جياڭسۋ ەرەكشە جوعارى كەرنەۋلى تۇراقتى توك جەتكىزۋ ينجەنەرياسى ءبىتىپ، وندىرىسكە قوسىلدى، جەلىنىڭ جالپى ۇزىندىعى 2 مىڭ 80 كيلومەتر بولدى، سىچۋاننىڭ سۋ ەلەكترىن جياڭسۋعا تەز جەتكىزۋدە نەبارى 7 ميللي سەكۋند ۋاقىت جۇمسالىپ، ءار جىلى جەتكىزەتىن تازا ەلەكتر ەنەرگياسى نانجيڭنىڭ جارتى جىلدىق ەلەكتر مولشەرىمەن قارايلاس بولادى.
ءبىر - بىرلەگەن نەگىزدىك قۇرىلعى قۇرىلىسى نىساندارى جەدەل ىلگەرىلەتىلدى. ساندى مالىمەتتە كورسەتىلۋىنشە، بيىل 1 - ايدان 5 - ايعا دەيىن ەلىمىزدىڭ نەگىزدىك قۇرىلعىلارعا قوسقان قارجىسى وتكەن جىلدىڭ ۇقساس مەزگىلىندەگىدەن %6.7 ارتىپ، ارتۋ قارقىنى 1 - ايدان 4 - ايعا دەيىن 0.2 پايىز تەزدەگەن، جالپى قوسىلعان قارجىنىڭ ارتۋ قارقىنىنان 0.5 پايىز جوعارى بولعان.
ىشكى سۇرانىمدى بەلسەنە كەڭەيتىپ، نەگىزدىك قۇرىلعىلار قۇرىلىسىن بەلسەنە ىلگەرىلەتتى
5 - ايدىڭ 17 - كۇنى جياڭسۋدىڭ يانچىڭ قالاسىندا دۇنيە ءجۇزى بويىنشا جەكە كۇبى سيىمدىلىعى ەڭ ۇلكەن 270 مىڭ تەكشەمەتر سۇيىتىلعان تابيعي گاز ساقتاۋ باگى كرانمەن قۇراستىرىلدى.
«جەكە كۇمبەزشە اتتامالىعى 100 مەترگە تايايدى، سالماعى 800 توننادان اسادى، تۇتاس كرانمەن قۇراستىرۋدىڭ قيىندىعى ءبىرشاما زور». جۇڭگو تەڭىز مۇنايى يانچىڭ «جاسىل ەنەرگيا پورتى» نىسانى باس ديرەكتورىنىڭ ورىنباسارى يۋان بين تانىستىرىپ بىلاي دەدى: ەلىكتەمەلى يتەرۋ جانە ناق مايدان سىناعى ارقىلى كۇمبەزشە توبە مودەلىنىڭ بەتىنە جيىنى 3 گرۋپپا 8 كران ءتۇيىنى ورنالاستىرىلىپ، كرانمەن قۇراستىرۋ بارىسىندا دوعاشا توبە مودۋلىنىڭ ءپىشىنىن وزگەرتۋ مولشەرىن %5 ىشىندە مەڭگەرۋگە بولادى.
جۇڭگو تەڭىز مۇنايى يانچىڭ «جاسىل ەنەرگيا پورتىنىڭ» ءبىرىنشى مەرزىمدىك نىسانى 4 ورىنداعى 220 مىڭ تەكشەمەتر جيناۋ باگى مەن 6 ورىنداعى 270 مىڭ تەكشەمەتر جيناۋ باگىن قامتيدى، مەجەمەن 2023 - جىلدىڭ سوڭىندا بۇكىلدەي وندىرىسكە قوسىلعاننان كەيىن، سۇيىتىلعان تابيعي گازدىڭ جىلدىق ءبىر جاقتى ەتۋ قۋاتى 6 ميلليون تونناعا جەتىپ، جياڭسۋ ولكەسى بويىنشا حالىق تۇرمىسىنا ىستەتىلەتىن گازدى شامامەن 28 اي قامداي الادى.
مىڭ شاقىرىم شالعايداعى تاكلاماكان ءشولىنىڭ وڭتۇستىك جيەگىندە حوتاننان چارقىلىققا دەيىنگى تەمىر جولدا پويەز قاتىنادى.
«ءبىز كۇنىنە ەڭ جوعارى بولعاندا 7 ارقالىقتى، كۇنىنە ورتا ەسەپپەن 2 كيلومەتر رەليستى جاتقىزۋ سىندى قۇمدى شولدە تەمىر جول سالۋدىڭ جاڭا جىلدامدىعىن جاراتىپ، پويەزدىڭ ءساتتى قاتىناۋىنا جاقسى نەگىز قالادىق». جۇڭگو تەمىر جول توبى 14 - مەكەمەسى مەن حوتان - چارقىلىق تەمىر جولى PJS2 مەردىگەرلىك بولىگىنىڭ نىسان جاۋاپتىسى جاڭ گاڭ بىلاي دەدى: تەمىر جول تاسىمالى شينجياڭنىڭ لوپ، شەريا، كەريا، نيە، چارشان سياقتى جەرلەرىنە پويەز قاتىناماۋ تاريحىن اياقتاتتى، حوتان ايماعىنداعى بۇقارانىڭ شينجياڭنان شىعۋ جولى مىڭ كيلومەتردەن استام قىسقاردى.
شىعىس بولەكتەگى تەڭىز جاعالاۋىنان باتىس بولەكتەگى ءشول جازيراعا دەيىن، وتانىمىزدىڭ سولتۇستىك شەكارا وڭىرىنەن نانحاي تەڭىزىنىڭ جاعاسىنا دەيىن نەگىزدىك قۇرىلعىلار قۇرىلىسى تەزدەدى.
ءداستۇرلى نەگىزدىك قۇرىلعى قۇرىلىسى قاۋىرت جۇرىلۋدە. قاتىناسقا كوز جىبەرسەك، سىچۋان - شيزاڭ تەمىر جولى قۇرىلىسى ورنىقتى ىلگەرىلەپ، وزەن جاعالاۋى، تەڭىز جاعالاۋى سياقتى قاتىناس ستراتەگيالىق تىرەكتى ارنالارىنىڭ ءتۇيىندى جول بولەكتەرى، گۋاڭجوۋ - شىنجىن سياقتى ءبىر توپ توراپتىق اۋەجايلاردى كەڭەيتىپ سالۋ قۇرىلىسى جەدەل اتقارىلدى؛ ەنەرگياعا كوز جىبەرسەك، بايحىتاننان جىجياڭعا دەيىنگى ەرەكشە جوعارى كەرنەۋلى ەلەكتر جەتكىزۋ ارناسى، فۋجيان - گۋاڭدۇڭ توراپ ينجەنەرياسى جەدەل ىلگەرىلەپ، قۇمدى ءشولدى، شولەيت ءوڭىردى ءتۇيىن ەتكەن تۇڭعىش توپتاعى ءىرى تۇرپاتتى جەل ەلەكتر، فوتوۆولت بازاسى قۇرىلىسىنىڭ قارقىنى تەزدەدى؛ سۋ يگىلىگىنە كوز جىبەرسەك، الدىڭعى 5 ايدا ەلىمىز سۋ يگىلىگى قۇرىلىسىنا 310 ميلليارد 800 ميلليون يۋان قارجى قوسىپ، بىلتىرعى سول مەزگىلدەگىدەن %54 ارتتى.
جاڭا تيپتەگى نەگىزدىك قۇرىلعىلار جەدەل ورنالاستىرىلدى. نانجيڭ تىڭشۇن حۋادۇڭ ەسەپتەۋ بازاسى نىسانىنىڭ 2 - مەرزىمدىك قۇرىلىس ورنىندا ماشينالاردىڭ گۇرىلدەگەن داۋىسى تولاستامادى، جۇڭگو قۇرىلىس توبى 1 - مەكەمەسىنىڭ نىسان مەڭگەرۋشىسى حۋ چاڭحۇي جۇمىسشىلاردىڭ بولات دىڭگەكتى ورنالاستىرۋىنا قولباسشىلىق ەتۋدە. جالپى 10 ميلليارد يۋان قارجى قوسىلعان وسى نىساننىڭ جىلدىق ءونىم قۇنى 5 ميلليارد يۋاننان اسادى، مەجەمەن جىلىنا 300 مىڭ سەرۆەر وندىرىلەدى.
مەملەكەتتىك دامۋ جانە رەفورما كوميتەتى جوعارى تەحنيكا تارماق مەكەمەسى باستىعىنىڭ ورىنباسارى سۇن ۋەي بىلاي دەپ تانىستىردى: بيىل جىل باسىنان بەرى شىعىس پەن باتىستىڭ ساندى مالىمەتىن ۇشتاستىرۋ ينجەنەرياسى رەسمي جاپپاي باستالدى، بۇكىل ەلدەگى 10 مەملەكەتتىك ساندى مالىمەت ورتالىعى شوعىرىندا جاڭادان 25 نىسان جۇمىس باستاپ، ساندى مالىمەت ورتالىعىنىڭ كولەمى 540 مىڭ ولشەمدى سورەگە جەتىپ، ءار جاقتى 190 ميلليارد يۋاننان استام قارجى قوسۋعا جەتەكتەدى. مەجەمەن «14 – بەسجىلدىق» جوبا مەزگىلىندە ءىرى ساندى مالىمەت ورتالىعىنا قوسىلعان قارجى جىلىنا %20 تەن استام قارقىنمەن ارتىپ، ءار جاقتىڭ قوسقان قارجىسى 3 تريلليون يۋاننان اسادى.
حالىق تۇرمىسى نەگىزدىك قۇرىلعىلارى جەدەل تياناقتاندى. جالپىعا ءتيىمدى زەينەتكەرلىك، جالپىعا ءتيىمدى تاربيەلەۋ، جالپى حالىقتىق دەنە شىنىقتىرۋ سياقتى قۇرىلعى قۇرىلىستارىنا قولداۋ كورسەتىلىپ، قارتتاردى كۇتىمگە الۋ، بۇقارانىڭ دەنە شىنىقتىرۋى سياقتى قيىن ماسەلەلەر شەشىلدى؛ قالا - قالاشىقتارداعى كونە شاعىن رايونداردى جاڭالاۋ ىلگەرىلەتىلىپ، تۇرعىن ۇيلەردىڭ كونە بەت - بەينەسى جاڭالانىپ، قامتاماسىزدىق مايعا بەرىلەتىن تۇرعىن ۇيلەر كوبەيتىلىپ، تۇرعىنداردىڭ باسپانادان الاڭداماۋىنا مۇمكىندىك جاسالدى؛ قالانىڭ تاسقىننان ساقتانۋ، تاسقىن سۋدى ىعىستىرۋ سياقتى قۇرىلعىلار قۇرىلىسى كۇشەيتىلىپ، اپاتتان ساقتانۋ، اپات زيانىن ازايتۋ قۋاتى جوعارىلاتىلدى ... ولقىلىقتاردى تولىقتاپ، ءالسىز بۋىنداردى كۇشەيتىپ، ساپالى تۇرمىس كەڭىستىگىن قالىپتاستىرۋعا دەم بەرىلدى، 1 - ايدان 5 - ايعا دەيىن ەلىمىزدىڭ الەۋمەتتىك قۇرىلعىلاردى باسقارۋ كاسىبىنە قوسىلعان قارجىسى بىلتىرعى سول تۇستاعىدان %7.9 ارتتى.
«نەگىزدىك قۇرىلعى قۇرىلىسىن جاپپاي كۇشەيتۋ مەملەكەتتىڭ حاۋىپسىزدىگىن قامتاماسىز ەتۋدە، ەل ىشىندەگى ۇلكەن اينالىمدى ىركىلىسسىزدەندىرۋدە، ەل ءىشى مەن حالىقارا سىندى قوس اينالىمدى جەبەۋدە، ىشكى سۇرانىمدى ۇلعايتۋدا، ساپالى دامۋدى ىلگەرىلەتۋدە كەلەلى ءمان الادى» دەدى جۇڭگو ماكرولىق ەكونوميكانى زەرتتەۋ اكادەمياسى قارجى قوسۋدى زەرتتەۋ ورنىنىڭ اعا زەرتتەۋشىسى ليۋ ليفىڭ.
ساياسات جاعىنان باسا كۇش سالىنىپ، نەگىزدىك قۇرىلىسقا قارجى قوسۋعا لايىقتى بەيىمدەلۋگە قولداۋ كورسەتىلدى
جياڭشيدىڭ جاڭشۋ قالاسىندا يەلەگەن جەرى 109 مىڭ شارشى مەتر كەلەتىن، ءبىر ميلليارد 500 ميلليون يۋان قارجى قوسىلعان بينجياڭ جاڭا قالا حالىق شيپاحاناسى نىسان قۇرىلىسىنىڭ جۇمىس ورنىندا 30 نەشە جۇك تيەۋ - ءتۇسىرۋ ماشيناسى ارلى – بەرلى قايشالىسىپ، كراندار توقتاۋسىز جۇمىس جۇرگىزىپ، بولات ماتەريالدارى، بەتون سياقتى قۇرىلىس ماتەريالدارى جۇمىس ورنىنا جەتكىزىلدى.
«نىسان قارجىسىنىڭ قىسىمى اۋىر، ءبىر ميلليارد 200 ميلليون يۋاندىق ۇكىمەتتىڭ ارناۋلى زايومى ءبىزدىڭ كەزەك كۇتتىرمەيتىن ماسەلەمىزدى شەشتى. جاڭشۋ قالالىق دامۋ - قارجى قوسۋ توبى شەكتى سەرىكتەستىگىنىڭ باس ديرەكتورى ۋاڭ نيانرۋ بىلاي دەپ تانىستىردى: قاتىستى تاراۋلار نىسانعا «جاسىل ارنا» اشىپ، ءبىر ايدىڭ وزىندە - اق جەردىڭ سيپاتىن وزگەرتىپ بەردى، جەردىڭ لاستانۋىن باعالاۋ مالىمەتىن ءبىتىرۋ ۋاقىتىن 3/2 ۇلەس قىسقاردى.
چۇڭچيڭ قالاسى شاپيڭبا رايونىندا جۇڭشينۋان اۋماعىنداعى كونە شاعىن رايونداردى وزگەرتۋ دابىرالى جۇرگىزىلۋدە. بيىل شاپيڭبا رايونى 52 كونە شاعىن رايوندى وزگەرتىپ، 13 مىڭنان استام تۇرعىندار وتباسىنا تيىمدىلىك جاسادى. الايدا 100 ميلليون يۋاننان استام وزگەرتۋ قارجىسىنىڭ قىسىمى وڭايعا تۇسكەن جوق. «ورتالىق پەن قالانىڭ ارناۋلى قارجىسى 50 ميلليون يۋاننان استى، سونداي - اق جىل باسىندا مەجە ەسەپ كورسەتكىشى الدىن الا ءتۇسىرىلىپ، ماڭىزدى رول اتقاردى» - دەدى چۇڭچيڭ قالاسى شاپيڭبا رايوندىق تۇرعىن ءۇي جانە قالا قۇرىلىسى كوميتەتىنىڭ قاتىستى جاۋاپتىسى.
بيىل جىل باسىنان بەرى ماكرولىق ساياسات جاعىندا باس كۇش سالىنىپ، نەگىزدىك قۇرىلعىلارعا قارجى قوسۋ لايىقتى الدىن الا ورىستەتىلىپ، ولقىلىقتار تولىقتانىپ، ءالسىز بۋىندار كۇشەيتىلىپ، سەرپىن نىعايتىلدى، قازىرگىگە ءتيىمدى، ۇزاق بولاشاق تا كوزدەلگەن ءبىر توپ نىسان دالمە - ءدال تياناقتاندىرىلدى.
الدىن الا ورنالاستىرۋ جاساپ، الدىڭعى مەرزىمدىك قىزمەتتى تىڭعىلىقتى ىستەدى. بيىل جىل باسىنان بەرى جەر - جەر، تاراۋلار نىسانداردى زەرتتەۋدى، دالەلدەۋدى كۇشەيتىپ، ءتۇرلى تەكسەرىپ بەكىتۋ رەسمياتتەرىن جەدەل اتقارىپ، «ءبىر توبىن زاپاس ساقتاۋ، ءبىر توبىن باستاۋ، ءبىر توبىن قۇرۋ، ءبىر توبىن ءبىتىرۋ» سىندى تاماشا اينالىم قالىپتاستىردى. 1 - ايدان 5 - ايعا دەيىن بۇكىل ەل بويىنشا جاڭادان جۇمىس باستاعان نىسانداردىڭ جەكە سانى وتكەن جىلدىڭ ۇقساس مەزگىلىندەگىدەن %26.1 ارتتى، جاڭادان جۇمىس باستاعان نىساندارعا قوسۋ جوسپارلانعان جالپى قارجى %23.3 ارتتى، قارجىلاندىرۋ نىساندارىنا تياناقتانعان قارجى %18.4 ارتتى.
ءتۇيىندى مىقتى يگەرىپ، كەلەلى ينجەنەريالاردى كۇش سالا ىلگەرىلەتتى. گۇيياڭ - ناننيڭ جوعارى قارقىندى تەمىر جولى، ناننيڭ - يۇيلين تەمىر جولى جەدەل سالىنىپ، اقسۋ - ارال تەمىر جولى، حۋاڭگاڭ - حۋاڭمەي جوعارى قارقىندىق تەمىر جول ىركەس - تىركەس ىسكە قوسىلدى ... بيىل جىل باسىنان بەرى تەمىر جولدىڭ ءتۇيىندى ينجەنەريالىق قۇرىلىسى «جەدەل ىلگەرىلەۋ» باسقىشىنا ءوتىپ، الدىڭعى 5 ايدا تۇراقتى مۇلىككە جالپى 192 ميلليارد 300 ميلليون يۋان قارجى قوسىلىپ، قارجى قوسۋ ورنىقتىرىلدى.
قامتاماسىز ەتۋدى كۇشەيتىپ، قارجى، جەر جاعىنان پارمەندى قولدادى. بيىل جەرگىلىكتى ۇكىمەتتەردىڭ ارناۋلى زايوم كولەمى 3 تريلليون 650 ميلليارد يۋان بولىپ، نىسان قۇرىلىسىنا جۇمسالعان سوما تۇگەلدەي ءتۇسىرىلىپ، نىسان قارجىسى تولىق قامتاماسىزداندىرىلدى. سونىمەن بىرگە، جەر - جەر، تاراۋلار ءتۇيىندى نىساندارعا قارجى قۇراۋدى قولداۋ تەبىنىن بەلسەنە سايكەستىرىپ، ارتتىرىپ، جەردەن پايدالانۋ، ەنەرگيادان پايدالانۋ سياقتى فاكتورلاردى قامتاماسىز ەتۋدى كۇشەيتىپ، شارتقا ۇيلەسەتىن كەلەلى نىسانداردىڭ رەسمياتىن تارتىپپەن ءبىتىرىپ بەردى.
بەلسەندى جەتەكشىلىك ەتىپ، حالىقتىق قارجى قوسۋعا تولىق دەم بەردى. سانشي ولكەسىنىڭ بيىل 5 - توپتاعى ارناۋلى زايوم تاراتۋ كولەمى، قولداۋ كورسەتۋ نىساندارىنىڭ سانى تاريحتاعى ەڭ جوعارى دەڭگەيگە جەتتى، انحۇي ولكەسى بيىل 200 ميلليارد يۋاننان استام قالانى جاڭالاۋ، قايتا قۇرۋ قارجىسىن ورىنداماق ... حالىقتىق كاپيتالعا تانىستىرۋ نىساندارىنىڭ باياندى مەحانيزم رولىن تولىق ساۋلەلەندىرىپ، ۇكىمەت، بانكە، كاسىپورىن سەلبەستىگىنىڭ ساپالى دامۋىن كۇش سالا ىلگەرىلەتىپ، ۇكىمەتتىڭ قوعامدىق كاپيتال سەلبەستىگىن (PPP) ارناعا ءتۇسىرىپ ىلگەرىلەتىپ، ءتۇرلى نەگىزدىك قۇرىلعى قۇرىلىس نىساندارىنىڭ دەر كەزىندە تياناقتانۋىن قامتاماسىز ەتتى.
قازىر «14 – بەسجىلدىق» جوباداعى 102 كەلەلى ينجەنەريانىڭ اتقارىلۋى جالپى تۇلعالىق جاقتان ءساتتى بولدى. «جەر - جەردىڭ نىسانداردىڭ قۇرىلىس باستاۋ سەرپىنىن ارتتىرۋىنا بايلانىستى، ناقتى قىزمەت مولشەرى جەدەل قالىپتاستى، قارجى قوسۋدىڭ ورنىقتى ارتۋىنا پارمەندى تىرەك قالىپتاستىرۋىنان ءۇمىت بار» دەدى مەملەكەتتىك دامۋ جانە رەفورما كوميتەتى باس حاتشىسىنىڭ ورىنباسارى وۋ حۇڭ.
قازىرگى ۇزاق بولاشاققا تەڭ ءمان بەرۋ ساپالى دامۋدى ىلگەرىلەتۋدە كەلەلى مانگە يە
5 - ايدىڭ 28 - كۇنى گۋاڭدۇڭ ولكەسى ميجوۋ قالاسى ۋحۋا اۋدانىنىڭ وڭتۇستىگى جاسىل جەلەك جامىلىپ، كوز تارتادى، جالپى 7 ميلليارد 50 ميلليون يۋان قارجى قوسىلعان نانفاڭ ەلەكتر تورابى ميجوۋ سۋ ساقتاۋ ەلەكتر ستانسياسى وندىرىسكە قوسىلىپ، توك تاراتىپ، گۋاڭدۇڭ - شياڭگاڭ - اۋمىن ۇلكەن شىعاناق رايونىنىڭ جانىنداعى «جاسىل ەلەكتر استىق قامباسىنا» اينالدى.
نانفاڭ ەلەكتر تورابى جيىلىك رەتتەۋ سەرىكتەستىگى قۇرىلىس باسقارۋ سەرىكتەستىگى پارتيا قۇرىلىسى ءبولىمى مەڭگەرۋشىسىنىڭ ورىنباسارى لۇي چىڭ بىلاي دەپ تانىستىردى: ەلەكتر ستانسياسى قۇرىلىس كەزىندە جەرگىلىكتى ورىنداعى مىڭنان استام قىستاق تۇرعىنىن جۇمىس ورنىمەن قامدادى، سالىنىپ بولعاننان كەيىن، ءار جىلى ميجوۋ قالاسىنا 100 ميلليون يۋانعا جۋىق سالىق كىرىسىن كىرگىزەتىنى مەجەلەنىپ وتىر.
ەلەكتر ستانسياسىنىڭ شىعىس سولتۇستىگىنەن 80 كيلومەتر قاشىقتىقتا حۋاڭشىشين قىستاعىنداعى 450 دەن استام شاعىن عيمارات قاز - قاتار ءتىزىلىپ، نىسان بويىنشا كوشىرىپ ورنالاستىرىلعان بۇقارا شاتتىققا شومدى. حۋاڭشىشين قىستاعى قىستاق كوميتەتىنىڭ مۇشەسى ليۋ جانحۇي بىلاي دەدى: «اۋداندا 20 نەشە ءتۇرلى شەبەرلىك كۋرسى اشىلدى، اقىسىز قاتىناسۋىمىزعا بولادى، قازىر قىستاقتاعى ورتا جاستاعىلار مەن جاستاردىڭ كوبى جاقىن ماڭداعى زاۆودتاردا جانە ساۋدا سارايلارىندا جۇمىس ىستەيدى، وقۋعا ءتۇسۋ، جۇمىسقا شىعۋ، اۋرۋ كورسەتۋ، زات ساتىپ الۋ تاۋ ىشىندە وتىرعاننان الدەقايدا قولايلى بولدى!»
نەگىزدىك قۇرىلعى − ەكونوميكالىق، قوعامدىق دامۋدىڭ ماڭىزدى تىرەگى، نەگىزدىك، جەتەكشىلىك، ستراتەگيالىق، جەتەكشىلىك رولعا يە.
جاڭالىق جاراتۋعا دەم بەرىپ، نەگىزدىك قۇرىلعىلار تۇعىرى ازىرلەندى. 7 - ايدىڭ 1 - كۇنى ەل ىشىندە ديامەترى ەڭ ۇلكەن تەڭىز استى تۋنەلى − شىنجىن ماۋان تەڭىزدەن كوكتەي وتەتىن جولى سالىنىپ، وڭ جاقتان قازىلعان بولەگى ءبىر مىڭ 100 مەتردەن استى. جۇڭگو جۇڭتيە تۋنەل مەكەمەسى شىنجىن ماۋان تەڭىزدەن كوكتەي وتەتىن وتكەل نىسانىنىڭ مەڭگەرۋشىسى ما لينپو بىلاي دەدى: «جەلىدەگى جۇمساق – قاتتىلىعى بىركەلكى بولماعان تاۋ جىنىسى قاباتىنىڭ سالىستىرماسى %50 تەن استى، باعىمىزعا جاراي، ءبىز دەربەس زەرتتەپ جاساعان ەرەكشە ۇلكەن ديامەترلى قۇرىلىم ‹ماۋان› ءنومىرلى جابدىعىمىز بار، قازۋ، قۇرىلىس جۇرگىزۋ ونىمدىلىگى بارىنشا جوعارىلادى. ءىرى ينجەنەريا − ەلىمىزدە وندىرىلگەن ماڭىزدى جابدىقتاردى سىناقتان وتكىزۋ الاڭى، ەلىمىزدە وندىرىلگەن ماڭىزدى جابدىقتار − جۇڭگو جاساعان وتكىر قارۋ، ءوزارا ءتيىمدى تۇردە ءبىرىن - ءبىرى جەبەپ، كاسىپ تىزبەگىنىڭ جاڭالىق جاراتۋ نەگىزىندە جوعارى ورەگە كوتەرىلۋىنە دەم بەرەدى».
سايكەستىكتى جەبەپ، نەگىزدىك قۇرىلعىنىڭ التىن كوپىرىن سالدى. بەيجيڭ تۇڭجوۋدا حىدۇڭ بايلىقتان اينالمالى پايدالانۋ ورتالىعى 1 - مەرزىمدىك قۇرىلىس نىسانىنىڭ قۇرىلىس ورنىندا 300 دەن استام جۇمىسشى قۇبىر جەلىسىن ورناتۋمەن، رەتتەۋمەن قاربالاس بولۋدا، بۇل ارادا 27 مىڭ شارشى مەترلىك تومەن شوگىندى، قايتا تۋىندايتىن سۋ زاۆودى قۇرىلادى. «سۋ زاۆودىن جەر استىنا جاسىرىپ قانا قويماي، شۋىلدى تومەندەتىپ، ساسىق ءيىستى جويۋعا دا بولادى». جۇڭگو سۋ ورتاسى توبىنىڭ باس جوراسى حوۋ فىڭ بىلاي دەپ تانىستىردى: نىسان سالىنىپ بولعاننان كەيىن قازىرگى حىدۇڭ قايتا تۋىندايتىن سۋ زاۆودىمەن كۇنىنە 108 مىڭ توننا لاس سۋدى ءبىر جاقتى ەتۋ كولەمىن قالىپتاستىرىپ، بەيجيڭ قالاسىنىڭ قوسالقى ورتالىعىنىڭ شىعىس بولەگىندەگى وڭىرلەردە لاس سۋدى ءبىر جاقتى ەتۋ جانە قايتا تۋىندايتىن سۋدان پايدالانۋ قاجەتىن قاناعاتتاندىرادى.
حالىق تۇرمىسىنا تيىمدىلىك جاساپ، نەگىزدىك قۇرىلعىلاردىڭ نەگىزىن قالادى. اۋىل - قىستاقتىڭ گۇلدەنۋىنە دەم بەرۋ ءۇشىن، بيىل 3 - دارەجەلى جانە ودان جوعارى دارەجەلى تاس جول تىڭنان 460 اۋىل – قالاشىققا جەتكىزىلەدى؛ بۇقارانىڭ ءجۇرىس - تۇرىسىنا قولايلى بولۋ ءۇشىن، بيىل 3 مىڭ 300 كيلومەتردەن استام تەمىر جول جاڭا لەنياسى ىسكە قوسىلادى؛ تۇرعىنداردىڭ حاۋىپسىزدىگىن قورعاۋ ءۇشىن، بيىل 20 مىڭ كيلومەتر حاۋىپسىزدىك كومەسكى قاتەرى بار جانار گاز قۇبىرىن وزگەرتىپ سالۋعا كۇش سالىنادى ...، نەگىزدىك قۇرىلعى قۇرىلىس نىساندارى حالىق تۇرمىسىن جاقسارتىپ، حالىق جۇرەگىن جىلىتىپ، بۇقارانىڭ تابىس سەزىمىنىڭ اناعۇرلىم جەتكىلىكتى، باقىت سەزىمىنىڭ اناعۇرلىم باياندى، حاۋىپسىزدىك سەزىمىنىڭ اناعۇرلىم قامتاماسىز بولۋىنا مۇمكىندىك جاسايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
