بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

لي چياڭ تۇعىر كاسىپورىندارىنىڭ اڭگىمە ءماجىلىسىن باسقارىپ اشتى

ديڭ شۋەشياڭ ماجىلىسكە قاتىناستى

2023.07.13 16:36     كەلۋ قاينارى : حالىق تورابى

  شينحۋا اگەنتتىگى، 7 - ايدىڭ 12 - كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ 7 - ايدىڭ 12 - كۇنى تۇستەن كەيىن تۇعىر كاسىپورىندارىنىڭ اڭگىمە ءماجىلىسىن باسقارىپ اشىپ، تۇعىر ەكونوميكاسىنىڭ اقاۋسىز، باياندى دامۋىن اناعۇرلىم ويداعىداي جەبەۋ جونىندەگى پىكىر - ۇسىنىستاردى تىڭدادى.

  ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ ماجىلىسكە قاتىناستى.

  اڭگىمە ماجىلىسىندە مەيتۋان، شياۋحۇڭشۋ، حايجى زايشيان، حولالا، الي يۇن، شۇيگۇڭ حانيۇن، دوۋيىن، جىليان قىزمەتكەر قابىلداۋى سياقتى كاسىپورىنداردىڭ جاۋاپتىلارى ىلگەرىندى - كەيىندى ءسوز سويلەدى، پيندودو، جيڭدۇڭ، وۋيە بۇلتتىق ساۋداسى، BOSS قىزمەتكەر قابىلداۋى، عارىش بۇلتتىق تورابى، كا - اۋسى سياقتى كاسىپورىنداردىڭ جاۋاپتىلارى جازباشا ءسوز تاپسىردى.

  كوپشىلىكتىڭ ءسوزىن مۇقيات تىڭداعاننان كەيىن لي چياڭ بىلاي دەپ اتاپ كورسەتتى: تۇعىر ەكونوميكاسى ءداۋىر دامۋىنىڭ ۇلى تولقىنىندا دۇنيەگە كەلىپ، سۇرانىستى كەڭەيتۋگە تىڭ ءورىس، جاڭالىق اشا دامۋعا جاڭا قوزعاۋشى كۇش، جۇمىستانۋعا، يگىلىك جاراتۋعا جاڭا ارنا، الەۋمەتتىك قىزمەت وتەۋگە جاڭا تىرەك ازىرلەپ، دامۋ جالپى جاعدايىنداعى ورنى مەن رولى كۇن سايىن كورنەكتىلەندى.

  لي چياڭ بىلاي دەپ اتاپ كورسەتتى: جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا تۇعىر ەكونوميكاسىنىڭ بولاشاعى زور. ول قالىڭ تۇعىر كاسىپورىندارىنىڭ سەنىمدى بەكەمدەپ، العا قاراپ، ”ىشكى قۋاتقا“ ويداعىداي جاتتىعىپ، قايراتتانا ىستەپ، ءوسىپ - جەتىلۋدەگى قيىندىقتى قۇلشىنا شەشىپ، دامۋعا جەتەكشىلىك ەتۋ، جۇمىستاندىرۋ ورايىن جاراتۋ، حالىقارالىق باسەكە جاقتارىندا ءوز ونەرىن كورسەتۋىن ءۇمىت ەتتى. جاڭالىق اشۋدا قامال الۋدى ۇزدىكسىز ىلگەرىلەتىپ، تومەنگى تەحنيكا سياقتى شەشۋشى، وزەكتى تەحنيكالاردى ارقاۋ ەتىپ، زەرتتەۋ - اشۋعا ۇسىنىلىمدى ارتتىرىپ، جاڭا سالا، جاڭا جارىس جولدارىن اشۋ كەرەك. ناقتى ەكونوميكانىڭ دامۋىنا كۇش ۇستەپ، تۇتىنۋ ينتەرنەت تۇعىرىن ساپالىلاندىرۋ، دامىتۋ ارقىلى ىشكى سۇرانىستىڭ كومەسكى كۇشىن ونان ارى قاۋلاتىپ، ونەركاسىپ ينتەرنەت تۇعىرىن زور كۇشپەن دامىتۋ ارقىلى ورتا، شاعىن كاسىپورىنداردىڭ بىرلەسىپ جاڭالىق اشۋىنا ءونىمدى جەتەكشىلىك ەتۋ كەرەك. قوعامدىق جاۋاپكەرلىكتى بەلسەنە اتقارىپ، كاسىپ سالاسىنىڭ ءوزىن تەجەۋىن، ەرەجەگە ۇيلەسىمدى تيجارات جۇرگىزۋىن كۇشەيتىپ، تۇعىردىڭ تاماشا ەكولوگيالىق ورتاسىن قورعاۋمەن بىرگە، تۇعىردى نەگىز ەتكەن جاڭا جۇمىستاندىرۋدى قۇلشىنا كەڭەيتىپ، قوعامدىق الەۋمەتتىك يگىلىك ىستەرىنە بەلسەنە ات سالىسۋ كەرەك. حالىقارالىق باسەكەلىك قۋاتتى جەدەل جوعارىلاتىپ، حالىقارالىق ۇلكەن ساحنادا سايىسۋعا باتىل بولىپ، ءتىپتى دە كوپ جۇڭگو جاساۋىنىڭ، جۇڭگو قىزمەت وتەۋىنىڭ شەتەلگە شىعۋىنا جەتەكشىلىك ەتۋ كەرەك. كوپشىلىكتىڭ تاڭداۋلى كاسىپورىنشىلار رۋحىن بارىنشا ساۋلەلەندىرىپ، بازاردى قىراعىلىقپەن اڭعارىپ جانە باتىلدىقپەن قامال الۋ جىگەرىنەن جازباي، كاسىپورىن دامۋىنىڭ تىڭ داستانىن ۇزدىكسىز جازۋىن ءۇمىت ەتەمىن.

  لي چياڭ بىلاي دەپ دارىپتەدى: ءار دارەجەلى ۇكىمەتتەر ءادىل باسەكەلى بازار ورتاسىن كۇش سالا قالىپتاستىرىپ، قارجى قوسۋعا رۇقسات ەتۋ، جاڭا تەحنيكا، جاڭا كاسىپتەردىڭ حاۋىپسىزدىگىن باعالاۋ سياقتى ساياساتتاردى كەمەلدەندىرىپ، جاريالى، بولجاۋعا بولاتىن ۇدايىلانعان باقىلاۋ - باسقارۋ ءتۇزىمىن اقاۋسىزداندىرىپ، كاسىپورىنداردىڭ ەرەجەگە ۇيلەسىمدى تيجارات وزىندىك قۇنىن تومەندەتىپ، كاسىپ سالاسىنىڭ تاماشا دامۋىن جەبەۋ كەرەك. تۇعىر كاسىپورىندارىمەن ۇنەمىلىك بايلانىس جاساۋ، اۋىس - كۇيىس جاساۋ مەحانيزمىن ورناتىپ جانە كەمەلدەندىرىپ، كاسىپورىنداردىڭ قيىنشىلىعى مەن تالابىن دەر كەزىندە ۇعىسىپ، قاتىستى ساياساتتار مەن شارالاردى كەمەلدەندىرىپ، تۇعىر ەكونوميكاسىنىڭ اقاۋسىز، باياندى دامۋىن ىلگەرىلەتۋ كەرەك.

  ۋ جىڭلۇڭ اڭگىمە ماجىلىسىنە قاتىناستى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى