مەملەكەتتىك ساياسي كەڭەس ”قالا مەن اۋىلدىڭ توعىسپالى دامۋىن ءبىر تۇتاس جوسپارلاپ، اۋىل - قىستاقتى گۇلدەندىرۋدى جاپپاي ىلگەرىلەتۋ“ ارناۋلى تاقىرىپتىق كەڭەس ءماجىلىسىن اشتى
ۋاڭ حۋنيڭ ماجىلىسكە قاتىناستى ءارى ءسوز سويلەدى
2023.07.13 16:35 كەلۋ قاينارى : حالىق تورابى
«حالىق گازەتى»، 7 - ايدىڭ 12 - كۇنى، بەيجيڭ. مەملەكەتتىك ساياسي كەڭەس 7 - ايدىڭ 12 - كۇنى بەيجيڭدە ”قالا مەن اۋىلدىڭ توعىسپالى دامۋىن ءبىر تۇتاس جوسپارلاپ، اۋىل - قىستاقتى گۇلدەندىرۋدى جاپپاي ىلگەرىلەتۋ“ ارناۋلى تاقىرىپتىق كەڭەس ءماجىلىسىن اشتى، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ ماجىلىسكە قاتىناستى ءارى ءسوز سويلەدى. ول مىنالاردى ءبىلدىردى: كەدەيلىكتەن ارىلتۋدان قامال الۋدا قول جەتكەن كەلەلى تاريحي جەتىستىكتەردەن، اۋىل - قىستاقتى گۇلدەندىرۋدە قول جەتكەن بەلسەندى ىلگەرىلەۋشىلىكتەن ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، مىندەت وتەۋ جاۋاپكەرلىك سەزىمى مەن بورىشتىلىق سەزىمىن كۇشەيتىپ، اۋىل - قىستاقتى گۇلدەندىرۋدىڭ جۇڭگوشا جولىمەن جۇرۋگە اقىل - پاراسات جانە كۇش - قۋات ارناۋ كەرەك.
ۋاڭ حۋنيڭ مىنالاردى ءبىلدىردى: باس شۋجي شي جينپيڭنىڭ قالا مەن اۋىلدىڭ توعىسپالى دامۋىن ءبىر تۇتاس جوسپارلاۋ، اۋىل - قىستاقتى گۇلدەندىرۋدى جاپپاي ىلگەرىلەتۋ جونىندەگى ماڭىزدى پايىمداۋلارىن ىشكەرىلەي ۇيرەنىپ، ءتۇسىنىپ، حالىق ساياسي كەڭەسىنىڭ مىندەت اتقارۋ بەتالىسى مەن كۇش سالۋ ءتۇيىنىن ءداپ باسىپ تابۋ كەرەك. قازىرگى اۋىل شارۋاشىلىعىنىڭ، اۋىل - قىستاقتىڭ دامۋىنداعى ماڭىزدى ماسەلەلەر مەن شارۋالار اڭىس ەتكەن ءىس جۇزىندىك ماسەلەلەر توڭىرەگىندە ىشكەرىلەي تەكسەرۋ - زەرتتەۋ جۇرگىزىپ، بەلسەنە اقىل - كەڭەس بەرۋ كەرەك. يدەيالىق ورتاق تانىمدى كەڭىنەن ۇيىستىرىپ، ”مىڭ قىستاقتا ۇلگى كورسەتۋ، 10 مىڭ قىستاقتى رەتتەۋ - وڭاۋ“ ينجەنەرياسىنىڭ تاجىريبەلەرىنەن شابىت العان جانە ونى قامتىعان عىلمي ءادىستى ويداعىداي ۇگىتتەپ، ءتۇسىندىرىپ، تۇتاس قوعامدا اۋىل شارۋاشىلىعىنا ءمان بەرەتىن، اۋىل - قىستاققا كوڭىل بولەتىن، شارۋالارعا قامقورلىق جاسايتىن قويۋ راي قالىپتاستىرۋدى ىلگەرىلەتۋ كەرەك. ءوز قىزمەتىمىزدى تياناق ەتىپ، ءوز رولىمىزدى ساۋلەلەندىرىپ، حالىقتىڭ ىرىس - قۇتىن ارتتىراتىن ناقتى ىستەردى، جاقسى ىستەردى كوبىرەك ىستەپ، اۋىل - قىستاقتىڭ جاپپاي گۇلدەنۋىنە دەم بەرۋىمىز كەرەك.
مەملەكەتتىك ساياسي كەڭەستىڭ 100 دەن استام مۇشەسى ماجىلىسكە قاتىناستى، مەملەكەتتىك ساياسي كەڭەستىڭ اۋىل شارۋاشىلىعى جانە اۋىل - قىستاق كوميتەتى ارناۋلى تاقىرىپتا تەكسەرۋ - زەرتتەۋ جاعدايىن تانىستىردى، 25 مۇشە مەن مامان ءسوز سويلەدى. كوپشىلىك مىنالاردى ءبىلدىردى: اۋىل - قىستاقتى گۇلدەندىرۋدى جاپپاي ىلگەرىلەتۋدە ”مىڭ قىستاقتا ۇلگى كورسەتۋ، 10 مىڭ قىستاقتى رەتتەۋ - وڭاۋ“ ينجەنەرياسىنىڭ تاجىريبەلەرىن ىشكەرىلەي ۇيرەنىپ، قولدانىپ، قالا مەن اۋىلدىڭ توعىسا دامۋىن كۇش سالا ىلگەرىلەتۋ؛ ابزالدىققا يە ەرەكشە كاسىپ سالالارىن بەلسەنە دامىتىپ، وسىزاماندانعان اۋىل شارۋاشىلىعى تيجارات جۇيەسى قۇرىلىسىن ىلگەرىلەتىپ، كاسىپورىنداردى اۋىل - قىستاقتى گۇلدەندىرۋگە ات سالىسۋعا شابىتتاندىرۋ، جەتەكتەۋ، قولداۋ؛ اۋىل - قىستاقتىڭ دارىندى تاربيەلەۋ، ەنگىزۋ، پايدالانۋ مەحانيزمىن اقاۋسىزداندىرىپ، اۋىل - قىستاقتى گۇلدەندىرۋدىڭ دارىندى نەگىزىن بەكەمدەۋ؛ اۋىل - قىستاق نەگىزدىك قۇرىلعى قۇرىلىسى مەن الەۋمەتتىك قىزمەت وتەۋ دەڭگەيىن قۇلشىنا جوعارىلاتىپ، سيفرلى اۋىل - قىستاق قۇرىلىسىن ىلگەرىلەتىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن جوعارىلاتۋ كەرەك.
ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى ليۋ گوجۇڭ ماجىلىسكە قاتىناستى ءارى ءسوز سويلەدى. ول مىنالاردى ءبىلدىردى: شي جينپيڭ جولداستى ۇيىتقى ەتكەن ج ك پ ورتالىق كوميتەتىنىڭ پارمەندى باسشىلىعىندا، قالا مەن اۋىلدىڭ توعىسپالى دامۋى ءبىر تۇتاس جوسپارلانىپ، ىشكەرىلەي ىلگەرىلەتىلىپ، اۋىل - قىستاقتى گۇلدەندىرۋ ستراتەگياسىن اتقارۋدا بەلسەندى ىلگەرىلەۋشىلىككە قول جەتكىزىلىپ، جاپپاي دوڭگەلەك داۋلەتتى قوعام ورناتۋدىڭ تاريحي مىندەتىن ورىنداۋعا، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستاۋعا بەرىك نەگىز قالاندى. باس شۋجي شي جينپيڭنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى ماڭىزدى پايىمداۋلارىن ىشكەرىلەي ۇيرەنىپ، دايەكتىلەندىرىپ، نىسانانى كوزدەپ، نازاردى ماڭىزدى تۇيىنگە شوعىرلاندىرىپ، جىجياڭنىڭ ”مىڭ قىستاقتا ۇلگى كورسەتۋ، 10 مىڭ قىستاقتى رەتتەۋ - وڭاۋ“ ينجەنەرياسىنىڭ تاجىريبەلەرىن جاپپاي ۇيرەنىپ، جالپىلاستىرىپ، استىق حاۋىپسىزدىگىنىڭ نەگىزىن جان - جاقتى بەكەمدەپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەپ، كەڭەيتىپ، قالا مەن اۋىلدىڭ توعىسا دامۋىن ىلگەرىلەتۋدە تەز ارادا ناقتى ونىمدىلىككە قول جەتكىزىپ، اۋىل - قىستاق كاسىپ سالاسىنىڭ ساپالى دامۋىن جەبەپ، قونىستانۋعا، شارۋاشىلىق جۇرگىزۋگە قولايلى، كورىكتى اۋىل - قىستاق قۇرىلىسىن تىڭعىلىقتى ىلگەرىلەتۋ كەرەك. پارتيانىڭ جاپپاي باسشىلىعىندا تاباندى بولىپ جانە ونى كۇشەيتىپ، بەس دارەجەلى شۋجيلەر بىرگە يگەرۋدە تاباندى بولىپ، اۋىل - قىستاقتى گۇلدەندىرۋدى جاپپاي ىلگەرىلەتۋ قىزمەتىنىڭ قۇدىرەتتى بىرىككەن كۇشىن ۇيىستىرۋ كەرەك.ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك ساياسي كەڭەس ءتوراعاسىنىڭ ورىنباسارى شى تايفىڭ تۇستەن بۇرىنعى ءماجىلىستى باسقاردى.
مەملەكەتتىك ساياسي كەڭەس ءتوراعاسىنىڭ ورىنباسارلارى حۋ چۇنحۋا، شىن يۋەيۋە، گاۋ يۇنلۇڭ، چىن ۋ، مۋ حۇڭ، ۋاڭ دۇڭفىڭ، چين بويۇڭ، ياڭ جىن ماجىلىسكە قاتىناستى. ج ك پ ورتالىق كوميتەتىنىڭ، مەملەكەتتىك كەڭەستىڭ قاتىستى تاراۋلارى مەن ورىندارىنداعى جاۋاپتى جولداستار ماجىلىسكە قاتىناسىپ، پىكىر - ۇسىنىستاردى تىڭداپ، ساياسي كەڭەس مۇشەلەرىمەن كەڭەسىپ، اۋىس - كۇيىس جاسادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
