مەملەكەتتىك كەن حاۋىپسىزدىگىن باقىلاۋ مەكەمەسى: جيڭچىڭ تەمىر كەنى، حۇڭلين كومىر كەنىنىڭ ۋاقيعانى جاسىرۋى جونىندە ماڭدايشالىق اسىپ تەكسەرۋ جۇرگىزدى
2023.07.13 16:14 كەلۋ قاينارى : حالىق تورابى
شينحۋا اگەنتتىگىنىڭ 7 – ايدىڭ 12 – كۇنى بەيجيڭنەن بەرگەن حابارى. ءتىلشىنىڭ 7 - ايدىڭ 12 - كۇنى مەملەكەتتىك كەن حاۋىپسىزدىگىن باقىلاۋ مەكەمەسىنەن ۇعىسۋىنشا، اتالعان مەكەمە سانشي ولكەسى شينجوۋ قالاسىنداعى جيڭچىڭ تەمىر كەنى مەن لياۋنيڭ ولكەسى فۋشين قالاسىنداعى حۇڭلين كومىر كەنىنىڭ ۋاقيعانى جاسىرۋى جونىندە ماڭدايشالىق اسىپ باقىلاۋ - تەكسەرۋ جۇرگىزگەن.
مەملەكەتتىك كەن حاۋىپسىزدىگىن باقىلاۋ مەكەمەسىنىڭ قاتىستى جاۋاپتىسىنىڭ تانىستىرۋىنشا، مەملەكەت كەن حاۋىپسىزدىگىن باقىلاۋ مەكەمەسى ەكى قىزمەت گرۋپپاسىن سانشي ولكەسىنىڭ شينجوۋ قالاسى مەن لياۋنيڭ ولكەسىنىڭ فۋشين قالاسىنا جىبەرىپ، جيڭچىڭ تەمىر كەنىنىڭ ۋاقيعانى جاسىرۋىن تەكسەرۋ قىزمەتى مەن حۇڭلين كومىر كەنىنىڭ ۋاقيعانى جاسىرۋىن تەكسەرۋ قىزمەتىنە ناق مايداندا باقىلاۋ – جەتەكشىلىك ەتىپ، تەرەڭ قازىپ جىنتىكتەي تەكسەرىپ، تەمىردەي دەلو ەتىپ ٴبىتىرىپ، حۇڭلين كومىر كەنىنىڭ ۋاقيعانى جاسىرۋىن دارەجەسىن جوعارىلاتىپ تەكسەرۋدى تالاپ ەتتى.
ۇعىسۋعا قاراعاندا، مەملەكەتتىك كەن حاۋىپسىزدىگىن باقىلاۋ مەكەمەسى جاقىندا كەن كاسىپورىندارىنىڭ ۋاقيعانى جاسىرۋ قىلمىسىنا قاتتى سوققى بەرۋ تۋراسىنداعى ۇقتىرۋدى باسىپ تاراتىپ، كەن حاۋىپسىزدىگى وقيعالارىن جاسىرۋعا قاراتا ارناۋلى ارەكەتىن ورنالاستىرىپ، كەن ۋاقيعالارىن جاسىرۋدى ىندەتە تەكسەرۋدى جالپى بەتتىك قانات جايدىرىپ، ءارقايسى ورىنداردان تاريحتا تاپسىرىپ العان وقيعانى مالىمدەۋ جونىندەگى ءجىپ ۇشتارىن قايتادان انىقتاپ تەكسەرۋىن تالاپ ەتكەن، ۋاقيعانى جاسىرعانى انىقتالسا، قاتاڭ، تەز تەكسەرىپ ءبىر جاقتى ەتىپ، ءاربىر كەن كاسىپورىندارىنان اشكەرەلەۋ، سيلاۋ قۇلاقتاندىرۋ تاقتاسىن ورناتۋدى تالاپ ەتكەن.
بۇدان سىرت، مەملەكەت بويىنشا بىرلىككە كەلگەن حاۋىپسىز ءوندىرىس جونىندەگى اشكەرەلەۋ، ارىز - شاعىم تەلەفونى 12350 نەگىزىندە، مەملەكەتتىك كەن حاۋىپسىزدىگىن باقىلاۋ - باسقارۋ مەكەمەسى تاياۋدا ۇكىمەت تورابىندا كەن حاۋىپسىزدىگى ءوندىرىسىن اشكەرەلەۋ تەلەفون ءنومىرىن جاريالادى: 010-64463182 جانە 010-64463011
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
