گەنى وڭدەلگەن شولاق قۇيرىق ءبيازى ءجۇندى قويدىڭ جاڭا تۇقىمدىق پلازماسىن جاساۋ تۇڭعىش رەت تابىستى بولدى
2022.08.15 16:38 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ما اڭيۇي 8 - ايدىڭ 13 - كۇنى ۇرىمجىدەن حابارلايدى. شينجياڭ مال شارۋاشىلىعى عىلىم اكادەمياسىنان ۇعىسۋىمىزشا، جۇڭگو اۋىل شارۋاشىلىعى داشۋەسى مەن شينجياڭ مال شارۋاشىلىعى عىلىم اكادەمياسى سەلبەسىپ جۇرگىزگەن قويدىڭ جاڭا تۇقىمدىق پلازماسىن جاساۋ جونىندەگى زەرتتەۋدە سەرپىلىستىك ىلگەرىلەۋشىلىككە قول جەتكىزىلىپ، گەنى وڭدەلگەن شولاق قۇيرىق ءبيازى ءجۇندى قويدىڭ جاڭا تۇقىمدىق پلازماسىن جاساۋ تۇڭعىش رەت تابىستى بولعان.
ۇعىسۋىمىزشا، زەرتتەۋ ۇجىمى 5 جىلدىق تاجىريبە جاساۋ، زەرتتەۋ جۇرگىزۋ ارقىلى جابايى جانە قولدا باعىلعان قويلاردىڭ حروموسوماسىنىڭ يەۆوليۋتسيا مەحانيزمى جونىندە ىزدەنىس جاساعان. گەندەردى بايلانىستىرىپ تالداۋ ارقىلى دەنە سالماعى، بوي بيىكتىگى، كەۋدە اينالىمى، قۇيرىق اينالىمى جانە قۇيرىق ۇزىندىعى سياقتى ماڭىزدى فەنوتيپتىك پىشىندەرمەن قاتىستى ءبىر توپ ماڭىزدى فۋنكتسيالىق گەندەر جانە ولاردىڭ مۋتاتسيالانۋى بايقالعان. بۇل گەندەر جانە گەندىك مۋتاتسيالانۋ قويدىڭ تۇقىمدىق پلازماسىنا جاڭا كانديدات گەندەر ۇسىنادى، اسىرەسە، قويدىڭ قۇيرىعىنىڭ ۇزىندىعى مەن قۇيرىق ومىرتقا سانىنا ىقپال ەتەتىن TBXT گەنىنىڭ مۋتاتسيالانۋىنىڭ بايقالۋى شولاق قۇيرىق قوي جەتىلدىرۋگە باعالى گەن بايلىعىن ازىرلەدى.
جۇڭگو اۋىل شارۋاشىلىعى داشۋەسى حايۋاناتتار عىلىم - تەحنيكاسى شۋەيۋانىنداعى لي مىڭحۋا پروفەسسور بىلاي دەدى: ەلىمىزدە قويدىڭ تۇقىمى كوپ بولعانىمەن، ەتى، ءجۇنى، ءسۇتى سياقتى باستى وندىرىستىك قاسيەتتەرى تۇگەلدەي ءبىرشاما تومەن بولعاندىقتان، سويىسقا جانە ساۋىنعا پايدالانىلاتىن ساپالى تۇقىمدى قوي ءالى دە يمپورتقا يەك ارتىپ، ەلىمىزدىڭ قوي شارۋاشىلىعىنىڭ دامۋى مەن تۇقىم شارۋاشىلىعىنىڭ وركەندەۋىن تەجەپ كەلەدى. سول سەبەپتى، وسى فەنوتيپتىك وزگەرىستەردىڭ گەنەتيكالىق نەگىزىن اشىپ، قاتىستى جاڭا گەندەردى تاۋىپ، قويدىڭ تۇقىمدىق پلازماسىندا جاڭالىق اشۋ جانە جاڭا تۇقىمداردى جەتىلدىرۋگە مول گەندىك بايلىق ۇسىندى.
شينجياڭ مال شارۋاشىلىعى عىلىم اكادەمياسى بيوتەحنيكا زەرتتەۋ ورنىنىڭ باستىعى ليۋ ميڭجۇننىڭ تانىستىرۋىنشا، قۇيرىعىنىڭ ۇزىندىعى قولدا باعىلعان قوي تۇقىمىنىڭ ايقىن ەرەكشەلىكتەرىنىڭ ءبىرى، ءبىراق قۇيرىقتىڭ ۇزىن بولۋى تازالىق ماسەلەسىنەن ىندەتكە وڭاي دۋشار ەتەدى، سونداي - اق تابيعي كۇيەككە تۇسۋىنە ىقپال جاساپ، كوبەيۋ مولشەرىن تومەندەتەدى. سول سەبەپتى ۇزىن قۇيرىق قويلاردىڭ قۇيرىعى قوزى كەزىندە كەسىپ تاستالادى، وعان ادام كۇشى، زات كۇشى سارىپ بولۋمەن قويماي، جاراقات ورنى قۇرتتاپ، قابىنىپ كەتەدى دە، ءوسىپ جەتىلمەي، ءتىپتى، ءولىپ قالادى. سوندىقتان، قۇيرىعىن كەسۋدى قاجەت ەتپەيتىن ساپالى شولاق قۇيرىق قوي تۇقىمىن جەتىلدىرۋ دۇنيە ءجۇزى قوي تۇقىمىن جەتىلدىرۋ نىسانالارىنىڭ ءبىرى بولىپ تابىلادى.
زەرتتەۋ ۇجىمى، ءبىر جاعىنان، جاڭادان بايقالعان TBXT گەندىك مۋتاتسيالانۋدان پايدالانىپ، ىلەدە ورىستەتىلىپ جاتقان جايىلىستىق سويىس قوي تۇقىمىن جەتىلدىرۋ ماقساتىنداعى وزەكتى توپقا شولاق قۇيرىق بويىنشا سۇرىپتاۋ جۇرگىزىپ، قۇيرىقتىڭ ۇزىندىعىن ايتارلىقتاي قىسقارتقان، سونداي - اق شولاق قۇيرىق قوي جەتىلدىرۋ ءۇشىن، مولەكۋلالىق سۇرىپتاپ جەتىلدىرۋ تەحنيكاسى جانە تۇقىم جەتىلدىرۋ وزەكتى توبىن قۇرعان؛ ەندى ءبىر جاعىنان، گەندى وڭدەۋ سىندى وزىق بيولوگيالىق تۇقىم جەتىلدىرۋ تەحنيكاسىنان پايدالانىپ، ءبيازى ءجۇندى قويعا TBXT گەندىك وڭدەۋ جۇرگىزىپ، گەنى وڭدەلگەن شولاق قۇيرىق ءبيازى ءجۇندى قويعا قول جەتكىزىپ، جالپىلاستىرۋ، كوبەيتۋ ارقىلى گەنى وڭدەلگەن شولاق قۇيرىق ءبيازى ءجۇندى قويدىڭ تۇقىمىن جەتىلدىرۋ بايلىعى توبىن قۇرىپ، شولاق قۇيرىق ءبيازى ءجۇندى قويىن جەتىلدىرۋگە باعالى تۇقىمدىق پلازما بايلىعىن ازىرلەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
