مەملەكەتتىك دەنساۋلىق ساقتاۋ جانە سالاماتتىق كوميتەتى ەمدەۋ، ءدارى ـ دارمەك سالاسىنداعى شىرىكتەسۋگە قارسى تۇرۋ، جونگە سالۋ قىزمەتىنە جاۋاپ قايتاردى
ۇقىعىن مايعا بەرۋ، اقشا بەرىپ ساتۋ سياقتى 6 جاقتى ءتۇيىندى جونگە سالۋ كەرەك
2023.08.16 15:28 كەلۋ قاينارى : حالىق تورابى
تاياۋدا مەملەكەت ەمدەۋ، ءدارى - دارمەك سالاسىنداعى شىرىكتەسۋ ماسەلەسىن شوعىرلى جونگە سالىپ، جۇرت نازارىن اۋداردى. 8 – ايدىڭ 15 ـ كۇنى مەملەكەتتىك دەنساۋلىق ساقتاۋ جانە سالاماتتىق كوميتەتى بۇكىل ەلدەگى ەمدەۋ، ءدارى ـ دارمەك سالاسىنداعى ماسەلەلەردى شوعىرلى جونگە سالۋ قىزمەتى جونىندە قاتىستى سۇراۋ ـ جاۋاپتاردى جاريالادى.
سۇراق ـ جاۋاپتا مىنالار اتاپ كورسەتىلدى: ەمدەۋ، ءدارى ـ دارمەك سالاسىنداعى شىرىكتەسۋگە قارسى تۇرۋ قىزمەتىن كۇشەيتۋ — ءدارى ـ دارمەك سالاسىنىڭ جوعارى ساپالى دامۋىن جەبەۋدىڭ ماڭىزدى مازمۇنى، ەمدەۋ، ءدارى ـ دارمەكتى جونگە سالۋ جۇيەسى قۇرىلىسىن كەمەلدەندىرۋدىڭ ماڭىزدى قۇرامداس بولىگى. سوڭعى جىلداردان بەرى تەكسەرىپ ءبىر جاقتى ەتىلگەن كەيبىر ”شەشۋشى از ساندىلار“، ماڭىزدى قىزمەت ورىندارىنداعى قىزمەتكەرلەر، ۇقىقتان پايدالانىپ ۇقىعىن مايعا بەرۋ، قالاعانىشا سىرىڭكەلىك الۋ، پارا بەرۋ، پارا الۋ سياقتى دەلولار ەمدەۋ، ءدارى - دارمەك ىستەرى رەفورماسىنىڭ، دامۋىنىڭ يگىلىگىن اۋىر دارەجەدە سۇيىلتىپ، بۇقارانىڭ ۇقىق – مۇددەسىن زياندادى.
وسى رەتكى شوعىرلى رەتتەۋ - جونگە سالۋ قىزمەتىندە جاپپاي قامتۋ، نازاردى تۇيىنگە اۋدارۋ پرينسيبى ايقىندالىپ، ەمدەۋ، ءدارى - دارمەك سالاسىنداعى اكىمشىلىك باسقارۋ تاراۋلارىنىڭ ۇقىعىن مايعا بەرۋى؛ ەمدەۋ، دەنساۋلىق ساقتاۋ قۇرىلىمدارىنداعى ”شەشۋشى از ساندىلار“ مەن شەشۋشى قىزمەت ورىندارى، سونداي – اق ءدارى - دارمەك، جابدىق، ىستەتىلەتىن ماتەريالدار سياقتى جاقتارداعى ”اقشا بەرىپ ساتۋ“؛ ەمدەۋ، ءدارى - دارمەك سالاسىنداعى اكىمشىلىك تاراۋلارىنىڭ باسقارۋىن، جەتەكشىلىگىن قابىلداعان قوعامدىق ۇيىمدار قىزمەت قولايلىلىعىنان پايدالانىپ پايدا تابۋ؛ ەمدەۋ قامسىزداندىرۋ قورىن پايدالانۋعا ساياتىن قاتىستى ماسەلەلەر؛ ەمدەۋ، ٴدارى – دارمەك وندىرەتىن، تيجارات ەتەتىن كاسىپورىنداردىڭ ساتىپ الۋ، ساتىپ بەرۋ سالاسىنداعى زاڭعا قايشى ارەكەتتەرى؛ ەمدەۋ قىزمەتكەرلەرىنىڭ «ەمدەۋ قۇرىلىمدارى قىزمەتكەرلەرىنىڭ قىزمەتتە پاك بولۋى جونىندەگى 9 ءتۇرلى ولشەمگە» قايشىلىق جاساۋى سىندى 6 جاقتان ءتۇيىندى تۇردە جونگە سالىنادى. ءوزىن –ءوزى تەكسەرۋ، ءوزىن – ءوزى تۇزەتۋ، شوعىرلى رەتتەۋ ـ وڭاۋ، قورىتىندىلاۋ، رەتتەۋ ـ تۇزەتۋ سياقتى شارالاردى قولدانۋ ارقىلى ەمدەۋ، ءدارى ـ دارمەك سالاسىنداعى كورنەكتى شىرىكتەسۋ ماسەلەلەرىن تۇتاس سالادا، تۇتاس تىزبەكتە، جاپپاي قامتىپ جۇيەلى جونگە سالىپ، ءبىرقىدىرۋ باياندى مەحانيزم ورناتىپ، كەمەلدەندىرىپ، قىزمەتتە ناقتى ونىمدىلىككە قول جەتكىزۋگە شىنايى كەپىلدىك ەتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
