ەلىمىزدىڭ عىلىمي زەرتتەۋ قىزمەتكەرلەرى راكتى تەكسەرۋ - انىقتاۋ مەن ەمدەۋگە قاتىستى جاڭا جەتىستىككە قول جەتكىزدى
2023.05.08 15:12 كەلۋ قاينارى : حالىق تورابى
سۋرەتتە: وسپەنىڭ ميكرو ورتاسى نانومەترلىك تۇيىرشىك GQD NT تىڭ وزگەرۋىنە اسەر ەتۋدە.
ەلىمىزدىڭ عىلىمي زەرتتەۋ قىزمەتكەرلەرى راكتى تەكسەرىپ ءدال انىقتاۋعا ءارى ەمدەۋگە بولاتىن نانومەترلىك تۇيىرشىكتى بايقادى، ول راكتى تەكسەرۋ - انىقتاۋ جانە ەمدەۋ بارىسىندا ءدارىنى شەكتەن تىس پايدالانۋدان تۋىندايتىن كەرى اسەردى كورنەكتى تومەندەتەدى. قاتىستى زەرتتەۋ ناتيجەسى حالىقارالىق ايگىلى عىلىمي جۋرنال — «وزىق ماتەريال» جۋرنالىندا جاريالاندى.
ءتىلشىنىڭ 5 – ايدىڭ 6 – كۇنى جۇڭگو عىلىم اكادەمياسى ءدال ولشەۋ عىلىمى جانە تەحنيكالىق جاڭالىقتاردى زەرتتەۋ مەكەمەسىنەن ۇعىسۋىنشا، اتالعان مەكەمەنىڭ زەرتتەرمەنى جوۋ شيننىڭ ۇجىمى وسپەنىڭ ميكرو ورتاسى مەن قالىپتى تىكانداردىڭ پارقىنان پايدالانىپ، وسپەنى زەردەلى پارىقتايتىن نانومەترلىك تۇيىرشىك GQD NT تى بايقاعان. بۇل نانومەترلىك تۇيىرشىك وسپەدە ۇزدىكسىز وزگەرىپ، تۇيىرشىكتىڭ ىشىندەگى ءدارىنىڭ وسپەدە تۇراقتاپ تۇراتىن ۋاقىتىن ۇزارتىپ، ءدارىنىڭ وسپەگە ەنۋ قۋاتىن ارتتىرۋمەن بىرگە، وتە از مولشەردەگى ءدارى ارقىلى راكتى ۇزاق ۋاقىت بويى ماگنيتتىك جاڭعىرىق ارقىلى سۋرەتكە الىپ انىقتاۋدى ءارى جوعارى ونىمدىلكپەن ەمدەۋدى ىسكە اسىرادى.
ۇجىمداعى مامانداردىڭ تانىستىرۋىنشا، ءدارىنى شەكتەن تىس پايدالانۋ — راكتى انىقتاۋغا جانە ەمدەۋگە كەرى اسەرىن تۋدىراتىن ەڭ باستى سەبەپتەردىڭ ءبىرى. قازىر بار دارىلەردىڭ سىرقات ۇياسىنا ءدال ءتيۋى جەتكىلىكسىز بولعاندىقتان، وسپە اۋماعىنا وڭايلىقپەن كوپ جيىلا المايدى، ونىڭ ۇستىنە، سىرقات ۇياسىندا تۇراقتاپ تۇراتىن ۋاقىتى قىسقا بولادى، سوندىقتان، مەجەدەگى سۋرەتكە الىپ تەكسەرۋ جانە ەمدەۋ ونىمدىلىگىنە زور مولشەردە ۋكىل سالۋ ارقىلى قول جەتكىزۋگە بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
