بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

ورتالىق اسكەري ىستەر كوميتەتى بۇكىل ارميانىڭ ارميانى قۇدىرەتتەندىرۋ نىساناسىن جۇزەگە اسىرۋداعى ۇلگىلى ورىندار مەن ۇلگىلەردى ماداقتادى

2023.07.13 16:32     كەلۋ قاينارى : حالىق تورابى

  شينحۋا اگەنتتىگى، 7 - ايدىڭ 12 - كۇنى، بەيجيڭ. تاياۋدا ورتالىق اسكەري ىستەر كوميتەتى حابارلاندىرۋ باسىپ تاراتىپ، بۇكىل ارميانىڭ ارميانى قۇدىرەتتەندىرۋ نىساناسىن امالياتتا ايگىلەۋدەگى ۇلگىلى ورىندار مەن ۇلگىلى جەكەلەردى ماداقتادى.

  حابارلاندىرۋدا مىنالار اتاپ كورسەتىلدى: بۇكىل ارمياداعى اسكەري بولىمدەر پارتيا ورتالىق كوميتەتىنىڭ، ورتالىق اسكەري ىستەر كوميتەتىنىڭ جانە ءتوراعا شي جينپيڭنىڭ شەشىمدەرىن، ورنالاستىرۋلارىن باتىل دايەكتىلەندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، شي جينپيڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن ىشكەرىلەي دايەكتىلەندىرىپ، پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن جۇزەگە اسىرۋدى ارقاۋ ەتىپ، ارميانى ساياسي جولمەن قۇرۋدى، رەفورمامەن، عىلىم - تەحنيكامەن، دارىندىلارمەن قۇدىرەتتەندىرۋدى، زاڭمەن جونگە سالۋدى ىشكەرىلەي ىلگەرىلەتىپ، ءبىر جاعىنان كۇرەس جۇرگىزىپ، ءبىر جاعىنان سوعىسقا دايىندالىپ، ءبىر جاعىنان قۇرىلىس جۇرگىزىپ، ارميانى قۇدىرەتتەندىرۋ ىستەرىندە تاريحي تابىسقا قول جەتكىزۋدى، تاريحي وزگەرىس تۋدىرۋدى ىلگەرىلەتۋ امالياتى بارىسىندا ءبىر توپ وزات تيپ جارىققا شىقتى.

  حابارلاندىرۋ مىناعان ۇندەدى: بۇكىل ارمياداعى اسكەري بولىمدەر ماداقتالىپ - سيلانعان ورىندار مەن جەكەلەردى ۇلگى ەتىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، شي جينپيڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، اسكەري ىستەر كوميتەتىنىڭ ءتوراعاسى جاۋاپتى بولۋ ءتۇزىمىن دايەكتىلەندىرۋى كەرەك. حالىق ارمياسىنىڭ پارتيا قۇرىلىسىن جاپپاي كۇشەيتىپ، اسكەر جاتتىقتىرىپ، سوعىسقا دايىندالۋدى جاپپاي كۇشەيتىپ، اسكەري ىستەردى جونگە سالۋدى جاپپاي كۇشەيتىپ، مەملەكەتتىڭ ءبىر تۇلعالانعان ستراتەگيالىق جۇيەسى مەن قابىلەتىن بەكەمدەپ، جوعارىلاتىپ، ارميامىزدىڭ ساپالى دامۋىن بەلسەنە ىلگەرىلەتىپ، مەملەكەت قورعانىسى مەن ارميانى وسىزامانداندىرۋدىڭ جاڭا جاعدايىن ۇزدىكسىز اشۋ كەرەك. پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن جەتەكشى ەتىپ، رۋحاني كۇيدى تاسقىنداتىپ، ەكپىندەي ىلگەرىلەۋ كۇشىن ۇيىستىرىپ، جاۋاپكەرلىك ارقالاۋدى، ىسكەرلىك كورسەتۋدى كۇشەيتىپ، كۇرەس رۋحىن ساۋلەلەندىرىپ، قىزمەتتى تياناقتاندىرۋدى مىقتى يگەرىپ، ارميا قۇرىلعانىنىڭ 100 جىلدىعى كۇرەس نىساناسىن ۋاعىندا جۇزەگە اسىرۋعا كەپىلدىك ەتۋ كەرەك.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى