مادەنيەت جانە ساياحات مينيسترلىگى: 2023 ـ جىلعى اۋىل ـ قىستاق مادەنيەتى مەن ساياحاتىنىڭ باستاماشىلارىن قولداۋ نىسانىن كورسەتۋ قىزمەتى ورىستەتەدى
2023.07.13 16:23 كەلۋ قاينارى : حالىق تورابى
پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ جاڭا داۋىردەگى دارىندىلار قىزمەتىن جاقسى ىستەۋ جونىندەگى ماڭىزدى يدەياسىن جاپپاي دايەكتىلەندىرىپ، اۋىل - قىستاق مادەنيەت جانە ساياحات دارىندىلار قوسىنى قۇرىلىسىن كۇشەيتۋ ءۇشىن، «مادەنيەت جانە ساياحات مينيسترلىگى كەڭسەسى، اۋىل شارۋاشىلىعى جانە اۋىل - قىستاق مينيسترلىگى كەڭسەسى ‹اۋىل - قىستاق مادەنيەتى مەن ساياحاتىنىڭ باستاماشىلارىن قولداۋ نىسانىن اتقارۋ جوباسىن (2023 - جىلدان 2025 - جىلعا دەيىن)› باسىپ تاراتۋ جونىندەگى ۇقتىرۋىنىڭ» (كەڭسە، كادرلار ءبولىمى تاراتقان [2023] 102 - ءنومىرلى) تالابىنا ساي، مادەنيەت جانە ساياحات مينيسترلىگى 2023 - جىلعى اۋىل - قىستاق مادەنيەتى مەن ساياحاتىنىڭ باستاماشىلارىن قولداۋ نىسانىن كورسەتۋ قىزمەتىن ورىستەتەدى.
كورسەتۋ قىزمەتىندە ۇزدىكتەرىن تاڭداپ كورسەتۋگە تاباندى بولىپ، نەگىزىنەن دارەجە بويىنشا ۇزدىكتەرىن كورسەتۋ ءتاسىلى قولدانىلادى. نەگىزگى ساتى مادەنيەت جانە ساياحات تاراۋلارى جاقسى كانديداتتاردى ەنگىزۋ وتكەلىن مىقتى يگەرىپ، تانىستىرىلاتىن وبيەكتىلەردىڭ ساياسي، يدەيالىق مىنەز ـ قۇلقىن جان ـ جاقتى ۇعىسۋ ءارى كانديداتتاردىڭ زاڭ ـ تارتىپكە بويسۇنۋ جاعدايى جونىندە جەرگىلىكتى قاتىستى تاراۋلاردان پىكىر الىپ، ولكە دارەجەلى مادەنيەت جانە ساياحات تاراۋلارى جيناقتاپ تەكسەرگەننەن كەيىن، مادەنيەت جانە ساياحات مينيسترلىگىنە ءبىرتۇتاس جولدايدى. نىسانعا جەكەلەردىڭ تىكەلەي تىزىمدەلۋىنە بولمايدى.
اۋىل ـ قىستاقتا جۇڭحۋانىڭ تاڭداۋلى ءداستۇرلى مادەنيەتىن جالعاستىرۋمەن، ساۋلەلەندىرۋمەن بىرگە، اۋىل ـ قىستاق مادەنيەتى مەن ساياحاتىنىڭ توعىسپالى دامۋىن ىلگەرىلەتكەن باستاماشىلاردى كورسەتۋگە باسا ءمان بەرۋ كەرەك. 2019 – جىلدان 2022 – جىلعا دەيىنگى اۋىل – قىستاق مادەنيەتى مەن ساياحاتىن قولداۋ نىسانىنا تاڭدالعان قىزمەتكەرلەردىڭ قايتالاي تىزىمدەلۋىنە بولمايدى.
ۇزاق جىل بويى اۋىل – قىستاقتا ۇگىت، يدەيا، مادەنيەت قىزمەتىمەن شۇعىلدانعان، اۋىل – قىستاق مادەنيەتى مەن ساياحات بايلىعىن اشقان، جۇڭحۋانىڭ تاڭداۋلى ءداستۇرلى مادەنيەتىنە جاسامپازدىقپەن بۇرىلىس جاساعان، ونى جاسامپازدىقپەن دامىتقان، بەلگىلى بۇقارالىق بەدەلى بار ادامداردى ءتۇيىندى تۇردە تانىستىرۋ كەرەك. باستاماشى نىسان (قيمىل) ارقىلى الەۋمەتتىك يگىلىك سيپاتتى نەمەسە ءالى دە العاشقى ساتىدا تۇرعان، قاتىستى شارتتارعا ۇيلەسەتىن بولسا، ءبىر رەتتىك نىساندارعا قارجىلاي كومەك بەرەتىن كانديدات رەتىندە تانىستىرۋعا بولادى، مادەنيەت جانە ساياحات مينيسترلىگى ۇزدىكتەرىن تاڭداپ، قارجىلاي كومەك بەرەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
