نەگىزدىك زەينەتاقى %3.8 جوعارىلاتىلادى
2023.05.23 15:07 كەلۋ قاينارى : حالىق تورابى
پارتيا ورتالىق كوميتەتى مەن مەملەكەتتىك كەڭەستىڭ بەكىتۋىمەن، ادام كۇشى بايلىعى جانە قوعامدىق قامتاماسىزداندىرۋ مينيسترلىگى مەن قازىنا مينيسترلىگى جۋىردا «2023 – جىلى زەينەتكە شىققانداردىڭ نەگىزدىك زەينەتاقىسىن رەتتەۋ جونىندەگى ۇقتىرۋدى» باسىپ تاراتىپ، كاسىپورىنداردان جانە ورگانداردان، ءىس ورىندارىنان زەينەتكە شىققان، 2022 – جىلدىڭ سوڭىنان بۇرىن بەلگىلەمە بويىنشا زەينەتكە شىعۋ رەسميەتىن بىتىرگەن ءارى اي سايىن نەگىزدىك زەينەتاقى العان ادامداردىڭ نەگىزدىك زەينەتاقىسىنىڭ 2023 – جىلى 1 – ايدىڭ 1 – كۇنىنەن باستاپ جوعارىلاتىلاتىندىعىن، جالپى رەتتەۋ ورەسى 2022 – جىلى زەينەتكە شىققانداردىڭ ورتاشا نەگىزدىك زەينەتاقىسىنىڭ %3.8 ىندەي بولاتىندىعىن ايقىنداعان.
وسى رەتكى رەتتەۋدە سوماسىن بەلگىلەپ رەتتەۋ، بايلانىستىرىپ رەتتەۋ جانە ۇيلەسىمدى ءمان بەرۋ شارالارىن ءوزارا ۇشتاستىرعان رەتتەۋ ءادىسى جالعاستى قولدانىلادى، سوماسىن بەلگىلەپ رەتتەۋ قوعامدىق ادىلدىكتى ايگىلەيدى، ءبىر وڭىردە ءتۇرلى سالادان زەينەتكە شىققانداردىڭ زەينەتاقىسىن رەتتەۋ ولشەمى بىردەي بولادى؛ بايلانىستىرىپ رەتتەۋ ”كوپ تاپسىرعاندار كوپ الۋ“، ”ۇزاق ۋاقىت تاپسىرعاندار كوپ الۋ“ سىندى شابىتتاندىرۋ مەحانيزمىن ايگىلەيدى، قىزمەت ىستەگەن مەزگىلدە كوپ تاپسىرعان، ۇزاق ۋاقىت تاپسىرعان ادامداردىڭ زەينەتاقىنى كوبىرەك الۋىنا شارت – جاعداي ازىرلەيدى؛ ۇيلەسىمدى ءمان بەرۋ ءتۇيىندى تۇردە قامقورلىق جاساۋدى ايگىلەيدى، باستىسى، قارت زەينەتكەرلەر مەن جاپالى جەرلەردەگى، شەكارا، شالعاي وڭىرلەردەگى زەينەتكەرلەرگە قامقورلىق جاسالادى.
«ۇقتىرۋدا» مىنالار تالاپ ەتىلگەن: ءارقايسى ولكە، اۆتونوميالى رايون، توتە قاراستى قالالار سول جەردىڭ ءىس جۇزىندىك جاعدايىمەن ۇشتاستىرىپ، ناقتى اتقارىلاتىن جوبانى بەلگىلەۋى، جەدەل ۇيىمداستىرىپ اتقارۋى، رەتتەپ ارتتىرىلعان نەگىزدىك زەينەتاقىنى زەينەتكەرلەردىڭ قولىنا تەزىرەك جەتكىزۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
