2030 – جىلدان بۇرىن جۇڭگولىقتار اي شارىنا قادام تاستاي الا ما؟ جۇڭگونىڭ عارىش سالاسىنداعى قىزمەتكەر: ماسەلە جوق!
2023.04.25 16:07 كەلۋ قاينارى : حالىق تورابى
4 – ايدىڭ 24 – كۇنى 8 – رەتكى جۇڭگو عارىش كۇنى، باس ستانسيا ورتالىق تەلەۆيزيا ءتىلشىسى بەيجيڭدەگى شالعاي عارىشتى بارلاۋ تاجىريبەحاناسىنا بارىپ، جۇڭگونىڭ ايدى بارلاۋ ينجەنەرياسىنىڭ باس جوبالاۋشىسى ۋ ۋەيرىن اكادەميكتەن جەكە سۇحبات العان. ۋ ۋەيرىن بىلاي دەپ تانىستىرعان: چاڭ – ى 7 – ءنومىرلى مىندەتى كەيىنگى مەزگىلدە ايعا بارلاۋ جۇرگىزۋ 4 – مەرزىمدىك مىندەتىنىڭ ءبىر قادامى عانا، بولاشاقتا ول چاڭ – ى 8 – ءنومىرلى اسپاپپەن بىرگە حالىقارالىق اي شارىندا عىلىمي زەرتتەۋ جۇرگىزۋ پۋنتكىنىڭ نەگىزگى فورماسىن قۇرايدى، 2023 – جىلدان بۇرىن سالىنىپ بولادى دەپ جوسپارلانعان.
جۇڭگو ينجەنەريا اكادەمياسىنىڭ اكادەميگى، جۇڭگونىڭ ايدى بارلاۋ ينجەنەرياسىنىڭ باس ينجەنەرى ۋ ۋەيرىن اكادەميك بىلاي دەدى: قاراڭىز، كوكتە وتكەرمە جاساندى سەرىك بار، وتكەرمە جاساندى سەرىك باستىسى جەر شارىمەن ارالىقتاعى جانە ولاردىڭ وزدەرىنىڭ ارالىعىنداعى حابارلاسۋ ماسەلەسىن شەشىم ەتۋ كەرەك، ونان سوڭ، چاڭ – ى 7 – ءنومىرلى جانە چاڭ – ى 8 – ءنومىرلى ۇقساماعان جەرگە قونۋى كەرەك.
ۋ ۋەيرىن اكادەميك بىلاي دەدى: چاڭ – ى 8 – ءنومىرلى 2028 – جىلدان كەيىن ۇشىرىلادى دەپ جوسپارلانعان، باستى مىندەتى — اي شارىنداعى بايلىق قاينارىنا بارلاۋ جۇرگىزۋ ءارى بايلىق قاينارىن قايتالاي پايدالانۋ جونىندە سىناق جۇرگىزۋ.
ءتىلشى بىلاي دەپ سۇرادى: قازىر كوپشىلىك جۇڭگونىڭ عارىشكەرلى ايعا شىعۋ مىندەتىنە توتەنشە نازار اۋدارىپ وتىر، ءبىزدىڭ 2030 – جىلدان بۇرىن جۇڭگولىقتاردىڭ ايعا بارۋىن ىسكە اسىرۋىمىزدان ءۇمىت بار ما، جوق پا؟
جۇڭگو ينجەنەريا اكادەمياسىنىڭ اكادەميگى، جۇڭگونىڭ عارىشكەرلى ايدى بارلاۋ ينجەنەرياسىنىڭ باس جوبالاۋشىسى ۋ ۋەيرىن بىلاي دەدى: 2030 – جىلدان بۇرىن، جۇڭگولىقتار، ءسوزسىز، اي شارىنا قادام تاستايدى، مۇندا ماسەلە جوق.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
