بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ج ك پ ورتالىق كوميتەتى پارتيا سىرتىنداعى قايراتكەرلەردىڭ اڭگىمە ءماجىلىسىن اشتى

2022.07.29 16:36     كەلۋ قاينارى : حالىق تورابى

  قازىرگى ەكونوميكالىق جاعداي جانە سوڭعى جارتى جىلداعى ەكونوميكالىق قىزمەت جونىندە

  ج ك پ ورتالىق كوميتەتى پارتيا سىرتىنداعى قايراتكەرلەردىڭ اڭگىمە ءماجىلىسىن اشتى

  شي جينپيڭ ءماجىلىستى باسقاردى ءارى ماڭىزدى ءسوز سويلەدى

  لي كىچياڭ قاتىستى جاعدايلاردى حابارلاندىردى، ۋاڭ ياڭ، ۋاڭ حۋنيڭ، حان جىڭ ماجىلىسكە قاتىناستى


  ■ جان - جاقتى تۇجىرىم جاساعاندا، ەلىمىزدىڭ دامۋىندا ءالى دە كوپتەگەن ستراتەگيالىق ءتيىمدى شارت - جاعداي بار، ەلىمىز ەكونوميكاسىنىڭ سەرپىمدىلىگى كۇشتى، كومەسكى كۇشى زور، ومىرشەڭدىك كۇشى مىعىم، ۇزاق ۋاقىت جاقسارۋ نەگىزگى جاعدايى وزگەرمەيدى. ج ك پ ورتالىق كوميتەتىنىڭ شەشىمدەرى مەن ورنالاستىرۋلارىن دايەكتى تياناقتاندىرىپ، وزگەرىستى دۇرىس تانىپ، وزگەرىسكە عىلمي توتەپ بەرىپ، وزگەرىسكە ىرىقتىلىقپەن ۇمتىلعاندا عانا، ءسوز جوق، تاريحي ورايدى مىقتى يگەرىپ، دامۋدىڭ ۇتىمدى ورايىنا قول جەتكىزۋگە بولادى. كوپشىلىك يدەيا مەن ارەكەتتى ج ك پ ورتالىق كوميتەتىنىڭ ەكونوميكالىق جاعداي جونىندەگى تالداۋىمەن، تۇجىرىمىمەن جانە ەكونوميكالىق قىزمەت جونىندەگى شەشىمدەرىمەن، ورنالاستىرۋلارىمەن بىرلىككە كەلتىرىپ، جاڭا جاعداي، جاڭا ماسەلەلەرگە باعىتتاي وتىرىپ ىشكەرىلەي تەكسەرۋ - زەرتتەۋ جۇرگىزىپ، قوعام جاعدايى مەن حالىق رايىن دەر كەزىندە اڭىس ەتىپ، ناقتى شارالاردى كوبىرەك ۇسىنىپ، ۇزاق بولاشاقتىق جوسپاردى كوبىرەك قاراستىرۋى كەرەك

  ■ ىندەتتەن ساقتانۋ، ەكونوميكانى ورنىقتىرۋ، دامۋ حاۋىپسىز بولۋ تالابىن جاپپاي تياناقتاندىرۋ − تۇتاس تۇلعا، تانىمدى، تياناقتاندىرۋدى، باعالاۋدى ءبىر تۇلعالاندىرىپ، ەكونوميكانىڭ قالپىنا كەلۋ بەتالىسىن بەكەمدەپ، ەڭ جاقسى ناتيجەنى جۇزەگە اسىرۋعا كۇش سالۋ كەرەك. ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋ قىزمەتىن جوعارى ونىمدىلىكپەن ءبىر تۇتاس جوسپارلاۋ كەرەك. حالىقتى بارىنەن جوعارى قويۋدا، ءومىردى بارىنەن جوعارى قويۋدا، اۋقىمدىق نولگە تۇسىرۋدە، سىرتتان كىرۋدەن، ىشكى جاقتا قايتا بەلەڭ الۋدان ساقتانۋدا تاباندى بولۋ كەرەك. ماكرولىق ساياساتتا سۇرانىستى كەڭەيتۋ جاعىندا بەلسەنە ءىس تىندىرىپ، قازىنا - اقشا ساياساتىندا قوعامدىق سۇرانىستىڭ جەتەرسىزدىگىن ءونىمدى تولىقتاپ، اينالىمنىڭ ۇيلەسىمدى، جەتكىلىكتى بولۋىن ساقتاۋ كەرەك. كاسىپ تىزبەگىنىڭ، قامداۋ تىزبەگىنىڭ ورنىقتىلىعى مەن حالىقارالىق باسەكەلىك قۋاتىن جوعارىلاتىپ، ەل ىشىندەگى كاسىپ تىزبەگىنىڭ ورنالاسۋىن ساپالىلاندىرۋ كەرەك. مەملەكەتتىڭ جالپى تۇلعالىق حاۋىپسىزدىك كوزقاراسىن تياناقتاندىرىپ، استىق حاۋىپسىزدىگىن قامتاماسىز ەتۋدى كۇشەيتىپ، ەنەرگيامەن، بايلىقپەن قامداۋدى قامتاماسىز ەتۋ قابىلەتىن جوعارىلاتىپ، فينانس بازارىنىڭ جالپى تۇلعالىق ورنىقتىلىعىن ساقتاۋ كەرەك. رەفورما جاساپ، ەسىك اشۋدى ەكونوميكالىق دامۋدىڭ قوزعاۋشى كۇشى ەتۋ كەرەك. حالىق تۇرمىسىن قامتاماسىز ەتۋ قىزمەتىن تىڭعىلىقتى ىستەپ، قيىنشىلىعى بار بۇقارانىڭ نەگىزگى تۇرمىسىن كۇش سالا قامتاماسىز ەتىپ، جوعارى مەكتەپتەردەن وقۋ بىتىرگەن وقۋشىلاردى جۇمىستاندىرۋ قىزمەتىن جاقسى ىستەۋ كەرەك

  شينحۋا اگەنتتىگى، 7 - ايدىڭ 28 - كۇنى، بەيجيڭ. 7 - ايدىڭ 25 - كۇنى ج ك پ ورتالىق كوميتەتى جۇڭنانحايدا پارتيا سىرتىنداعى قايراتكەرلەردىڭ اڭگىمە ءماجىلىسىن اشىپ، قازىرگى ەكونوميكالىق جاعداي جانە سوڭعى جارتى جىلداعى ەكونوميكالىق قىزمەت جونىندە دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارىنىڭ جانە پارتيادا، توپتا جوق قايراتكەرلەردىڭ ۋاكىلدەرىنىڭ پىكىرلەرى مەن ۇسىنىستارىن تىڭدادى. ج ك پ ورتالىق كوميتەتىنىڭ باس شۋجيى شي جينپيڭ اڭگىمە ءماجىلىسىن باسقاردى ءارى ماڭىزدى ءسوز سويلەپ بىلاي دەپ دارىپتەدى: جان - جاقتى تۇجىرىم جاساعاندا، ەلىمىزدىڭ دامۋىندا ءالى دە كوپتەگەن ستراتەگيالىق ءتيىمدى شارت - جاعداي بار، ەلىمىز ەكونوميكاسىنىڭ سەرپىمدىلىگى كۇشتى، كومەسكى كۇشى زور، ومىرشەڭدىك كۇشى مىعىم، ۇزاق ۋاقىت جاقسارۋ نەگىزگى جاعدايى وزگەرمەيدى. ج ك پ ورتالىق كوميتەتىنىڭ شەشىمدەرى مەن ورنالاستىرۋلارىن دايەكتى تياناقتاندىرىپ، وزگەرىستى دۇرىس تانىپ، وزگەرىسكە عىلمي توتەپ بەرىپ، وزگەرىسكە ىرىقتىلىقپەن ۇمتىلعاندا عانا، ءسوز جوق، تاريحي ورايدى مىقتى يگەرىپ، دامۋدىڭ ۇتىمدى ورايىنا قول جەتكىزۋگە بولادى. كوپشىلىك يدەيا مەن ارەكەتتى ج ك پ ورتالىق كوميتەتىنىڭ ەكونوميكالىق جاعداي جونىندەگى تالداۋىمەن، تۇجىرىمىمەن جانە ەكونوميكالىق قىزمەت جونىندەگى شەشىمدەرىمەن، ورنالاستىرۋلارىمەن بىرلىككە كەلتىرىپ، جاڭا جاعداي، جاڭا ماسەلەلەرگە باعىتتاي وتىرىپ ىشكەرىلەي تەكسەرۋ - زەرتتەۋ جۇرگىزىپ، قوعام جاعدايى مەن حالىق رايىن دەر كەزىندە اڭىس ەتىپ، ناقتى شارالاردى كوبىرەك ۇسىنىپ، ۇزاق بولاشاقتىق جوسپاردى كوبىرەك قاراستىرۋى كەرەك.

  ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، ۋاڭ ياڭ، ۋاڭ حۋنيڭ، حان جىڭ اڭگىمە ماجىلىسىنە قاتىناستى. لي كىچياڭ ج ك پ ورتالىق كوميتەتىنىڭ تاپسىرۋىمەن الدىڭعى جارتى جىلداعى ەكونوميكالىق قىزمەتكە قاتىستى جاعدايلاردى حابارلاندىرىپ، سوڭعى جارتى جىلداعى ەكونوميكالىق قىزمەت جونىندەگى قاتىستى ويلاردى تانىستىردى.

  اڭگىمە ماجىلىسىندە جۇڭگو گومينداڭ توڭكەرىستىك كوميتەتى ورتالىق كوميتەتىنىڭ ءتوراعاسى ۋان ىشياڭ، جۇڭگو دەموكراتيالىق وداعى ورتالىق كوميتەتىنىڭ ءتوراعاسى ديڭ جۇڭلي، جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ءتوراعاسى حاۋ ميڭجين، جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ءتوراعاسى ساي دافىڭ، جۇڭگو شارۋا - جۇمىسشى دەموكراتيالىق پارتياسى ورتالىق كوميتەتىنىڭ ءتوراعاسى چىن جۋ، جۇڭگو ادىلەت پارتياسى ورتالىق كوميتەتىنىڭ ءتوراعاسى ۋان گاڭ، «3 - قىركۇيەك» ءىلمي قوعامى ورتالىق كوميتەتىنىڭ ءتوراعاسى ۋ ۋەيحۋا، تايۋان دەموكراتيالىق اۆتونوميا وداعى ورتالىق كوميتەتىنىڭ ءتوراعاسى سۋ حۇي، مەملەكەتتىك ساۋدا - ونەركاسىپشىلەر بىرلەستىگىنىڭ ءتوراعاسى گاۋ يۇنلۇڭ، پارتيادا، توپتا جوق قايراتكەرلەردىڭ ۋاكىلى ۋاڭ مەيشياڭ لەبىز ءبىلدىردى. ولار ج ك پ ورتالىق كوميتەتىنىڭ قازىرگى ەلىمىزدىڭ ەكونوميكالىق جاعدايىنا تالداۋ جاساۋ، تۇجىرىم جاساۋ جانە سوڭعى جارتى جىلداعى ەكونوميكالىق قىزمەت جونىندەگى جوباسىن، ويلارىن تولىق قۇپتادى ءارى تۇتىنۋ كومەسكى كۇشىن اشىپ، دامۋدىڭ قوزعاۋشى كۇشىن ارتتىرۋ، بازارعا شىعارىلعان سەرىكتەستىكتەردى باقىلاۋ - باسقارۋ زاڭ - ەرەجەلەرىن كەمەلدەندىرۋ، ءتۇيىندى سالالارداعى فينانستىق قولداۋ تەبىنىن ارتتىرۋ، شارۋا جۇمىسكەرلەر مەن جاستاردىڭ جۇمىستانۋىن كۇش سالا جەبەۋ، ىندەتتەن ساقتانۋ - تىزگىندەۋدىڭ نەگىزدىك ءتۇيىندى قىزمەتتەرىن كۇشەيتۋ، وسى زامانعى ەنەرگيا، ەلەكتر بازارىن قۇرۋ، سيفرلى ەكونوميكا سالىق ءتۇزىمى جۇيەسىن كەمەلدەندىرۋ، مادەنيەت ارقىلى حالىقتى اۋقاتتاندىرۋدى ىلگەرىلەتىپ، بىرگە اۋقاتتانۋدى جەبەۋ، كاسىپورىندارعا تيىمدىلىك جاساپ، قيىنشىلىعىن شەشۋ ساياساتىن اتقارۋ تەبىنىن ارتتىرۋ، وزەكتى سالالارداعى ەل ىشىندە قامال الۋدى ىلگەرىلەتۋ سياقتىلار جونىندە پىكىر جانە ۇسىنىس قويدى.

  كوپشىلىكتىڭ ءسوزىن مۇقيات تىڭداعاننان كەيىن شي جينپيڭ ماڭىزدى ءسوز سويلەدى. ول مىنانى ءبىلدىردى: بيىل الدىڭعى جارتى جىلدا كۇردەلى دە اۋىر حالىقارالىق جاعداي مەن ەل ىشىندەگى جاپالى دا اۋىر رەفورما، دامۋ، ورنىقتىلىق مىندەتى الدىندا ءبىز ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءونىمدى ءبىر تۇتاس جوسپارلاپ، ءتۇرلى حاۋىپ - قاتەر مەن سىن - سايىسقا ءونىمدى توتەپ بەرىپ، ەكونوميكالىق، قوعامدىق دامۋ جالپى جاعدايىنىڭ جالپى تۇلعالىق ورنىقتىلىعىن ساقتادىق. وسى مەزگىلدە دەموكراتيالىق پارتيا - توپتاردىڭ ورتالىق كوميتەتتەرى، مەملەكەتتىك ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر ىندەتتەن ساقتانۋ - تىزگىندەۋ قىزمەتىن بەلسەنە قولداپ، نازاردى بىرگە اۋقاتتانۋدى تىڭعىلىقتى ىلگەرىلەتۋ، كومىر قىشقىل گازىنىڭ شىعارىلۋىن جوعارى مانگە جەتكىزۋ، كومىر قىشقىل گازىن بەيتاراپتاندىرۋ سياقتى ماڭىزدى تاقىرىپتاردى ءبىر تۇتاس جوسپارلاپ ىلگەرىلەتۋگە شوعىرلاندىرىپ، ىشكەرىلەي تەكسەرۋ - زەرتتەۋ جۇرگىزىپ، اقىل - كەڭەس بەرىپ، ج ك پ ورتالىق كوميتەتىنىڭ عىلمي شەشىم جاساۋىنا، ءونىمدى شارا قولدانۋىنا ماڭىزدى پايدالانۋ ماتەريالىن ازىرلەدى. دەموكراتيالىق پارتيا - توپتاردىڭ ورتالىق كوميتەتتەرى، پارتيادا، توپتا جوق قايراتكەرلەر چاڭجياڭ وزەنىنىڭ ەكولوگيالىق ورتاسىن قورعاۋعا دەموكراتيالىق باقىلاۋ جۇرگىزۋدى بەلسەنە ورىستەتىپ، ءىس جۇزىندىكتى تياناق ەتىپ، ءوز ارتىقشىلىقتارىن ساۋلەلەندىرىپ، ج ك پ ورتالىق كوميتەتىنىڭ قاتىستى شەشىمدەرى مەن ورنالاستىرۋلارىنىڭ ناقتاپ تياناقتانۋىن ىلگەرىلەتتى. مەملەكەتتىك ساۋدا - ونەركاسىپشىلەر بىرلەستىگى فۋنكتسيالىق ابزالدىعىن ساۋلەلەندىرىپ، «حالىقتىق كاسىپورىندار مەن جوعارى مەكتەپتەر قول ۇستاسا وتىرىپ جۇمىستانۋدى جەبەۋ ارەكەتىن» باستاپ، «10 مىڭ كاسىپورىن 10 مىڭ قىستاققا كومەكتەسۋ» مەن «10 مىڭ كاسىپورىن 10 مىڭ قىستاقتى گۇلدەندىرۋ» ارەكەتىنىڭ ءونىمدى ۇشتاسۋىن ىلگەرىلەتىپ، حالىقتىق كاسىپورىنداردى قوعامدىق جاۋاپكەرلىكتى بەلسەنە اتقارۋعا جەتەكتەپ، حالىقتىق كاسىپورىنداردىڭ ساپالى دامۋىن جەبەدى. شي جينپيڭ ج ك پ ورتالىق كوميتەتى اتىنان كوپشىلىككە شىن جۇرەكتەن العىس ايتتى.

  شي جينپيڭ مىنالاردى اتاپ كورسەتتى: كوپشىلىك سوزىندە الدىڭعى جارتى جىلداعى ەكونوميكالىق قىزمەتتە قول جەتكەن ناتيجەلەردى تولىق تۇراقتاندىردى ءارى قازىرگى ەكونوميكالىق جاعدايدى دۇرىس تانۋ، سوڭعى جارتى جىلداعى ەكونوميكالىق قىزمەتتى جاقسى ىستەۋ جونىندە باعىتتامالىلىعى مەن سىندارلىلىعى اسا كۇشتى ۇسىنىس - پىكىرلەردى العا قويدى، ءبىز مۇقيات زەرتتەپ، بەلسەنە قابىلدايمىز.

  شي جينپيڭ مىنالاردى اتاپ كورسەتتى: بيىل جىل باسىنان بەرى ءبىز ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، ۇلكەن شاڭحايدى قورعاۋ شايقاسىن جۇرگىزدىك، ىندەتتەن ساقتانۋ - تىزگىندەۋ ۋحاندى قورعاۋ شايقاسىنان بەرگى ەڭ اۋىر سىننان ءوتتى، ەكونوميكالىق، قوعامدىق دامۋدا تىڭ تابىستارعا قول جەتكىزدىك، بۇكىل ەل بويىنشا جوعارىدان تومەنگە دەيىن جاپالى قۇلشىنىستار جاسادىق، تابىستار تولىق تۇراقتاندىرۋعا تاتيدى. قيىنشىلىقتى كورە بىلۋمەن بىرگە، حاۋىپ - قاتەردىڭ ىشىندە ورايدىڭ بار ەكەنىن دە كورە ءبىلۋىمىز كەرەك، تەك ستراتەگيالىق ۇستامدىلىقتى ساقتاپ، ءوز ءىسىمىزدى تاباندىلىقپەن جاقسى ىستەسەك بولعانى، حاۋىپ - قاتەردەن قۇتىلىپ، حاۋىپ - قاتەردى ورايعا اينالدىرۋىمىزعا ابدەن بولادى.

  شي جينپيڭ مىنالاردى دارىپتەدى: ىندەتتەن ساقتانۋ، ەكونوميكانى ورنىقتىرۋ، دامۋ حاۋىپسىز بولۋ تالابىن جاپپاي تياناقتاندىرۋ − تۇتاس تۇلعا، تانىمدى، تياناقتاندىرۋدى، باعالاۋدى ءبىر تۇلعالاندىرىپ، ەكونوميكانىڭ قالپىنا كەلۋ بەتالىسىن بەكەمدەپ، ەڭ جاقسى ناتيجەنى جۇزەگە اسىرۋعا كۇش سالۋ كەرەك. ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋ قىزمەتىن جوعارى ونىمدىلىكپەن ءبىر تۇتاس جوسپارلاۋ كەرەك. حالىقتى بارىنەن جوعارى قويۋدا، ءومىردى بارىنەن جوعارى قويۋدا، اۋقىمدىق نولگە تۇسىرۋدە، سىرتتان كىرۋدەن، ىشكى جاقتا قايتا بەلەڭ الۋدان ساقتانۋدا تاباندى بولۋ كەرەك. ماكرولىق ساياساتتا سۇرانىستى كەڭەيتۋ جاعىندا بەلسەنە ءىس تىندىرىپ، قازىنا - اقشا ساياساتىندا قوعامدىق سۇرانىستىڭ جەتەرسىزدىگىن ءونىمدى تولىقتاپ، اينالىمنىڭ ۇيلەسىمدى، جەتكىلىكتى بولۋىن ساقتاۋ كەرەك. كاسىپ تىزبەگىنىڭ، قامداۋ تىزبەگىنىڭ ورنىقتىلىعى مەن حالىقارالىق باسەكەلىك قۋاتىن جوعارىلاتىپ، ەل ىشىندەگى كاسىپ تىزبەگىنىڭ ورنالاسۋىن ساپالىلاندىرۋ كەرەك. مەملەكەتتىڭ جالپى تۇلعالىق حاۋىپسىزدىك كوزقاراسىن تياناقتاندىرىپ، استىق حاۋىپسىزدىگىن قامتاماسىز ەتۋدى كۇشەيتىپ، ەنەرگيامەن، بايلىقپەن قامداۋدى قامتاماسىز ەتۋ قابىلەتىن جوعارىلاتىپ، فينانس بازارىنىڭ جالپى تۇلعالىق ورنىقتىلىعىن ساقتاۋ كەرەك. رەفورما جاساپ، ەسىك اشۋدى ەكونوميكالىق دامۋدىڭ قوزعاۋشى كۇشى ەتۋ كەرەك. حالىق تۇرمىسىن قامتاماسىز ەتۋ قىزمەتىن تىڭعىلىقتى ىستەپ، قيىنشىلىعى بار بۇقارانىڭ نەگىزگى تۇرمىسىن كۇش سالا قامتاماسىز ەتىپ، جوعارى مەكتەپتەردەن وقۋ بىتىرگەن وقۋشىلاردى جۇمىستاندىرۋ قىزمەتىن جاقسى ىستەۋ كەرەك.

  شي جينپيڭ كوپشىلىككە 3 ءتۇرلى ءۇمىت ارتتى. ءبىرىنشى، يدەيانى بىرلىككە كەلتىرىپ، قازىرگى ەكونوميكالىق جاعدايدى دۇرىس تانىپ، ىنتىماقتاسا العا باساتىن ساياسي ورتاق تانىمدى ۇيىستىرىپ، ءبىر نيەتپەن سەلبەسىپ، العا باسۋ بارىسىنداعى حاۋىپ - قاتەر مەن سىنداردى جەڭۋ كەرەك. ەكىنشى، ابزالدىقتى ساۋلەلەندىرىپ، ەكونوميكانىڭ، قوعامنىڭ باياندى، اقاۋسىز دامۋىنا ۇلەس قوسۋ كەرەك. ءۇشىنشى، زەيىن - زەردەنى، كۇش - قۋاتتى شوعىرلاندىرىپ، ج ك پ 20 - قۇرىلتايىنىڭ اشىلۋىنا تاماشا ورتا ازىرلەۋ كەرەك. دەموكراتيالىق پارتيا - توپتار كەزەك اۋىستىرۋ قىزمەتىن ورنىقتى، ءتارتىپتى ىلگەرىلەتىپ، ساياسي وتكىزىپ بەرۋ - وتكىزىپ الۋدى تەرەڭدەتۋ سىندى نەگىزگى جەلىنى مىقتاپ ارقاۋ ەتىپ، ساياسي بەتالىستىڭ وزگەرمەۋىنە، تاڭداۋلى ءداستۇردىڭ وزگەرمەۋىنە، ابزالدىقتىڭ، ەرەكشەلىكتىڭ وزگەرمەۋىنە كەپىلدىك ەتۋ كەرەك. مەملەكەتتىك ساۋدا - ونەركاسىپشىلەر بىرلەستىگى حالىقتىق شارۋاشىلىق قايراتكەرلەرىنە يدەيالىق - ساياسي جەتەكشىلىكتى كۇشەيتىپ، ساياساتتى ۇگىتتەۋدى، ءتۇسىندىرۋدى ويداعىداي ىستەپ، ناقتى شارالار ارقىلى جۇرت كوڭىلىن ورنىقتىرىپ، جۇرت كوڭىلىن جەلپىندىرىپ، جۇرت تىلەگىن ۇيىستىرۋى كەرەك.

  ديڭ شۋەشياڭ، ليۋ حى، سۇن چۇنلان، حۋ چۇنحۋا، يوۋ چۋان، ۋاڭ يۇڭ، شياۋ جيە، حى ليفىڭ، ج ك پ ورتالىق كوميتەتىنىڭ، مەملەكەتتىك كەڭەستىڭ قاتىستى تاراۋلارىنداعى جاۋاپتىلار اڭگىمە ماجىلىسىنە قاتىناستى.

  اڭگىمە ماجىلىسىنە پارتيا سىرتىنداعى قايراتكەرلەردەن تاعى چىن شياۋگۋاڭ، جىڭ جيانباڭ، گۋ شىڭزۋ، حى ۋەي، شاۋ حۇڭ جانە جياڭ زوجۇن، لي يۋەفىڭ، حۋاڭ رۇڭ، دۋ يىڭفىن قاتارلىلار قاتىناستى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار