ەڭ جوعارى حالىق سوت مەكەمەسى: ءبىر تۇپتەن ارتىق مەملەكەتتىك 1 - دارەجەلى قورعالاتىن جابايى وسىمدىكتى ويرانداسا قىلمىستىق ىستەرگە جاتادى
2023.08.16 15:29 كەلۋ قاينارى : حالىق تورابى
8 – ايدىڭ 14 – كۇنى، ەڭ جوعارى حالىق سوت مەكەمەسى اقپار جاريالاۋ ءماجىلىسىن اشىپ، «ەڭ جوعارى حالىق سوت مەكەمەسىنىڭ ورمان بايلىعىن ءبۇلدىرۋ قىلمىستىق ىستەر دەلوسىن قاراۋدا زاڭ قولدانۋعا قاتىستى ءبىرقانشا ماسەلە جونىندەگى تۇسىندىرمەسىن» جانە تيپتىك دەلولاردى جاريالادى. ەڭ جوعارى حالىق سوت مەكەمەسى زەرتتەۋ كەڭسەسىنىڭ ورىنباسار مەڭگەرۋشىسى جوۋ جياحاي ماجىلىستە بىلاي دەدى: قىلمىستىق ىستەر زاڭىنىڭ 344 - تارماعىنداعى بەلگىلەمەگە ساي، مەملەكەت ءتۇيىندى قورعايتىن وسىمدىكتەرگە زالال جەتكىزۋ قىلمىسىن وتكىزگەندەرگە 3 جىلدان تومەن مەرزىمدى قاماق جازاسى، قولدا ىستەتۋ نەمەسە باسقارۋعا الۋ جازاسى، وعان قوسا اقشالاي ايىپ سالۋ جازاسى كەسىلەدى؛ جاعدايى اۋىرلارعا 3 جىلدان جوعارى، 7 جىلدان تومەن مەرزىمدى قاماق جازاسى، وعان قوسا اقشالاي ايىپ سالۋ جازاسى كەسىلەدى. «تۇسىندىرمەنىڭ» 2 – تارماعىندا قورعاۋ دارەجەسى پارىقتالىپ، ءوسىپ تۇرعان اعاشتىڭ زاپاسى، ءتۇپ سانى جانە قۇنى بويىنشا، مەملەكەتتىك ءتۇيىندى قورعالاتىن جابايى وسىمدىكتەردى ٴبۇلدىرۋ قىلمىسىن تۇراقتاندىرىپ، جازا بەلگىلەۋ ولشەمى جونىندە جەكە – جەكە بەلگىلەمە شىعارىلدى. «تۇسىندىرمەدەگى» بەلگىلەمەگە نەگىزدەلگەندە، ءبىر تۇپتەن ارتىق نەمەسە ءوسىپ تۇرعان اعاش قورى ءبىر تەكشە مەتردەن اساتىن مەملەكەتتىك 1 - دارەجەلى قورعالاتىن جابايى وسىمدىكتى بۇلدىرسە، نەمەسە 2 تۇپتەن ارتىق نەمەسە ءوسىپ تۇرعان اعاش قورى 2 تەكشە مەتردەن اساتىن مەملەكەتتىك 2 - دارەجەلى قورعالاتىن جابايى وسىمدىكتى بۇلدىرسە ، مەملەكەت جاعىنان ءتۇيىندى قورعالاتىن وسىمدىكتەرگە زالال جەتكىزۋ قىلمىسىن قالىپتاستىرادى؛ سانى جوعارىداعى ايتىلعان ولشەمنىڭ بەس ەسەسىنەن جوعارى بولعاندارعا دارەجەسىن جوعارىلاتىپ جازا بەلگىلەيدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
