سپورت شۇعىلاسىمەن ىنتىماق كۇشىن ۇيىستىردى
□ انار بۇلت \ شينجياڭ گازەتىنىڭ ءتىلشىسى دۇڭ لياڭ
2022.09.14 15:09 كەلۋ قاينارى : شينجياڭ گازەتى
9 - ايدىڭ 13 - كۇنى، از ۇلتتاردىڭ اۆتونوميالى رايوندىق 10 - كەزەكتى ءداستۇرلى سپورت جارىسى بۇراتالا موڭعۇل اۆتونوميالى وبلىسىندا باستالدى. رايونىمىزدىڭ 14 ايماق، وبلىس، قالاسىنان جانە شينجياڭ ءوندىرىس - قۇرىلىس بيڭتۋانىنان كەلگەن 15 ۋاكىلدەر ۇيىرمەسىنەن جالپى 1752 سپورتشى جارىسقا قاتىناستى.
4 جىلدا ءبىر كەزەك وتكىزىلەتىن از ۇلتتاردىڭ اۆتونوميالى رايوندىق ءداستۇرلى سپورت جارىسى 9 كەزەك ءساتتى وتكىزىلدى، جارىس تۇرلەرى ۇزدىكسىز كوبەيىپ، جارىسقا قاتىناسۋ كولەمى ۇزدىكسىز ارتىپ، جارىس مازمۇندارى ونان ارى مولايدى، ەل ىشىندەگى باسقا ولكەلەرمەن بايلانىسى بارعان سايىن جيىلەپ، ءتىپتى دە كوپ بۇقارا قىزىعا ۇناتتى. وسى كەزەكتى سپورت جارىسى جۇڭحۋا ۇلتى ورتاق تۇلعا تانىمىن بەرىك ورناتۋدى ارقاۋ ەتۋگە تاباندى بولا وتىرىپ، ”ىنتىماقتاسۋ، العا باسۋ، جاراسىمدىلىق، ەكپىندەي ىلگەرىلەۋدى“ نەگىزگى تاقىرىپ ەتىپ، ۇلتتىق سپورتتى دامىتىپ، بۇقارانىڭ دەنە ساپاسىن كۇشەيتىپ، ۇلتتار ىنتىماعىن جەبەپ، ۇلت رۋحىن سەرپىلتىپ، ۇلتتار ىنتىماعى، العاباسارلىعى ىستەرىن ىلگەرىلەتىپ، جاڭا داۋىردەگى ۇلت قىزمەتىنىڭ جوعارى ساپالى دامۋىن ىلگەرىلەتىپ، جۇڭحۋا ۇلتىنىڭ ورتاق رۋحاني مەكەنىن قۇرۋعا دەم بەردى.
از ۇلتتاردىڭ ءداستۇرلى دەنە تاربيەسى نۇر - شۇعىلا شاشتى
شينجياڭ ەجەلدەن كوپ ۇلت شوعىرلى قونىستانعان ءوڭىر، تيانشان الابىنداعى ءار ۇلت پەرزەنتتەرى ەتەنە ارالاسىپ، ءوزارا سۇيەنىش بولىپ، بەينەتتى دە، زەينەتتى دە بىرگە وتكەردى، ءار ۇلتتىڭ ءداستۇرلى مادەنيەتى جالعاسۋ، توعىسۋ بارىسىندا وركەن جايىپ، شەشەك اتتى. از ۇلتتاردىڭ ءداستۇرلى دەنە تاربيە تۇرلەرى ءار ۇلتتىڭ ءوندىرىس، تۇرمىسىنان ءنار العان، ۇلتتىق سالت - سانا، مەرەكە - مەيرام، حالىقتىق جول - جوسىن، سالت - سانا، ادەت - عۇرىپپەن تىعىز بايلانىستى، باسىم كوبى ۇزاق تاريحي مادەنيەت داستۇرىنە يە بولىپ، جۇڭحۋانىڭ تاڭداۋلى ءداستۇرلى مادەنيەتىنىڭ اسىل قازىناسى سانالادى.
وسى كەزەكتى از ۇلتتاردىڭ ءداستۇرلى سپورت جارىسىندا جيىنى 16 ۇلكەن جارىس ءتۇرى بويىنشا 124 شاعىن ءتۇر، سونداي - اق 10 ويىن كورسەتۋ ءتۇرى ورنالاستىرىلدى، ”ينتەرنەت جەلىسىندە + ينتەرنەت جەلىسىنەن تىس“ ءوزارا بىرلەسكەن ءتاسىل قولدانىپ، رايونىمىزداعى ءار ۇلتتىڭ ءداستۇرلى دەنە تاربيە ەرەكشەلىگى مەن سپورت دەڭگەيى شوعىرلى بەينەلەندى، ءار ۇلتتىڭ ءداستۇرلى دەنە تاربيەسىندەگى ۇزدىك دارىندىلاردى شىڭداپ جانە تاربيەلەپ، از ۇلت دەنە تاربيە ىستەرىنىڭ دامۋىن ىلگەرىلەتتى.
از ۇلتتاردىڭ وسى ءداستۇرلى دەنە تاربيە تۇرلەرى تۇگەلدەي ۇزاق ۋاقىتتىق اماليات بارىسىندا ۇزدىكسىز كادەگە جاراتۋ، رەتتەۋ ارقىلى بىرتىندەپ جۇيەلىلەنىپ، كەمەلدەنە كەلە، كەيبىرەۋى جارىس تۇرىنە اينالدى، كەيبىرەۋى جارىس ۇيىمداستىرۋ شارتىن ۋاقىتشا ازىرلەي الماعاندىقتان، ويىن كورسەتۋ ءتۇرى بويىنشا شىقتى. از ۇلتتاردىڭ ءداستۇرلى سپورت جارىسى سىندى وسى ساحنا ارقىلى وسى تۇرلەرگە ۇزدىكسىز جاڭا ءمان - مانەر قوسىلۋدا.
ويىن كورسەتۋ ءتۇرى ءماررا دوبى حوتان ايماعى كەريا اۋدانىندا كەڭىنەن تارالعان ءداستۇرلى دەنە تاربيە ءتۇرى. سوڭعى جىلدارى، ۇزدىكسىز كادەگە جاراتۋ، رەتتەۋ جانە جالپىلاستىرۋدىڭ ارقاسىندا، كوڭىل اشۋ، باسەكەلەسۋ جانە تاماشالاۋ سيپاتىنا بارىنشا يە بولعان وسى ءبىر ءتۇر ىلگەرىندى - كەيىندى از ۇلتتاردىڭ اۆتونوميالى رايوندىق ءداستۇرلى سپورت جارىسىنىڭ، از ۇلتتاردىڭ مەملەكەتتىك ءداستۇرلى سپورت جارىسىنىڭ ويىن كورسەتۋ تۇرىنە ەنگىزىلدى ءارى مەملەكەتتىك بەيزاتتىق مادەنيەت مۇرالارى تىزىمىنە ەنگىزىلىپ، ونىڭ عالاماتىن ءتىپتى كوپ ادامنىڭ تانۋىنا مۇمكىندىك جاسالدى.
”بۇرىن بۇل ءتۇر حوتان ايماعى توڭىرەگىندە عانا وينالاتىن، وسى كەزەكتى از ۇلتتاردىڭ ءداستۇرلى سپورت جارىسىندا 4 ايماق - وبلىس جارىسقا قاتىناستى، وسى سپورت تۇرىنە ءتىپتى دە كوپ ادام قانىق بولدى جانە وعان قاتىناساتىندار بارعان سايىن كوبەيدى“، - دەدى وسى كەزەكتى از ۇلتتاردىڭ ءداستۇرلى سپورت جارىسى ءماررا دوبى ءتۇرىنىڭ تورەشىلەر باستىعى ءماتروزى يمىن، - ”مەن ءماررا دوبىنىڭ دامۋ بولاشاعىنا مول ءۇمىت ارتامىن، بولاشاقتا، ءسوز جوق، رەسمي جارىس تۇرىنە اينالادى“.
ارالاسۋ، ىشتەسۋ، توعىسۋداعى سالتاناتتى باس قوسۋ
4 كۇندىك جارىستا، 15 ۋاكىلدەر ۇيىرمەسىندەگى سپورتشىلار مايداندا باسەكەگە تۇسەدى، جارىس پەن ويىن تۇرلەرىنە بىردەي ءمان بەرىلىپ، از ۇلتتاردىڭ ءداستۇرلى سپورت جارىسىنىڭ ”ىنتىماق، العا باسۋ، جاراسىمدىلىق، ەكپىندەي ىلگەرىلەۋ“ سىندى ءداۋىر نەگىزگى تاقىرىبىن جانە جۇڭحۋانىڭ دەنە تاربيە رۋحىن ايگىلەيدى.
”بۇل جۇڭحۋا ۇلتى ورتاق تۇلعا تانىمىن بەرىك ورناتىپ، ءار ۇلتتىڭ ارالاسۋىن، ىشتەسۋىن، توعىسۋىن جەبەيتىن تۇعىر. ءبىز ورايدى يگەرىپ، ۇزدىك ناتيجەگە قول جەتكىزۋگە قۇلشىنىپ، دەنە تاربيە رۋحىن ايگىلەۋمەن قاتار، ءارقايسى ايماق، وبلىس، قالا ۋاكىلدەر ۇيىرمەسىمەن بولعان ۇيرەنۋدى جانە اۋىس - كۇيىس جاساۋدى كۇشەيتەمىز“، - دەدى ءۇرىمجى قالاسى ۋاكىلدەر ۇيىرمەسىنىڭ ورىنباسار باستىعى ليۋ ييۇڭ.
”ءارقايسى ايماق، وبلىس، قالاداعى اعا - باۋىر، اپەكە - سىڭلىلەردىڭ كورىكتى بۇراتالاعا كەلۋىن قارسى الامىز، ءوزارا ۇيرەنىپ، بىرگە العا باسىپ، از ۇلتتاردىڭ ءداستۇرلى دەنە تاربيە تۇرلەرىن بارعان سايىن جاقسى دامىتايىق“، - دەدى بۇراتالا وبلىسى ۋاكىلدەر ۇيىرمەسىندەگى ات ويىنى سپورتشىسى ءمۇتالىپ ميجىت تيانشان الابىنداعى دوستاردى شاقىرا.
”ۇلتتار ىنتىماعى ەلىمىزدەگى ءار ۇلت حالقىنىڭ جان تامىرى، جۇڭحۋا ۇلتى ورتاق تۇلعا تانىمى ۇلتتار ىنتىماعىنىڭ نەگىزى. ءار ۇلت ىنتىماقتى، جاراسىمدى بولعاندا عانا، مەملەكەت كوركەيىپ - گۇلدەنەدى، قوعام تىنىش، حالىق باقىتتى بولادى“. وسى رەتكى از ۇلتتاردىڭ ءداستۇرلى سپورت جارىسى دايىندىق كوميسسياسى كەڭسەسىنىڭ مەڭگەرۋشىسى، اۆتونوميالى رايوندىق ۇلت ىستەرى كوميتەتى (ءدىن ىستەرى مەكەمەسى) پارتيا باسشىلىق گرۋپپاسىنىڭ ورىنباسار شۋجيى، ورىنباسار مەڭگەرۋشىسى (ورىنباسار مەكەمە باستىعى) لي جياڭ بىلاي دەپ تانىستىردى: شينجياڭدى مادەنيەتپەن نارلەندىرۋدەگى ماڭىزدى دانەكەردىڭ ءبىرى رەتىندە، از ۇلتتاردىڭ ءداستۇرلى سپورت جارىسى سىندى ءار ۇلت مادەنيەتى ءوزارا اۋىس - كۇيىس جاساپ، ۇلگى الاتىن تۇعىردان ويداعىداي پايدالانىپ، ءار ۇلتتىڭ ءوزارا ءتۇسىنىسۋىن، ءوزارا قۇرمەت ەتۋىن، ءوزارا سيىسىمدى بولۋىن، ءوزارا ۇلگى الۋىن، ءوزارا ۇيرەنۋىن، ءوزارا كومەكتەسۋىن اناعۇرلىم نىعايتىپ، اناردىڭ دانىندەي تىعىز ۇيىسۋىمىز كەرەك.
سالاماتتى شينجياڭعا ومىرشەڭدىك كۇش ۇستەدى
سوڭعى جىلدارى، جالپى حالىقتىق دەنە شىنىقتىرۋ مەملەكەت ستراتەگياسىن ىشكەرىلەي اتقارۋعا ساي، رايونىمىزداعى از ۇلتتاردىڭ ءداستۇرلى دەنە تاربيە تۇرلەرى ءار ۇلت بۇقاراسىنىڭ دەنە شىنىقتىرۋداعى ماڭىزدى فورماسىنا جانە مازمۇنىنا اينالدى.
وسى كەزەكتى از ۇلتتاردىڭ ءداستۇرلى سپورت جارىسىنداعى كوپتەگەن تۇرلەر، مىسالى: تايجيچۋان، دەنە شىنىقتىرۋ چيگۇڭى، تەپكىش، ۇلتتىق ات ونەرى ويىنى، ۇلتتىق كۇرەس سياقتىلار رايونىمىزدا كەڭىنەن تارالعان، مىعىم بۇقارالىق نەگىزگە يە، بۇقارانىڭ دەنە شىنىقتىرۋ، كوڭىل اشۋىنداعى نەگىزگى ءتاسىل بولىپ، جالپى حالىقتىق دەنە شىنىقتىرۋ بارىسىندا بەلسەندى رول اتقاردى.
”از ۇلتتاردىڭ اۆتونوميالى رايوندىق ءداستۇرلى سپورت جارىسىنىڭ ۇلگىلىك، باستاماشىلدىق رولىن ويداعداي ساۋلەلەندىرىپ، ءار ۇلت بۇقاراسىن جالپى حالىقتىق دەنە شىنىقتىرۋعا بەلسەنە ات سالىسۋعا جەتەكشىلىك ەتىپ جانە باستاپ، دەنە تاربيە شىنىعۋىنا بەلسەنە ات سالىساتىن ادەتتى جەتىلدىرىپ، سالاماتتى تۇرمىس ءتاسىلىن قالىپتاستىرىپ، ءار ۇلت بۇقاراسىنىڭ دەنساۋلىق، جان ساۋلىق ساپاسىن جانە سالاماتتىق دەڭگەيىن جوعارىلاتامىز“، - دەدى اۆتونوميالى رايوندىق دەنە تاربيە مەكەمەسىنىڭ ورىنباسار باستىعى جياڭ شىساي.
وسى كەزەكتى از ۇلتتاردىڭ ءداستۇرلى سپورت جارىسىنىڭ تاعى ءبىر ماڭىزدى مىندەتى 2023 - جىلى حايناندا وتكىزىلەتىن از ۇلتتاردىڭ مەملەكەتتىك 12 - كەزەكتى ءداستۇرلى سپورت جارىسىنا دارىندىلاردى سارالاپ تاڭداۋ. وسى كەزەكتى سپورت جارىس تۇرلەرى مەملەكەتتىك از ۇلتتاردىڭ ءداستۇرلى سپورت جارىس تۇرلەرىن ولشەم ەتە ورنالاستىرىلعان، جاڭادان قوسىلعان حىچيۋ دا كەلەر جىلعى جارىس ءۇشىن ورنالاستىرىلعان.
”وسى كەزەكتى از ۇلتتاردىڭ ءداستۇرلى سپورت جارىسىندا ءتىپتى دە كوپ ۇزدىك ساڭلاقتاردى بايقاپ، بولاشاقتا مەملەكەتتىك جارىس الاڭىندا شينجياڭ دەنە تاربيە ساڭلاقتارىنىڭ كەلبەتىن ايگىلەپ، ءار ۇلت بۇقاراسىن جالپى حالىقتىق دەنە شىنىقتىرۋعا بەلسەنە ات سالىسۋعا جىگەرلەندىرىپ، اۆتونوميالى رايوننىڭ ءتۇرلى ىستەرىنىڭ دامۋىنا قوزعاۋشى كۇش ۇستەۋدى ءۇمىت ەتەمىز“ - دەدى لي جياڭ.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
