بيىلعى جىلدىڭ العاشقى جارتىسىندا بۇكىل ەل بويىنشا كەمە جاساۋ جۇمىسىنىڭ ورىندالۋ مولشەرى سايكەس مەزگىلدەگىدەن %14.2 ارتتى (جاڭا ساندى مالىمەت، جاڭا ءتۇيىن)
جاڭادان تاپسىرىس بەرۋ مولشەرى سايكەس مەزگىلدەگىدەن %67.7 ارتتى
2023.07.13 16:37 كەلۋ قاينارى : حالىق تورابى
«حالىق گازەتى»، 7 - ايدىڭ 12 - كۇنى، بەيجيڭ (تىلشىلەر ليۋ جىچياڭ، ۋاڭ جىڭ). ءتىلشىنىڭ ونەركاسىپ جانە ينفورماتسيالاندىرۋ مينيسترلىگىنەن ۇعىسۋىنا قاراعاندا، بيىل 1 - ايدان 6 - ايعا دەيىن بۇكىل ەل بويىنشا كەمە جاساۋ جۇمىس مولشەرى 21 ميلليون 130 مىڭ توننا جۇك كوتەرىمدىلىگى كوبەيىپ، سايكەس مەزگىلدەگىدەن %14.2 ارتقان، مۇنىڭ ىشىندە تەڭىز كەمەسىنىكى 7 ميلليون 440 مىڭ توننا جۇك كوتەرىمدىلىگى بولعان؛ جاڭادان قابىلدانعان تاپسىرىس مولشەرى 37 ميلليون 670 مىڭ توننا جۇك كوتەرىمدىلىگى بولىپ، سايكەس مەزگىلدەگىدەن %67.7 ارتقان، مۇنىڭ ىشىندە تەڭىز كەمەسىنىكى 15 ميلليون 370 مىڭ توننا جۇك كوتەرىمدىلىگى بولعان. 6 - ايدىڭ سوڭىنا دەيىن قولداعى تاپسىرىس مولشەرى 123 ميلليون 770 مىڭ توننا جۇك كوتەرىمدىلىگى بولىپ، سايكەس مەزگىلدەگىدەن %20.5 ارتقان، مۇنىڭ ىشىندە تەڭىز كەمەسىنىكى 55 ميلليون 260 مىڭ توننا جۇك كوتەرىمدىلىگى بولىپ، ەكسپورت ەتىلگەن كەمە جالپى مولشەرىنىڭ %92.8 ىن ۇستاعان.
بيىل 1 - ايدان 6 - ايعا دەيىن ەلىمىزدىڭ كەمە جاساۋ جۇمىسىنىڭ ورىندالۋ مولشەرى، جاڭا تاپسىرىس قابىلداۋ مولشەرى جانە قولداعى تاپسىرىس مولشەرى دۇنيە ءجۇزى جالپى مولشەرىنىڭ %49.6 ىن، %72.6 ىن جانە %53.2 ىن ۇستاپ، وزگەرىس ەنگىزىلگەن جالپى جۇك كوتەرىمدىلىگى جەكە - جەكە %47.3 ىن، %67.2 ىن جانە %46.8 ىن ۇستاپ، دۇنيە ءجۇزى بويىنشا ءبىرىنشى ورىندا تۇرعان.
بيىل جىل باسىنان بەرى كەمە كاسىبىنىڭ تيبىن وزگەرتىپ، دارەجەسىن جوعارىلاتۋ نىق قاداممەن العا باسىپ، الىپ كەمەلەر ىركەس - تىركەس تاپسىرىلدى. 5 - ايدىڭ 26 - كۇنى جۇڭگو كەمە توبى داليان كەمە جاساۋ سەرىكتەستىگى جاساعان M350 تۇرپاتتى تەڭىزدەگى قالقىمالى مۇناي ساقتاۋ كەمەسى (FPSO) پايدالانۋعا بەرىلدى، بۇل كەمە دۇنيە جۇزىندەگى كوپتەگەن تەڭىز ايدىنىنداعى مۇناي - گاز اشۋ جۇمىسىندا پايدالانىلىپ، جۇمىس جۇرگىزۋشى جاقتىڭ اينالىس وزىندىك قۇنىن زور مولشەردە تومەندەتەدى. 6 - ايدىڭ 26 - كۇنى جۇڭگو كەمە توبى حۋدۇڭ جۇڭحۋا سەرىكتەستىگى جاساعان 15 مىڭ 500 ولشەمدى ساندىق ءىرى تۇرپاتتى تيەۋىش قوراپتى كەمەسى توقتامداعى ۋاقىتتان 66 كۇن بۇرىن پايدالانۋعا بەرىلدى، بۇل سەرىكتەستىك الدىڭعى جارتى جىلدا 9 كەمەنى پايدالانۋعا بەرىپ، جىلدىق جوسپاردىڭ %56 ىن ورىندادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
